Documents
Resources
Learning Center
Upload
Plans & pricing Sign in
Sign Out

Lafz Hind ki kahani

VIEWS: 824 PAGES: 12

									LAFZ HIND KI TASHKEEL-o-TARKEEB KA EAK
AUR ZAVIYA
Lafz Hind ki kahani
kuch mairi aur kuch auroun ki zobani
Lafz Hind/Hindu kay hawala say saikroun safaat qalam'band ho chukay hain es kay
ba'vajoud natija dhak kay tein paat raha hai. Es lafz ki tehqeeq say tein chizain wabasta
nazar aati hain: 1. Dharam 2. Alaqa 3. Zoban Yah tinoun chizain bari hisas hain es liay es
lafz say jan chorea nahain ja sakti. Mohaqein ki mase apni jaga likin lafz ki jar tak rasae na
ho pana, eak sawaliay ki shakal main es dharti say juray logoun kay liay khasusan aur
mahirein-e-arzyaat aur mahirein lisanyaat kay ru-ba-ru omomi sata par khara hai. Es lafz
kay baray main kaha jata hai kah yah lafz sindhu ki bigri hoe shakl hai. Choun'kah (Arab)
mosalman sindhu lafz ada nahain kar saktay thay es liay onhoun nay sindhu ko hindu main
talfaz kiya. Es zimun main kuch touzihaat paish ki ja sakti hain. Maslan * Aawaz Sein ka
tabadal kisi bhi zoban main hay maqsura/h nahin. * Aawaz Sein donyan ki taqribun her
zoban main mojoud hai aur tha. Aawaz sein say motalaqa mosam, mahoul aur qudrati
halaat donyan kay taqribun her khitay main mojoud rahay hain. * Arbi main sein say milti
dou aawazain say aur sawad bhi mojoud hain es liay sein kay elawa en dou aawazoun ki
mojoudgi main kisi mutbadal aawaz ka ravaj pana qiyas aur soch say bahar ki cheez hai. *
Arbi main dhay mojoud nahain es kay tabadal ki dou suratain samjh main aati hain. 1.
Daal+hay maqsura 2. Daal say lafz ki adaegi sindu. Yah lafz sindhu kay qareeb'tarein hai.
Darya-e-sindh kay os ya es par kay logoun ko agar Hindu kaha jata to baat kisi haad tak
samjh main aa sakti thi. Hind ki dour daraz walaetoun say motalaq logoun ko hindu naam
daina logic aur samjh say bahar ki cheez hai. Sindhu ko arboun ka hindu talafz karna
yaqenun kisi mahar-e-lisanyaat ki samjh main nahain aa sakta. Yah bhi kaha jata hai kah
river sindhu kay os par kay mosalmanoun nay yahaan kay logoun ya phir yahaan kay
dharam say motalaqa logoun ko yah naam diya. Yahaan bhi tein chizain samnay aati hain: *
Mazahab ki hamaisha say khud apnay hawala say pehchan aur shanakht rahi hai. Koe dosra
ossay naam nahain day sakta. * Agar Hindu mazhab nahain bal'kah kalchay, jaisa kah kaha
bhi jata hai to es zimun main kehna yah maqsood hai kah donyan kay her kalchar ka apna
hawala apna alaqa apnay log apnay mosam apnay qudarti halaat apna Pani Apni khourak
aur khud say apna naam raha hai. * Yah dharma mosalmanoun ki aamad say sadyoun
pehlay yahaan mojoud tha es liay esaay mosalmanoun ka aa kar naam daina darust nahain
lagta * Es walaet main seraf yahi eak dharma nahain tha. 1. Bani Israel kay nabi kaam kar
rahay thay. 2. Yahaan kay apnay nabi aa'ay. 3. Hazrat zartusht kay pairu mojoud thay aur
oon ka mosalmanoun ki aamad say bohat pehlay sika chalta tha. Mosalmanoun ka sika to
