EPISODE VI

Document Sample
EPISODE VI Powered By Docstoc
					                        Gin agiki
                       mere pe tye
     A Radio Drama Series highlighting the United Nations Security Council
  Resolution 1325 as an instrument to address sexual and gender-based violence




                             Produced by:

      International Women’s Tribune Centre




Script Writing:   Stephen Eriaku
                  Beatrice Birungi
                  Lucy Orech
                  Joan Akubu
Episode 6: Kana geyena ocakere
SCENE 1 : CLINIC ATIDI ME CALO AME TYE OMITO PARIS
Kezia: Naac.naac ,tim ber kony wa nyar wa tye marac adada.

Nurse Dorcas : Adadami ujoone,wun jooni ungeyo maber ni wan wagiko tic wa cawa apar wie
aryo ,pingo wu moko tam wu me bimo I cawa e nni ma nongo dong watye ka aa aaya ni,pe
utamo ni wan bene myero olo wanong yweyo moo ?Pe,atamo ni pe watwero konyowu kombedi.

Felista : Naac,timber,timber,bed ki kica ikoma-nyara cok too eoko,in kong inene ki
wangi.Timber tim olo gin moo,tim ber kony kwo-ne!Poo –ni man twero bedo bene nyari in ki
komi…

Nurse Dorcas : Aya kombedi pe amitti irwak nying latin Dorothy ilok enni.A-a-ulu,meno ma
molli remo keje wanga neon gin mo mapat?Ujoone,ulara oyot,eno,wupyele iwi kitanna
kany.Naac ,Maria,oyot,tim ber ibin kany wek I mii kony.

Nurse Dorcas : Oyot,pe,pe kumeno,nen kany.Ka kacaa eyo kumeno dok ber mukato.Tim ber
wek ngete obed twolo.Mitte ni myero onong ka matto yamo wek onong yweyo
maber.Mukwongo an amitti kong inyanga maber,man obedo ret ma ononge atura keje obedo oo
ic…twara pe dok obed gin mo ma rwatte ki peko ma cwinya obedo ka lworo ne ni ba.

Felista : Naac,Lacoo mo omako nyara tetek,ka otimo aranyi kiciira ikume.

Nurse Dorcas : Oo ngo!mukene dok too! Dong ingeyo latim balle ?

Kezia : Ajuc moo.Ladit kam nyinge Otim.

Nurse Dorcas : Iwacci ngo ??En ngat acel ma onongo tye ikin dul wi Lutela ma gujolo wa kany
ikare ma wakelo ot yat kany ni ?Aa Lubangana,man kit kwayi gin acweya ango ma ginywalo
lutino me aneka gi ni?Kadi wa lee tim mamwaa benegibeco kato gi !Maria,tim ber coo tyen
lokke ducu kore ki kore I karatac wa mukwongo pi miyo ngec,ka dong iwoti ici lwong lador wii
Lunaac ma giloyo ot yat.Pe atye ki gen ni ikom cawa enni watwero nongo ladit Daktar ki
kome.Kombedi dong cawa aboro kulu me dye wor ma cito I rupiny .Man oti mme cawa adii ?

Kezia : Kine ka cawa acel me otyeno naka nen.

Nurse Dorcas : Kong wunen mono ujonne,ma nyutte ni pe onongo kit kony moo me yat kakwee
arem ki bot LuOt Yat pi wang cawa aye abiro kulu .Wun jooni,wu mito nekko lutino wu ke-ken-
wu ?

Kezia : Onongo mitte ni kong myero wa mii ngec bot Luloc lobo wii –attii ma peya waneno kit
yub moo mukene,ento ki gum marac kit yoo –ne ducu ocwalli wa kare malac adada ,kadi wa
Daktar pa Abili bene obedo ka penyo pi lim madit ataa ki botwa.Man aye gin mumiyo kombedi
waoo boti lacen wa I agikki me yelle wa ni .
Nurse Dorcas : Ento ni aa ka me peko otimme iye ni ,noi kany ,nenni calo tye I bor piny ma
room kilo mita aryo.En lacoo ma myero kiket gen ikome pi gwokko latin ki I peko ni aye dok
olokke odoko Orudi ! Watye ka miyo lutino wa ki lwaki Odyek me agwoka kun kono ii atiire gin
tye ka pitto gii wek gucwee mamiyo me acuta gi nino moo I anyim ! Gin Luloc lobo kono
guwacci ngo ?

Kezia : Ikare ma kicwalo lwongo bot Otim,kinongo dong en olwii orweny woko ma pala ma
kili.Med ikom enno,Abili kitung cel bene dok pe gubedo ka rwatte kedwa,calo balle onongo
obedo pa latin,oo ma en Tabuni opoto piny owille woko inyim Abili ka wang gi ocako yabbe ni
wayi ki lworo ni dong odoko rac ada !Med ikom enno Daktar Abili okelo wiye okwero ngiyo
latin woko ikare ma culle cilling 20,000 ongayo wa woko.Magi aye gin ma oweko kombedi
waruune wabino boti wek imii kony ki latin.

Nurse Dorcas : Ento kad obed kumeno gin ma pire tek kombedi aye kwo pa latin .Naac.Maria
,co tye kwene ?

Felista : Kombedi dong lenyo ki ber kit pa anyaka na ni dong pe twero rocce.Pyed ma laranyi ni
opyedo kwede ki nyara pe twero gonye.Ai Lubanga na pingo myero obed an aye?Atutte kena
nicakke ma cwara en gin adui Olum arwaa nu aye guneko ki nek aranyi oweko kombeddi ajunge
atye I kam.Man dok too ??Onongo abedo ka keto genna ikom nyara,ento kombedi dong genna
ducu olal attaa.

Nurse Dorcas : Genni ma dong idong kwede aye me neon ni icako yub mukene manyen,ma ke
pe itimo ci ibibalo kit mot moo keken ma dong odong ikom en nyari ni kombeddi.Mama tim ber
bed ki tek cwiny pi ber bedo pa Tabuni .In itamo ni en obecang ka cee omedde ki bedo ka neon
mego ma vwinye kec ataa dok opong ki kolo iciwinye ?

Felista : Pee.

Nurse Dorcas : Ka kumeno ci dong omyero I nyutte lanen ma moko ni gen pud tye bot jo ma
tiyo matek kad ka bed do ni kare mukene peko mogo ngolle kicel kicel kare mogo.Pe atwero
ngwette me wacci angeyo arem ma itye kwedde,ento man pe pi in kombeddi,obedo pi nyari
Tabni .Mitte ni myero walar kwoo-ne Mama tim ber.

