Statement lo Pogranm Konstriksyon Lakaz
14th April,2009
Statement par Minis Jacquelin Dugasse pou Progranm Konstriksyon Lakaz 2009 e update lo Proze Lakaz Ile Perseverance. Mr Speaker lobzektif mon statement bomaten i de parti, premyermman prezant avek Lasanble, partaz avek Lasanble nou progranm konstriksyon lakaz pou lannen 2009 e byensir anlinny avek larzan ki gouvernman in donn nou e dezyenmman prezant avek Lasanble a bit lo proze lakaz Perseverance kot Lasanble i kapab apresye direksyon nou pe pran an prenan kont serten konstren ki nou annan. Kot i konsern nou progranm konstriksyon lakaz Mr Speaker pou lannen 2009 nou’n ganny nou R152 milyon avek gouvernman e ladan R77.5 milyon pe ganny servi pou konplet bann proze lakaz ki’n deza komanse dan distrik, byensir taler nou ava partaz detay avek Lasanble. An term polisi Mr Speaker pandan lannen 2009 nou pe focus lo konplet tou bann proze lakaz ki nou’n komanse dan bann diferan distrik. I a fer ki alafen sa lannen nou avan preski konplet tou proze a leksepsyon 2 ek 3 ki nou pou spill over into next year e prezan next year i ava donn nou sans pran bann nouvo proze ki lo nou plan 5an pou lakaz. Nou panse ki ler sa bann proze i avan fini disi lafen lannen, nou ava annan nou anviron 349 nouvo lakaz ki a ganny met available anba sa bann diferan proze ki taler nou ava prezante. An sa ki konsern Perseverance Mr Speaker, parey mon’n dir taler nou lentansyon se partaz avek Lasanble pour le moman nou revised master plan. Nou a vwar ki i annan plizyer master plan in ganny fer pou Perseverance, mon krwar sa i trwazyenm versyon e byensir nou’n fer sa revizyon prenan kont serten konsern ki’n ganny eksprimen par diferan lazan gouvernman e byensir nou master plan nou a ganny sans partaz avek zot bann fasilite rezidansyel limenm akoz evantyelman Perseverance nou pou annan anviron 10,000 dimoun ki pou abite laba.
-1-
Statement lo Pogranm Konstriksyon Lakaz
14th April,2009
I enportan ki apard fasilite rezidansyel nou osi annan lezot fasilite paregzanp fasilite komersyal ki nou master plan i fer provizyon pou sa, fasilite lwazir, fasilite sivik e lezot fasilite limenm pou kapab siport sa bann fasilite rezidansyel ki pou abrit evantyelman anviron 10,000 dimoun parey mon’n dir. Byensir sa master plan, son trwazyenm versyon in ganny konsevwar apre plizyer meeting ki nou’n annan avek diferan lazan kot nou’n kapab partaz leksperyans dan bann diferan housing estate pou fer sir ki serten problenm dan lespase dan bann housing estate pa ganny repete dan Perseverance e nou panse ki sa master plan i meyer ki pou adapte prenan kont popilasyon dimoun ki pou reste Perseverance evantyelman. Kot i konsern nou progranm lenplimantasyon lakaz Mr Speaker anvi nou progranm reform ekonomik nou’n deside pou nou revwar son lenplimantasyon. Avan nou ti pe dir annou fer tou lakaz, nou fini 2000, nou fini apre nou allocate. Ki nou pe dir la, nou pou fer li par faz. Nou annan anviron 900, lakaz 978 lakaz ki anba konstriksyon a diferan nivo, i annan i ankor fondasyon, i annan in kouver, i annan ki pe fer finishing, nou oule focus e fini sa bann lakaz. E byensir pou ou kapab allocate sa bann lakaz i enportan ki ou annan lenfrastriktir. Nou pe osi anmenmtan komansman sa lannen komans plas komann pou bann diferan lenfrastriktir parey elektrisite, delo, sewerage, semen ki anmenmtan ki nou pe proceed avek sa bann lakaz nou osi met bann lenfrastriktir debaz an plas ki ler nou fini avek sa 900 ekek lakaz nou ava dan en pozisyon pou nou kapab fer alokasyon sa bann lakaz. Nou oule kas li an 2 faz. Premye faz 1000 lakaz e apre deyzenm faz ler nou fini sa 1000 nou ava pran dezyenm faz ki ava evantyelman donn nou nou 2000 lakaz ki nou’n progranmen.
-2-
Statement lo Pogranm Konstriksyon Lakaz
14th April,2009
Anterm bidze dan sa R152 milyon ki nou’n gannyen, R77.5 i pou proze lakaz distrik, R60 milyon nou pe allocate li pou Perseverance pou zisteman komans si ou oule bann travay lenfrastriktir ki nou pou bezwen pou fer sir ki sa zil i vin fonksyonnel avek son bann lakaz evantyelman. Mr Speaker mon pou aret la. Avek ou permisyon mon ti a demann ou permisyon ki Msye Lionnet, PS National Development i take us through a small presentation, en prezantasyon kot i a pas dan diferan progranm lakaz dan diferan distrik e dezyenm parti i ava go through the plan Perseverance e apre alafen mon ava pran kestyon avek ou permisyon Mr Speaker. Mersi.
-3-