Mohammad bin Qasim ki aamad kay baad chala jab'kah mosalman to ehad-e-Risalat say
aana shuru ho gay thay. Mohammad bin Qasim ki aamad say peh mosalmanoun kay hamlay
shuru hogay thay. Jin ka sika chalta ho wohhi es qisam ki bari tabdiliaan la saktay hain. Yah
naam to Mohammad bin Qasim ki aamad say pehlay mojoud tha.
Es zimun main eak nazriya yah bhi hai kah: "The sindhu was misspelled by the Europeans
as Indus, and from Indus the word "Indian" has come." Yahaan yah baat wazay nahain kah
yorap waloun say koun morad hain. Woh faransisi thay, walundaizi thay, purtaghali thay ya
angraiz thay. Hind ka angraizi tarjama angraiz dour ki yaad hai. Lafz hind say baias hai
na'kah inda say. India tarjama angraizoun ya maghrab waloun ki dain ho sakta hai ta'hum
es ki takhleeq ka karun Indus nahain ho sakta. Kayoun'kah: a. Sindh eak makhsous aur
mahdoud walaet ka naam hai ossay puray Hindustan/bar-e-sagher par mehmoul nahain
kiya ja sakta. b. Agar darya-e-sindh moqadas aur taqat ki alamat tha to Ganga aur Jamna
bhi kuch kam moqadas nahain rahay. En daryaoun kay hawala say Hind ka koe bhi naam
par sakta tha. c. Indus ba'zat-e-khud tarjama hai. Es say India takhleeq pa sata hai ya pa
giya ho ga likin Indus ya India Hindustan say qatae dou alag chizain hain. d. Hind+Satan ka
India/Indus tarjama darust nahain. Haan mostamal ho janay kay sabab darust mana,
samjha aur tasawr kiya giya hai. e. Galt-ul-aam ko asal kay motradaf maan liya jata hai
likin wo asal ka haqiqi tabadal nahain hota jaisay qulfi ko qofli kay maenoun main samjha
jata hai halan'kah yah seray say darust nahain hai. Es zimun main eak hawala yah bhi
malahza farma lain: "The Holy book of Parsis, "Zindosta" pronounces Sapt Sindhu as Hapt
Hindu. ‘H' replaced alphabet ‘S'. The Iranis too had pronounced the word Sindhu as Hindu."
Yah biyan jari karnay walay nay sein kay tabadal H kay liay Farsi ya moqadas "Zindosta"
say eak lafz bhi ba'tour hawala darj nahain kiya. Yah bhi kaha jata hai: "The term Hindu
(Indu or Intu in China) is still used in some languages to denote an Indian." Kuch ka
khayaal hai kah lafz Hind Kouh Hindu'kash kay hawala say vajoud main aaya hai. Yahaan
dou tein batain guftagu talab hain. Pahar kay sath Hindu ka sabqa sawaliya bun kar samnay
aata hai. Baat wahaan ki wahaan hi reh jati hai kah yah lafz pahaar kay naam kay liay,
kahaan say aaya. Kaha jata hai yah pahaar Hindoun ki mout ka sabab bana ya oon ki mout
kay hawala say yah naam par giya. Yahaan dou batain zaihan main rehni chahiein: 1. A-
Lafz Hindu kay sath lahqa kosh ho to hi essay mout ka pahaar kaha ja'ay ga. Log mukhtalif
hawaloun say paharoun ka rukh kartay aa'ay hain safar main amwaat to hoti hi rehtin hain
yah koe aisi nae baat nahain. Abhi kal parsoun ki baat hai, Pakistan main hawae jahaz kay
pahaar say takranay kay sabab amwaat hoe hain. Es pahar ka naam en amwaat kay hawala
say nahain para. Phir es phaar kay hawala say kisi subay ya puray Pakistan ka naam hi
qarar pa ja'ay, yah kaisay momkin hai.