Felista : Apwoyo nyara.

Nurse Dorcas : Maria,Ladit wii Lunaac tye kwene ?

Nurse Maria : Nenni calo kit me nongo laditti ka ka moo keken dong oloya.

Nurse Dorcas :Ka kumeno ci dong an atimo kikoma.Wa bi ngeyo kit me gamo lapeny moo
keken ma bi bino lacen.Nen kany Maria,bin imia kony.Gamma jammi tic caani ki iot bung me
gammo lwak.Wun jo mukene ni wunek wa ,nikwanyo min latin ,in ibedo …Kezia ? Eyo an
amitti wun duc ubed tye ka ngeta wek omiina kero me tyekko coyo piny lok ducu me anyta ki
ludito,ka pe kumeno ci laro kwo pa latin man obengayo wan woko .
Tabuni : Ngo ma …oi maa ?

Nurse Dorcas : Sssh,ling mot latiina me amara .Pe ibed ki par nyo lworo moo.Watye ka kony
nyi kombeddi.Jammi ducu tye marom.

Nurse Dorcas : Eno Maria,apwoyi.En kong imak man .Nenni ingolo inycic 5 keken nia ki ikom
man.Konye ki bute mogo.Icoyo pi man piny kany ?

Nurse Maria : Ku .

Nurse Dorcas : Peko mo pe.Coyo kwena ma maber dong abetyeko.Kakenyo,yat nino eno ni
myero omiye kare me yweyo muromo.Maria myero wanong nucu lita me yat ma myero kituce
kwede ka wek ominiwa tek cwiny ma peya wagonye me dok paco.Nginyi nginyi tic mukene
mudong ni abewekki ityeko maber.Mama Tabuni,diki kakine cawa aboro me otyeno abwora
nongo olo dong kome ojing ma room weko wamie icingi me acwala paco.Kombedi dong mitte ni
jami ducu ma Abili ocoyo piny ni myero watim,kimia kany wek attii ikomayi kore ki
kore.Apwoyi.Tim ber bin iluba wek watyek tic mudongi I kacel Abili mito bene ni kikwany lok
ki idog latwoo kore ki kore .Ikom cawa enni pe tye gin mo ma watwero nongo ma kopnyo wa ki
bot en latwo.Myero kong kikur mot wang ma kome ocang maber.
SCENE 2 : TUNGA TABUNI
Felista : Nye jal,Gloria ,man ipuk con tin kuman.Dony iot.

Kezia : Icoo maber Gloria.

Gloria : Eyo acoo maber,wun ucoo maber,Mama Tabuni ki in waya Kezia?Awinyo pi peko ducu
ma otimme oweko aoo kany tyen adek kulu laworo,abayo wu ka ingeye atemo lubu korwu ento
ikungeye kititta nia cawa ne dong onongo odic woko pi an me wot kena icol piny .Awinyo ni
udwogo ki iot yat lawoo otyeno oweko adwogo en ka neon wu ki ikam ma mewa.Abutu iot pa
larema moo I kam botwa kany ma anongo atye ka kuru wun,en oweko apuk con me bino botwa
ni .En tye nining?

Felista : Pe angeyo Gloria.Cawa moo keken tekke ocoo ki iwang nino ci turu ma koko
keken.Man otimme dong tyen aye adek kulu nicakke ma wadwoke gang.Nen calo arem tye ka
medde ameda cawa ki cawa.

Gloria : Tabuni nyara pe ipar jami ducu tye kakare.An atye en .Gloria bene en.Timber nyara
wek koko obed yaa !Nen an dong atye en.Timber wek koko obedi .Nen kon iweko an bene acako
koko wek koko obed nyee.

Tabuni : Gloria ujoone jukka ginni.Tuk arem woko.

Gloria : Pe ipar jami ducu tye kakare latinwa me amara ,lameru madit dong tye kangeti en
.Itwero giko koko dong kombeddi.Arem obe jukke acellam wqa.Gin ma watwero timo ne
kombeddi aye me diyo cwiny wa mot kun wakuru jukke ki kwee pa arem,Tabuni,pe ibed ki par
mapol ,iwinyo?Wan ducu watye en kombeddi,dok wamari,iwinyo/Pe ipar,jami ducu tye
maber,peko pe.

Felista : Lubangana,man atimme nining ki kit peko ni ?

Tabuni : Gloria,pe lare,an dong aol,pe amito medde ki kwo.Aremme dong pe kanye.

Gloria : Ee,an bene angeyo latinwa ento ma pire tek kombeddi aye ni myeno ineni ikayo laki
ibedo ki tek cwiny makato me nino ducu.Wabe cung kwedi kacel ilweny man.Dok wabitimo tek
me ne no ni lakwet latin luk pa dako ni onongo pwod muromo pi tic arangi ne ni .Eno itwero yee
icika me bedo ki tek cwiny wa cung matek ilweny man ?

Tabuni : Eyo Gloria.

Gloria : Bad cik bor twero gweno Otim wa ki kama en tye ka kanne iye kombedi nyatu
kamaleng ni en labal ma tye ka lworo kemme ki cik.Dok in Tabuni,timber pe wii owil ilok kom
lega.Leg Rwot Lacwec okonyi.

Felista : Mmr,Abili ? En gin lucwak kor jo mulonyni?Otim enoni obedo ka timo cat goba mapol
ki lu NGO ,kun jenge ikom jammi kwoo,me loyo wan jo mukene ni.Ngol matir wa ki bad cik ma
yam wangeyo ni bor ni dong ikom kare ni odoko cek lijut ma pe gitwero mini wa gin ma
wamito.Ka wun pud utuku atuka ,ci an amitti an kikoma aye anyut bot Otim moni ni ,gin ango
ma lalek pany pa dako twero timo ne !

Kezia : Tabuni ,in itamo ni kombedi dong ityeko nongo kero muromo ma twero weko wakomi
mot wacwali bot Abili ? Omyero wacita cut ,tekke dong iwinyo ni ityeko nongo kero muromo.

Tabuni : Pe,timber pe idwoka bot Abili ma waa botgi ni,gin ma gin aye cente ,pe gin mo
mukene.Abedo ka winyo kit ma ubedo ka laro lok kom centa wun ki Daktar pa Abili.Pe amito
dok botgi wa ki acel.

