Docstoc

Florante at Laura

Document Sample
Florante at Laura Powered By Docstoc
					a. “Na kung maligo sa tubig aagap Nang hindi abutin ng tabsing sa dagat.” b. “Pag-ibig anaki’y aking nakilala, Di dapat palakhin ang bata sa saya, At sa katuwaa’y kapag namihasa, Kung lumaki’y walang hihinting ginhawa. Sapagka’t ang mundo’y bayan ng hinagpis, Mamamaya’y sukat tibayan ang dibdib, Lumaki sa tuwa’y walang pagtitiis, Anong ilalaban sa dahas ng sakit? Ang taong-nagawi sa ligaya’t aliw, Mahina ang puso’t lubhang maramdamin, Inaakala pa lamang ang hilahil, Na daratna’y di na matutuhang bathin. Para nang halamang lumaki sa tubig, Daho’y nalalanta munting di madilig, Ikinaluluoy ang sandaling init, Gayon din and pusong sa tuwa’y maniig. Munting kahirapa’y mamalakhing dala, Dibdib palibhasa’y di gawing magbata, Ay bago sa mundo’y balang kisapmata, Ang tao’y mayroong sukat ipagdusa. Ang laki sa layaw, karaniwa’y hubad, Sa bait at muni’t sa hatol ay salat, Masaklap na bunga ng maling paglingap, Habag ng magulang sa irog na anak.

Sa taguring bunso’t likong pagmamahal, Ang isinasama ng bata’y nunukal, Ang iba’y marahil sa kapabayaan, Ng dapat magturong tamad na magulang.” c. “Huwag malilingat at pag-ingatan mo, ang higanting handa ng Konde Adolfo, pailag-ilaga’t parang basilisko, sukat na ang titig na matay sa iyo. Kung ang isalubong sa iyong pagdating, Ay masayang mukha’t may pakitang giliw, Lalong paingta’t kaaway na lihim, Siyang isaisip na kakabakahin. Datapwa’t huwag kang magpapahalata, Tarok mo ang lalim ng kanyang nasa, Ang sasandatahi’y lihim na ihanda, Nang may ipagtanngol sa araw ng digma.” d. “O pagsintang labis na kapangyarihan Sampung mag-aama’y iyong nasasaklaw Pag ikaw ang nasok sa puso nino man, Hahamaking lahat masunod ka lamang. At yuyurakan na ang lalong dakila, Bait katuwira’y ipangangayaya, Buong katungkula’y wawalingbahala, Sampu ng hininga’y ipauubaya.”


				
DOCUMENT INFO
Shared By:
Categories:
Tags:
Stats:
views:3317
posted:6/27/2009
language:Tagalog
pages:1