Kezia : Pe rac latin amarana.Mitte,dok pire tek ni myero wadok botgi oyot oyot kit ma twere ,pi
tyen lok acel ni ,labonge gin Abili ,pe watwero nongo kony ikom cik ma aeko ngol matir twero
nonge ikom tic aramyi ma kitimo ikomi.

Tabuni : Pe,gin ducu jo ma kit gi racu.Aneno gi ki wanga,dok awinyo gi ita ka gitye ka lok ma
nyutu kamaleng ni gin tic gi ocung ikom lulonyo.Gin pe giparo kit gin mo keken ma timme ikom
wan lucam.Med ikom enno,gin bene gilok calo pe gitye ki kit mara moo ikom mon nyo anyira
.Gin tanmo ni wan warom ki yugi botgi .Pi enno,pe giromo konyo wa.

Kezia : Pe,nyara,timber tem bedo ki nyang ikom ngo ma atye ka titti.Ka pe wacito kombeddi cut
ci dong matwala pe wabiromo nongo kit ngol mo matir piri ,ngo deyo ki woro pi dog ot wa.

Gloria : Eyo,winyo ne mit dok kweyo cwinywa ka awinyo odoco olo ni itye ka lok lamera.

Oculi : Ah man in ma idwogo ? Tabuni itye ka winyone nining kombedi ?Pe imito gamo doga
?Aya pe rac ,kit ma inaye ikelo peko eguni duc ikomi keni ni ibe nongo pekone kene keni.Wan
ducu watye kany ka nongo can pi mini kony …

Felista : Oculi ling tik kombedi .Pe tammi obwoli ni pi mwaka ni ma dong oo aparabiro ni
ca,cinga dong yot tutwal ma pe room wanni.Abi konye ki lalek pany acel ma myero ator ki kor
Otim lawoti ni bene me toro kori .Lameru ni pud obwot cwii cwii ki dog too ma kit nyako mo
keken twero kato ki iiye pi kec kom ma aa ikom tic aranyi ikom latin ma toco ma balle mo
pe,awbi kulu,pe dako mo ma dong oteggu ma twero bedo oloki kero me lweny ikom laranyi
moo,ento lameru kikome ma pud toco,ma myero onongo in aye igwoke ki ikom laranyi .In kono
onongo itye kwene ikare ma peko man otimme/Nye in nongo itye kwene Oculi ?An onongo
abedo ki miti me penyi lok man I wang cawa magi mukato ni.

Oculi : Pe atye ki kare me bedo ka lubu kor anyaka madit calo enni wa iot konye ,pi nenoni gin
mo pe ogudu kome ma calo adwoggi me rac kite med ki jami ma en yero ,ada inyeyo ni
atwero?An bene atye ki kwo na mukema ma myero alubi.Jami ma atwero timo ne keken aye me
niange atir pi kit peko mo keken aye me niange atir pi kit peko mo keken ma en twero poto iye
ka pe ogwokke ma enno abedo ka timo ne kun lareme Gloria enni,ma onongo atitte ni twero kete
ipeko ikin kare enni.Kombeddi pe dong ineno?
Felista : Aa Oculi,an agwoki idongo maber irwom ma kato enno.Ento kombedi dong irac ma
ikato wa Otim.Man weko acako beddo ki akala kala ikomi ,dok weko abyeko bene ni man twero
bedo yubwu wun ki Otim ,oweko kombedi iporo odenge ibino kany ki mero goba goba ni imer ki
arege wek omii tek wic me lokko lok mingo ki ababang mogo ma calo meno.Aa-man gire
yot.Tim jammi acel keken wek Otim ocula cilling alip pyeraryo wek wamie dako omego madit
,keje mono lok pa ladwala nyo lamero ko moo?Titta abedo ka lwoddo lok magi ducu.

Gloria : Oculi,in wii oding adada itwero bedo ki kero me kelo kit adot ma kit enno ikom lameru
ining?Pe bene kica maki ikome ?Kom ma an lareme ma mwaa ni,en dok tye cok kweda loyo kit
ma en tye kwede ikomi.In lokki mito kelo wa two ikoma.Lokke mako doga ma calo ngwen
mukwok!

Tabuni : Oculi,in ibedo omera ento tin imiya lewic.Ka ce omera kikome aye pe twero cung me
gwoko twero na dok bene lewic pe mako me kelo adot goba goba ikoma pi gin ma pe angeyo ci
dong nen atir ni abicung gira matek iwang too na.Ento amito ongeene atir kamaleng tin ni tye ite
twero ni dok kit itwero yerone kwede ni nicakke tin itwero yee me wacci an pe lameru nyo ginni
moo.

Kezia : Ku,kumeno ,ku,latinna,pe ibed kumeno.Omeru ni bene mingo aye yelo wiye dok wiye
onyobbe ata ma weko pe ngeyo kit me gamo lok maber.In tim ber mine kare wek odong oteggu
onyang piny maber ci ibineno nyang angec ni onongo epoto ilokke tin.

Tabuni : Waya ,tyen adii ma lakit omera ni ocung ingeya ngo ogwoka ki ikom lok alany pa
awobe ,tekke tye ikim awobe luwote ma lunywar ni?Ma ka mina gwok en kikome aye dok ni
meno an aye ayenyo yet ma kit enno tekke awoto akato cok ki lureme ma yeta ni.Man obedo
awobe ma gin aye gilubu korwa ka ka moo keken ma wakato ki iiye wan ki Gloria,ma tekke
gunenowa myero gubed ka dange ikorwa ki lok yet mogo macilo dok lik aboka.

Kezia ;Tabuni ujoone gin amara na tim ber wek awoo obedi ,mitte tutwal ni myero iywee mot.

Tabuni : Pe waya Kezia ,pe aye wa-acel ,ka man aye gin acel ma mitte me nyutu caden bot lwak
ni balla mo pe ,wek awot atyer ki tek wic ikin anyira luwota,ci myero atim kit gin mo kkeken ma
mitte wek meno ocobbe.Ka ce omera kikome bene pe twero geno lokka ci dong an kikome aye
abilwenyo pi twero na ,kad an kena .Lapoya ni obedo ki bura madongo ikoma ni ebi neko kad wa
omera kikome tekke aweko lokki ongeene bot ngat mo keken.

Oculi : En ningo ?

Tabuni : Eyo atemo jukke ki tyero lok atir ento kombeddi atyeko nyang atir nia konye pe me
gengo kori I Abecito bot Abili ka titti lok ducu me lok anywar gi ,ento pe abimedde ki ngwette ni
atye ki omera mo wa ki acel .Mama ,wacitu.


Felista: Oculi ,in pe kiti gene,nen dong kit ma inywano kede jami ducu ibalo abala
kany,katwoko katwoko cut itwen labura ma laming pe amito nenni kany ,katwoko!
SCENE 3 : I OPICI ABILI
Officer 1 : Eyo mego ngo ma wan Abili wa twero timo piri tinni ?

Kezia : Wabedo kany idyewor inimo caa,onongo wakelo anyaka wa enni pi lok kicira malubu
lacoo mo ma omake ka onyware tetek.

Officer : Oo eyo apoo man aye anyaka ma onongo kong owille woko ni ?Man rac ba.Alo
Ojok!Jooni ma kibuyu ni gudwogo ka coyo lok doggi.

Ojok : Ee ,udwogo jooni .En ngatti ca winyo nining dong kombedi ?Latin anyaka dong iwingo
ijing itek kombedi?Latin anyaka ,dong iwinyo ijing itek kombedi ?Iniang atir ni kombedi dong
itwero gamo penya ?Pe dok koni ipoto kikolo iwille woko botwa ?Hee !

Okello : Ento Ojok ,kur manok man pe lok ma kwako laditwa mego Margaret ? Poo ni man
obedo peko ma kityeko lokke ite cekcen ma neon ber ki gwok ma mitte pi udi pa dano .Wek
anen arot kong ka ce dong odwogo tye.

Ojok : Aa,Okello in wang kipol dok itimme tutwal ni iryek iloyo dano ki lwak rungula icwinyi
pi cobo mitti ni.In miniwa kare wek watyek te lokki kenwa.In iwacci ngo kace mitte ni wan bene
myero watii pi nongo medo rwom wa ee?Ee,Okello ni pud nyen idog ticce ,ci dong ngwette bolle
kwo calo en aye loyo kany.Eyo wun mon enni ungeyo coc/

Kezia : Ladit,in ma pud itye idul pa bulu ,abi pwonyi ki kit ma myero imii kede woro bot jo ma
ditto inyimi .Lanino ca kong ibedo ka tic gero ikomwa man tin dok icako yetto wa ayeta calo
ingeyo tyen lok mukelo wa kany.Atwero bedo ki diro me coc maber makati .Dong myero ngatti
mo pe obed ki kit akala kala mo pi gin ango ma oweko pe ya kimedo rwom me dit ticci.

Ojok : Ci an bene abipwonyi wek inge kabedo pa mon ikin lwak .Dok bene abipwonyi wek
ingee nia an atye ki twero pa Abili me makki pi cayo twero pa ladit won cik.

ASP Margaret : Acikayi parabet en meno aye kit mawii gonynyi kede kit ma ticci myero bwot
kwede?Eyo medde kwede anyim ,pwony wa ducu wek wange kabedo pa dako ikin lwak.Medde
anyim wan ducu watero it wa ka winyo pwonynyi.Rac kitti ki nyingi ma otyeko balle pi kwiya
ticci tye ka romo kabedo duc ogot mada in Ojok .

Ojok : Icoo maber Ladit.Onongo pud atye ka gamo lokki maber wek akel boti Mego.

ASP Margaret : Nen atir labonge kit akala kala mo ni onongo itye ka temo rwakko cingi iticca
kun imedo kede ki caro itiino ne.Awinyo bene kit ma lanino caa irucu wi jooni kwede,ikare ma
gubino wi atii ma enno myero inge ni Ladit ma loyo citecem dong ngeyo gin ango ma myero
itim ikomi pi tic bwami meno .Okello tim ber kel jooni I apici na.Ojok ,kella kany buk kama
icoyo iye lok pa joni ikare ma guoo kany tyen mukwongo .Nen bene ni irwako bene kit ma tim
caro ki bwami ni oweko latin nyanni opoto owille kwede inyimi.Wucoo nining mege utimma
kica pi latin woo moni mank caa,ento ki race ku ,an cik ma ajuru kede dog ticca aye ni ,ka ce
ngatti moni oleyo wi lawote idye lwak ,ci myero en bene kijure atyer idye lwak.An pe atiyo ki
tam wama wacci myero kong kidir kit dano ma kit enno tenge ka kijure ni ,tutwale ka ce kit
dano enoni tye ka temo buru dako nyo latin mo.

Felista ; Amito apwoyi pi cwiny me kica ma itye kwede ,mego.

ASP Margaret : Obedo tic pa Abili miyo kony ki lwak ,ento pe me buru dano .Gang mony
keken aye kama bura nonge iye.Lamony nyutti luduku ne ci cut in komi tuku cako myel ma ka
ka niang nia luduku eno ni ki mine me gwoko kwo ni ki ikom merok pa lobo Uganda.Mego I
adaa ne in onongo pe itye ka caane idog ticce,pi enno pe iye latin awobi ni oburi nono labonge in
yoko te kwotte.Tekke I ngeyo ka ma twero ni ocung iye pe ilwr tuc pirgi woko atyer idye
lwak.En kit gin lutino awobe egu ni ,mogo ikingi kwan oyelo wii gi adada igang pwony nye pa
Abili.Ada pe abwolo wu ,man lok tuku mo pe iye !Auru mada ka kit joni gubino idog tic gi,gi
delle ki cogi lok mogo ma dongo ni gin lunge cik calo ada gin ludiro ngec ikom cik.Lu reya
mogo ata ikin lwak bene tye ki diro matut ikom cik ma kato gi ata.Tekke iweko gungeyo nia in
ingeyo twero ni ki kuc ma cik miini ci cut gicako poro odenge ni giburi ento I atiire bene gicako
woori.Pe ibal kare ni ibed kka dange calo gin kad giburi .Nen mere keken ni iweko guniang atir
ni in ingeyo twero ni .Meno keken aye gin ma mitte.Eyo ??

Ojok : Eno ,man aye kwena mukwongo ma kicoyo piny Mego.Mego ada cwinya cwer pi gin
mutimme ,abalo ,ento Mego,ada Ladit citecen tye ka timo gin mo ikom lokki ?

ASP Margaret : Mm !En enoni aye tye ka cwero cwinyi ni ?Ka onongo nene ni an abedo in
kono cwinya obdo ka cwer pi tam abote ma atye kwede ikom mon idog ticca ma twero balo
bene wa ticca woko.Myero inen ni pe irubu niye ma tye icwinya ki gin ango ma cik me dog ticci
cimo nia omyero ilubi.Kit ma jammi ocung kwede nenni ka pe bal enni oweko kijuku ticci ,ci
olo rac kiti biweko meno wang ma otimme .Twero bedo ni pe tin diki nyo imwaka enni ento olo
I adaa ne wang ma otimme ii anyim ka ce pe iloko kiti ,in OLOTWAL nino mo ibirwenge ticci
.Lodito Abili ikom kare ni dong gitye ka medde ki ‘tweyo natti ‘ gi ikom lutim bal ma kit eggu
,med ikom enno kwena pa Ludito ikomi ma kicoyo piny ,nyutu atir nia itye ka poto ibal idog
ticci tyem mapol ata.Eno kombedi nyut ber ticci kamaleng ,an atye ki lwaki tic me atima.

Ojok : Mego ,tim ber timma kica.

ASP Margaret : Kica??In ibedo ka nyutu kica bot latin eni ma piny oloyo dok lanino ca obino ki
jone ma gukele ma onongo remo tye ka mol marac ki ikome icwiny dye wor?Gin ma mitte boti
mukwongo pe obedo kica na ikomi ento gin ma twero lokko kiti.Twara itiyo ticci maber kadi
irubu ki odenge calo kit ma itye ka timo ne kombedi ni,ento tim ber wek umu nge goroni ki buru
lwak idog ticci .

Ojok : Mego an onongo ee…

ASP Margaret : Ojok,katwoko .Tabuni ,nyara ,iwinyo nining kombedi .

Tabuni : Pud awinyo ma goro ento miti na tye ni olo myero kong atyek man.
Margaret : Eyo ber mada latinna in nyako ma itek,dok meno bene aye gin ma obekonyi ikare
me peko enni ,me bedo ki loc ikom peko I kwo-ni,kad bed do ni kombedi dong ityeko kato ki I
arem man ma pud itidi kuman ni.Mama.an kombedi dong atyeko kwano waraga pa won kom LC
1,lok kwena bot Abili mukwongo waki lok pa Daktar ,ento atye ka ngeng manok ,pingo ngat ma
oketo cinge I lok pa Daktar ni pat ki lacoo lok kikome ni.

Kezia : Eyo dong apoo maber nia pi pee pa ladit ma juru wi Lunaacducu,ma onongo obedo pe ni
oweko latel wii Lunaac aye dong otiyo ikom pekowa.Man otimme ka kine ka cawa aboro medye
wor ma ruu dong ii odikku ne .

Margaret : Ee!Ci dong e Daktar pa Abili kono owacci ngo ?Pingo bene an aneno kany ni obedo
okani me neon ni kwena moo ma oaa ki bote pe tye.

Felista : Mego,Daktar pa Abili okwero tic ikom latwo ikare ma mine cilling alip pyeraryo
ongayo wa.En mumiyo peko odiyo wa ci wawoto waoo naka wa bot luot yat ma tye icing lu
NGO ma gikonyo jo ma I kam botwa ni .An gira dong onongo iya otyeko aare woko ki ilok kom
yenyo cik me nyol atir ,nio wa tin ma dong en nyar wa kikome ma latwo ni aye dong ocuku
cwiny wa me dwogo cen kany wek omina kare me kemme ki en gemo two ni kikoma.

Kezia : Felista ,tim ber wek awoo obedi .

Margaret : Anyang pekoni Mego ,ento meno ducu nyaani peko mukene nono.An bene atye ki
wur pingo wa icawani nyat mo peya omako en Otim ni ,kad pi gung ic ma lwak tye kede ikome
ni keken.

Kezia : En idye wor acel enoni,en ongweco ci olwii woko .Kunngeye won kom LC1 me kam
kong olwonge ka openye ki peny mogo ka dok ogonye woko pe bene omake ma calo labal ento
olwonge mere macalo latic lawote .Man kombedi dong nen calo tye ka kanne akana kamading.

Margaret : In kipenyi ni icul wel lim ango ?

Felista : Cilling alip pyeraryo me Ugshs.20,000.

Margaret : 20,000/=?Kombedi mitte ni myero acoo lokke ducu piny kit ma atye ka winyo ne
kwede ki boti ni.Won kom me LC 1 kono ,ucule cilling adi ?

Felista : Wacule 10,000/= inge ringo ikin piny mapol ata ,med ki potoden kany kwica.

Margaret : Poo ni ,gin ducu ma ititta kombedi dong watyero keto ne piny icoc ,dok kitwero tic
kwede ikome inyim kot.Ituye ki kit cadenni mo ?

Felista : Eyo ,labolle lamera en ma obedo ka two ka ngeta nicakke wa inino caa ,med ki ngat ma
ode otenne ki mega ,dok ma inino ca omiina cilling alip apar adeno ,pi konya en ikom peko enni.

Margaret : Atye kigen ni dong atyeko nongo lok maromo miina kero ma mitte pi dido kor
lokki.Mego ,gin ma mitte boti wii ati me atima aye me neon ni ikonyo nyari pe mebedo ki
parmadongo ma kelle lwod mogo maracu iwiye pi peko ma otimme ikome ni ,wek obed ki kwo
mayot ma miye kero me dongo ma calo latin ma tye ki kony bot lwak ducu calo luwote mukene
ni .Wan kono tic wa obedo me yenyo ngiino ki nongo ngol matir ite cik ilokki ,med ki neon ni
labal wa ki lukony kore ducu kitiyo kwed gi ki cik magwar ,oyot oyot kit ma twere kede.Watye
ki lok wa ki kwena ducu muromo dok ma twero miniwa kero me makko Otim med ki ngiyo tyen
lok ducu ma kwako lo acekere Abili wa ki ludito LC 1 ducu ma gutiyo ki dog tic gi mape opore
,ilok kom peko enni.

Felista : Apwoyi Mego.

Margaret : Peya inguk pwoona icawani.Wek kong wanen ni kacokke wa enni ,adwoggi ne
ocobo miti wa ikom peko enni ,ka dong ikungeye wabed ki kare me kwero locwa ki yom cwiny.

Margaret : Dony.Aa,jal larema Lucy ,ber mada ni ibino ,I ada onongo abedo ki gen nia olo ibe
rwatte ki dog ot enni.Onongo dong axcok titto pi dul NGO ni botgi.Lucy ,man aye obedo lu dog
ot moni ma onongo abedo katito pirgi boti I cim ni.Mege ,eno au rwatte ki larema,dok latic
lawote ma wateno kwede kwot kacel ilweny wa ikom jo ma gituru twero pa mon .mego Lucy
Akello,olotwal dong pe mego min ot Odongkara,igenna?

Lucy : Mw ku,meno dong lok mukato angec.Dwe mogo aryo adek mukato angecci obedo kare
makong awinyo yamo okuta iye mamok !Mego ,ee,wun unen ucal do –anga ki ikimwu ma min
latin ,dok anga ma obedo anga ?Kidok nenni calo enni obedo laremi nyo lameru ma
ikaka?Atwero wacci in dok itidi iloyo jo mukene ni weng ,dong iwinyo mabeber kombedi ?

Kezia: An nyinga Kezia,dok abedo lamin min Tabuni,Mego.Man enni Gloria larem Tabuni ma
pire tek kato mukene ni ducu .Felista Obedo lamera madit min Tabuni .Ber tutwal me rwatte
kwedi mego.

Lucy : Abibedo kitwon awaka medit me nenoni amii kony iyo moo keken .Iya yom ni tye jo
mogo ma calo ladit Affende Margaret en ma tiyo kiada dok ngeyo pekoni ma weko en pe twero
tuku atuka inenoni ekonyi.Ka pe kumeno kono wun bene pe udwogo cen tin bote.Tabuni an
anyang peko ma in kombedi itye ka kato ki iiye dok bene kad watim jammi ducu wek inong ngol
matir ite cik ,gin ma pire tek mkwongo aye ni omyero icak nongo kuc icwinyi pi kwo ni
odoco.Timber bed ki tek cwiny lamera matidi.

Tabuni : Apwoyi ,Mego abitemo ki tekka ducu.

Margaret : Wan ducu iwa yom ka winyo lok enoni ki idogi ,Tabuni dok wawimyo kero ka ce
ngat ma wa tye ka ko nyo ne ni,yero kene me cung matek.Wapwoyi Tabuni.Lucy,inongo atye ka
mini gi tam ma kwako yoo ma mito aluba ma pe ya kiweko cik otiyo ikom labal.Timber bd piny
.Min Tabuni ,kit ma calo onongo abedo ka wacci wu kwede tye dul tic ma ocung pi in me
atima,ka dok dul tic ma kemo dog ot ma en kwo iye ma mito ni gugwoke ki ikom lok caro caro
mogo ka dok dul tic ma in Gloria myero itim ma calo lareme ma myero ogwoke ki igang kwan
en twero rwatte kede ki lok mingo caro caro mogo ki bot lutino luwote,ka dul tic pa Abili ma
kwako lok kom cik kingol matir ka dong dul ticci in Lucy ma calo Latic ma kubu kin lutic ducu
ma gwoko ber bedo pa lwak reya ataa ni ,me neno ni itiyo kacel ki lutel wi lwak ducu pi gengo
pekki med ki illo rwom ngec pa lwak ikom twero gi wa ki nyutti gi yo maber me aluba pi tic ki
kit pekki ma kit eggu i anyim I yoo ma lamal ki mukene ma kwanne petum oyot.

Lucy : Eyo,ada dul jammi atima pol ma pe watwero lok ikom gi ki acel watyeko ki kany ento
wuwiny wun ducu enni,twero nem macalo dic,ento ngat ma dul tice pire tek tutwal aye Gloria.In
Gloria aye ngat acel ma pol kare ducu Tabuni kwo kwedi kacel.Aneno calo in ibedo rom aroma
ki laminne madit,pe larem keken.Bimitte tutwal ni myero kare duc ibed ma calo lacungu dwar e
ikim lurokke ma anyira nyo kad ma gin awobe,kun icako gi magwar ka ce gitemo yello Tabuni
ki lok agel mogo me yet ma ngeto cwiny dano .Po ni gin ducu lutino calo Tabuni ma kit peko ma
Tabuni okato ki iiye ni bene onongo twero mako gi icaa mo keken ,ma enno myero inenni ipoyo
iye wiigi atir kamaleng.

Gloria : Eyo Mego apwoyi pi miina tam man maber i.

Lucy :Tabuni ki ibyekki itamo ni dokki igang kwan twero bedo awene?

Tabuni : Kare mukene i cabit ma bino ni.Pud awinyo agoro.

Kezia :Ada,pud wadwogo ki iot yat lawoo remo me ameda ikome onongo pe,oweko kimiye nyig
yat mogo pitutunu ma onongo kirubu kip ii ma kimedo ikome ma ka ka remo kikome.

Lucy :Eyo ber pi tutunu omyero kinongi kong gin mo me atima wek owil wii pe ibed ki lwak par
mapol ikom peko ma ikato ki iiye ni.Gloria,mitte ni myero pol kare ducu ibedo cok kangete.

Gloria : Abipenyo jo maloya wek guyeena akobbe i kam pa Tabuni gi.

Lucy :In itamo ni gi twero yee?

Gloria :Nen,an atye ka kwo wan ki lamera madit ne keken ,kit macalo lunyodo wa aryo ducu
gutoo ilweny pa Olum gi mi.Atye ki gen nip e gitwero bedo iye ki kit par mo madit.

Margaret : Eyo,ber,kombedi wan ducu dony watyeko nyang dog ticwa ki acel acel watwero aa
uweka dong amedde ki tic pa jo mukene?Tabuni apwoyi odoco pi bedo ki tek cwiny me dwogo
cen.Pol ji mukene ni gijalo lok ducu woko ata kikore ma no ngo gwenno tyen lok pud ocakke
acaka.Myero wacuku cwiny lwak me bedo ki gen ikom tic cik labonge lworo nyo gung ic.Lucy
amitti idong angec manok.Atye ki lok mogu ma kwako peko ma aa ki bot wegi udi makeni keni
ma amitti myero imiya iye tam mogo mabeco ma twero konya ki nongo yo mabeco me atima.

Lucy : Meno atir.I atiire man onongo obedo mere lim ma kemme ki rotto kor gin ango ma tye ka
time ikom lok ducu ma tye boti dok kubu nyo noto kin ticwa kare ki kare.Gin ma kombedi
opong icwinya tutwal aye ni tekke imako labal Otim litap iketo i ot kol,ci tim ber mina ngec cut.
SCENE 4 : TUNGA OTIM AME TYE I KEMA
Ogoro : Kodi…….kodi.Otim…allo.. Otim,an yaa an laremi Ogoro tim ber i yaba dogola.

Otim : Oo,Ogoro,in cee onongo atamo..ee,kong dong i donyi …gangi tye nining?

Ogoro : Dano weng tye maber kono in.In kono ibino awene ,abedo ki wot me kato akata me cito
ite kongo kanamu ento atamo ni kong angi ka larema odugu.

Otim : Man bedo calo tango!Onongo podi ado nyo adonya i kare ma awinyo dwong I dogola i
omina lworo,atamo ni meno ngo nyor ngato tye ka luba?Dong iwaca kong dano pod tye ka
yenya?Dong iwaca kong dano pod tye ka yenya?Aol woko ki kane omede kwede ni kwo ne pe
yot.Amiti abed dano ma tye agonya odoco ma bal pe ikome.

Ogoro :Ka abedo in onongo abi woto labongo ngak ao wa bot LC 1 ka amine icinge onyor
makato meno akwayo kica ma nongo apenyo kwede ni ki mina Tabuni macalo dakona.Itamo ngo
iye?

Otim : Hmm,larema iloko calo lok man obedo gin ma yot balle weke.Meno bedo calo miyo
nguta wek ki tong!Ento rac an abi bwot,Lubanga bene maro lubalo loyo joma kit gi atir.

Ogoro : Adaa,Lubanga mara wanweng.Alego yoni obed atir.Yubi tye nining pi Otieno
 ni?Pingo pe wa nam kacel iyi kamat?Lugwok piny kicato tic cawa agwen me dye wor.Podi
cawa ariyo kiken.Abi lwoki adwoki cen ikine cawa adekki nucu.

Otim:Adaa onongo pe amito wot kamo ento ka dido pire peko ye yo mukene.Wek kong aruk
koti na.

Ogoro : Ee,bene i tukwoko larema Otim.
SCENE 5 : KAMATOKUNGO I KEMA
Ogoro : Oteka wa odugu ,ee ! Ludito luwola,anga bi kwongo miyo kongo mukwongo minono
bot oteka wa ?

Man : An!!Cwale obin bota !

Ogoro : Ee,ey mot,owek lok arima,ludito luwota.Lacoo ma okato ki iyi peko kit macalo lawot
wa olim mito owot mot mot nyor cwinye rweny woko ,eh!

Otim : Eyo,ludito luwota,lok man ogudu wa icwinya me ngeyo ni podi atye ki lurem macalo
man.Apwoyo wun weng kadi kumeno ni wun bene ongeyo ni pe aromo galle tutwal.

Ogoro : Pe ipar,larema,man atema ema pa lacoo ki kome.Gwoki tye mupong.Nen ,me cupa ni
me lira-lira tye i wiiya .Ee ,Opio ,imito wot woko ma podi laremwa obino abina?Icito ka
yoke?Ber,tim ber i kwoki kit a ka idugu.

Otim : Ento ojonee,abili tye cok kany,pe itamo ni abili mo okane ikin lumero kany ma kun
nongo tye ka yube me maka/

Ogoro :Jal,bed mot!Joni cako tic gi kwee.Bed ma cwinyi opye ka dong inong yom cwiny mo
kicel kong,ee!Joni bene ki bedo calo wan yaa.Adii ikin gi ma oringo bal ka g dongo i tic
abili,eh?Bal gi pen en pingo dano lworo lok.

Otim : An bene onongo gena ocung kumeno ingeyo eno ni wayi!Pe atamo ni anyaka ni onongo
bi lok,ento wun bene ungeyo kit ma jami time kwede,ee?

Ogoro : Umm,Otim,kong dong pew a dur lok ma pol ,ee.Jo mukene gwok tye ki yub
mukene,pimeno tim ber wa lok ikom cente twora.Wabi dok nining i diiro wa me kobo jami mogo
matino tino ki i dog tic ?In ingeyo maber ni tic wa onongo dong olil ento ikare ma i aa jami
odoko nwang.

Otim : Itye waco ni jami mukene oo ?

Ogoro : Ee,pi cabit adek ma irweny woko ni ,ki kelo jami mupongo meli kicel ,ento dong bedo
calo gu cako bedo ki gung ic pien kadi obed ni dit pa jami pe oloke pok ma dog ot acel acel
nongo odode woko atura.Dong kono me bedo ki pwoc nongo pok madit makato maconi jo
mukene ocako penyo gin ango mu bedo kat imme.

Otim : Ee,lokke tek doo! Mito wa yeny yo me umu lok ma woko .Atamo …

L.C.1 : Lworo pe omak ngato mo ,obed mot wek jami otimme ki kore!Otim ber ka wun weng
owinye ki abili,ngato mo pe ma bi nongo awano .Dong,Ladit Otim tim ber i wot kwede laling.

Policeman :Ladit Otim in ibedo ka ngwec ento tin yo me lwi pe .In dong ki itye ite twero.
Otim : Adote ngo ?

Constable Okello : Ladit Otim ,in ingeyo maber ni ibedo ki nyako ma pod toco ka dong iringo
woko ki dingo ni.Acekere,twe cinge i ngeye ka wek owoti.
SCENE 6 : I OPICI A BILI
Ejon :Mego Lucy ,in iniangni watwero tyeko loki labongo oo i ot cik,ku ?

Lucy : Lapilida tim ber niang ni lok man pe obe do lok matidi.In I kin dano weng mito iniang ni
jami kunyoni dong woto oyot oyot.Aloka loka ma dong otimme ma bi gudu loki atir.

Ejon : Kono twero time ento dano na bi bedo ki byak ikom kica mo ki tung bot wuu.Icoo nining
Ladit Otim.

Otim : Acoo maber,Ladit Ejon .Ageno ni watwero cobo lok man cut cut ?

Ejon : Lworo obed pe,wa bi jami ma watwero weng.Man aye anyaka Lucy Akello.En lawang
dul mo ma ki lwongo ni React ma cung pi lwak ma ojenge ikom udi kacel ki jo pa nyako ma ki
nywaro.

Lucy :Icoo,Ladit Otim.

Otim : Ee..acoo,Mego.

Lucy : Ladit Otim an abi bedo ka tic kun akeme ki lapilida ni wang ma ka otito kamaleng ni
atwero tic kun akeme kwedi ilok mo kiken iniang meno ?

Otim : Ber tutwal mego ..ap…ap..apwoyo ..matek,matek mego .

Ejon : Ladit otim abi dugu aduga lacen ka wek wan yam lok man ma ber.Pi kombedi wa cito
karomo ki ladit wii du ma gwoko udi wek wa nge lok ma ki tucu wa ki kama tam gi ocung iye.

Otim : Ber ,Ladit Ejon.

ASP Margaret : Eyoo wun weng dong tye kany .Amoto wun ariyo weng Lucy ki Ladit
Ejon.Wunong kabedo .Dong wa oo kwene kit macalo ki mako labal woko ?

Ejon : Ber mego Margaret an dong atyeko kwano lok ma jo pa anyaka ocoyo piny waki kwena
ma ladit abili ma omako amak ocoyo piny.Ki bene dong atyeko lok ki lakoko ma adot omako
.Atye ki gen ni ka waniyo loki matut I wa twero oo iniang mo.

Margaret : Niang?Pe aniang,tim ber itita te loke in kikomi ,ladit Ejon.

Ejon : Ber….man kit lok ma jwi ni ma nyako ki nywaro.Kadi obed ni inong gin ma room cung
me caden in ot cik ,wun weng ongeyo kit ma tek kwede me miyo pwod ma oromo ma yengo
dano weng.

Lucy : Ku manok ,lapilida Ejon,many uti itye ka waco ni man obedo kit lok me nywaro anyira
ma nonge I ot cik mo keken I Uganda?Lok man pe obedo gin ma yot ladit Ejon.Latin me mwaka
apar wi angwen ki nywaro ki tongo ma kun obwot ki to ,meno bene nongo pe imedo iye bur ma
tic man oketo I cwinye ka ipenyo bal ma obalo ?Nen calo ngat ma pe ngeyo kome dok macalo
lagoro ma lacoo malwor room nyutu twero ne ki mere bal ma jwi ni ?

Ejon : Mego Lucy pido adi ma iwinyo ni ki tweyo latin bal ?Pido adi ma inongo ni labal tyeko
twoyo buc?Wan adeki wean wa ngeyo ango ma time I kwo kikome ,Ladot nongo kica ki bot ot
cik ,labal ma pol kare pe tyko ,nyo ki mine twoyo buc ma yot ka dok wun abili ki lutic makonyo
ber bedo ot cwiny wu tu pi kop ma pe ongole ma atir.

Margaret :Lok ango mono dong ma in tye katemo nyutu ladit Ejon?

Ejon : Man lok ma yot ma pe mito kel abarawic diiro acel ma wa yang pwodi pe oweko lok onga
yo wan.Ngat ma ki byako ni otimmo bal tye temo miyo wa limmadat ma room million acel kulu
pi peko man en oketo ikom ot meno.

Lucy : Timma kica meno pe opore ki cik dog ticca ento kit gemo ango ma opoti ikomi itamo ni
man obedo cuk me laro wel.

Ejon : Pe aneno bal mo iye wa tye ka laro wel kit ma mito otimme kwede ku ?

Margaret : Lucy itammo ni ngo ?Angeyo gin ma itye katammo ento mito kong angee kacungu
ni ma pwod pa aloko.

Lucy : Ber kit maman dong obedo cuk pingo dong pi wa med wel ocit malo.Latin anyaka
matoco me mwaka apar wiye angwen kwon e welle adi?Wek wan en.Kwan,gwok,jami
ruk,cam,ot bedo ?

Ejon :Ber,jami magi ducu welle tye?In iwaco ni welle adi ?

Lucy : Aya,wek obed million piera boro me tyeko peko gwoke weng.

Ejon : Aloko doga ku !Ka kwene ma in I byako ni lapur ma kwo I kamp twero nongo lakodi
cente ni ?

Lucy : Oo,dong wa por ni pwodi wa aa ki I kara me lweny ,ku ?Man dong cawa ma wa por atura
katito pi can pa lab wolo ni ?Pingo en pe otammo pi goro ne ma pwodi pe otimmo tic aranyi I
kom latin anyaka matoco ni ?Onongo I byako ni million acel twero cobo lakodi tici ?

Ejon : Pe kumeno ento atye ka nyutu ne ni dano na ma acung pire tye ki miti me culu wang
balle.

Lucy : Yet.Niang man,ladit Ejon aye in me neno loki tung ka mukene ki kit lok angaa ma aloko
wek opor wii ni man pe obedo lok mayet.Kadi obedi lok mukene rom ki man nyo gwok kato
bene I ibi neno kit ma eni yaa re doko dit kwede kit ma lok mukene mito obedi.In ipenyo pi laro
lok ka an aneno ni opore me nyutu mingo me laro wel kwo pa dano.Man pe obedo ka laro
wel,ladit Ejon an atye kany pi lok acel ma pwe tek ma en aye nyutu dit lok pa ladit Otim.Cik me
Uganda gwok pe oloko ma olil ikom bal magi en ma oweko intim bal tye kabwot nino ki nino pi
goro me pido ki twec ibuc ,ento mito ongee man.Abi tiyo I lok man ki I yo weng ma atwero .Wa
tye ki lucaden muromo wa ki caden me yabo pido wa I ot cik.

Ejon : Ento pido matek makato man kun nongo tye ki caden wa ki lucaden oket ataa.Mego
Lucy,tim ber tem neno loki odoco.Dano na ni bi bedo ka miyo kony ka tye woko maloyo ka tye I
buc.En bi yee gwoke kadi ki wa igange…

Lucy : Ngo ??Macalo dako ot ,kama pe wot wero ngiyo ka tye ka nongo kony onyo kit mar
mo.Anongo ni lakodi tammi ni kela lworo ,lapilida.Lningeyo atir ni dong ityeko gudu pen lok ma
dul ma gwoko kuc I wilobo oluu tye ka ldido wek otimme,lok ma omoke me timma me namaba
1325 ?Man aye kama wilobo ocako keto tam ma oo wa itic me kelo kuc ki juko lweny bot
man.Wilobo dong ocako timmo tic ma cwako lweny ikom aranyi ma ojenge I kom gina ango ma
in ibedo ,lacoo nor dako,ma kwako wa lakit lok eni.

Ejon : Eno kong,a-aan pe angeyo ka awinyo ni ‘namba alip acel ki mia adek ki piera ariyo wiye
adek.’Pwodi pe ki keto I cik me Uganda ,dong otimme?

Lucy : Pwodi,ento lok mogo mi lweny pi twero pa dano bi gudu kom pido man.Dok in I bed ki
ngec ni ladit Otim cok ywayo tam pa lobo man nyo kad wa wilobo oluu.