B-Mout ka koe khas hawala mojoud ho to hi essay mout ka pahaar kaha ja sakay ga.

Es ki tein aur suratain bhi farz ki ja sakti hain. 1. Yahaan koe bari larae hoe ho gi jis main
bohat sari halaqatain hoe houn gi. 2. Pahaar ko abour kartay samay amwaat hoe houn go.
3. Parao kay doran sardi ya baraf bari kay sabab bhari tadaad main log mar ga'ay houn gay.
Es zimun main Ibn Batuta ka yah hawala diya jata hai. Woh likhta hai. "Another reason for
our halt was fear of the snow. For upon this road there is a mountain called Hindukush,
which means 'the slayer of the Indians' because the horses and animals which are brought
from the land of India die there in large numbers as a result of the extreme cold and the
great quantity of snow." 4. Dais badar honay waloun nay edhar ka roukh kiya ho ga aur
onhain qudrati aur wahaan kay mosmi hhalaaty nay mout kay ghat otar diya ho ga.

2. Lafz Hindu kay sath lahqa kach ho to es kay maeni qate mukhtalif ho jatay hain. A. Kach
rehnay, parao, teharnay, aaram karnay, ja-e-aqamamat aur ja'ay panah ko kaha jata ha.
Lafz kouchar essi say tarkeeb paya hai. B. Hindu tapasvi omomun paharoun ka roukh kartay
aa'ay hain. Oon ki aqamat kay sabab es ka naam kouh Hindu'kash par giya ho. C. Lafz kach
hi haqiqat kay qareeb'tarein nazar aata hai. D. Kouh hindu'kach bar-e-sagher ka hissa sahi
likin markaz say bohat dour hai lihaza lafz hind/hindu ki tashkeel ka sabab banta qayas say
bahar ki baat hai. Haan markaz kay hawala say yah naam ossay mila ho ga. E. Dais badar
logoun nay es pahar kay qurb-o-jawar main panah li ho gi aur phir yahein kay ho kar reh
gay houn gay aur oon ki nasl pheli phuli ho gi. Yah toje yaqinun bai'kaar-e-mehez nazar
nahain aati. Wahan es nasal ka soragh lagana aaj mokin nahain lagta kayoun'kah tagheraat
ka amal jari raha hai. Phir bhi kahein na'khein aur kisi na'kisi sata par os nasl ka soragh
lagaya ja sakta hai. Lahqa kach ho ya Kosh, es say koe khas farq nahain parta, asal baat
lafz Hind ki hai. Agar Hind naam mayassar aaya to kin logoun kay zariya say aaya. Woh log
koun kis alaqa aur kis nasl say motalaq thay. Kisi pahari zoban main lafz Hindu ba'tour
mahab ka bashinda nahain milta nahi ba'tour jaga aur qoum kay milta hai. Yah naam
markaz kay hawala say mila maloum hota hai aur phir mostamal ho giya ho ga. Yah bhi
kaha jata hai kah Hindustani inhabited by dark complexioned thay aur fair skinned jo
northwest say ta'alaq rakhtay thay, nay oon ki rangat kay sabab bar-e-sagher kay logoun
ko Hindu (kali rangat walay) naam day diya ho ga. Bar-e-sagher koe aam khita-e-araz
nahain hai. Mosmi aur digar zamini halaat waghera kay hawala say yahaan mokhtalif
rangoun kay log aqamat'pazeer thay. Eak alaqay main siya'faam bhi thay aur aaj bhi siya
aur sanvli rangat walay log mukhtalif jagoun par nazar aatay hain. En siya faam ki qaleel
tadad kay hawala say yahaan kay bashindoun ya phir kisi mazhab say mota'alaq logoun ko
yah naam nahain diya ja sakta. Agar farz kar lain kah yah naam rangat kay hawala say mila
to bhi sawal khara rehta hai kah oon kay pas lafz hind/hindu kahaan say aaya. Yaqinun
wahaan bhi kahein say mahajrat karkay aaya ho ga. Kuch log es lafz ka Origen Ariyae
batatay hain. Yah lafz seray say sanskrat ka nahain. Agar Arya logoun nay yah naam diya to
bhi kahein aur jaga say oon kay haan mahajrat karkay aaya ho ga jis say tein batoun ki
taraf ishara milta hai: 1- Arya log kisi aur say motasar thay. Es tara lafz hind/hindu ki arya
logoun say pehlay logoun ki taraf tavajo mur jati hai. Goya arya log es kay mojad nahain
thay. 2- Oon par kisi aur ka yahaan par galbay say pehlay, ghalba raha ho ga. 3- Arya log
arboun ya es lafz say mota'alaq logoun say lisani hawala say motasar thay Eak khayaal yah
bhi hai: "The Greeks, who invaded India under Alexander the great, drop the "H" completely
and used the name indoos or Indus which later led to the formation of the word India."
Sikandar say pehlay yonani log aa chukay hain. En say pehlay bani israeel ki bhi aamad ho
chuki thi thisri baat yah kah Indus indoos ya inda ka lafz Hindu ya Hind say bhala kiya laina
daina. Indoos ya Indus say India tarkeeb pa giya ho mana ja sakta hai likin lafz Hind/Hindu
ki alag say shanakht baqi rehti hai. Lafz Hindu ba'tour mazhabi shanakhat, yahaan ki
moqadas kotab, maslan Baghvat'geeta, Ramaen main bhi nahain milti. Essi tara yah lafz
Vidik adab main bhi das'yaab nahain hai. Yah bhi kaha jata hai yah naam Arab
mosalmanoun nay diya. Arab (1) to hamaisha say mokhtalif hawaloun say mosalmanoun
say sadyoun pehlay aatay jatay thay. Es tara es moamlay main Arab kay sath mosalmanoun
kay lahqa jachta nahain. Lafz Hind ??? Arbi ka hai aur yah arboun ki aamad kay sath
yahaan warid howa. Arbi main yah lafz mowanas (2) hai aur es kay maeni : Ontoun ka
jhond "a group of camels" yah maeni qadeem arboun ki taraf lay jatay hain. Es lafz kay arbi
main yah maeni aisi ourat kay bhi hain jo apnay naz-o-nakhra aur hosan-o-jamal say dil
libha laity ho. Hind kay maeni fuck kay bhi hain, ho sakta hai kisi toaef kay hosn-e-dilruba
kay hawala say yah naam thehar giya ho. Farsi main bhi yah lafz Arbi say daramad howa
hai aur Farsi main es kay maeni: chour, rahzan, loutaira, ghulam (3) Barda (farma'bardar
khadam jo malkiat main ho), sia faam (black color) kala (black) liay jatay hain. (4) Maeni
chour say tavajo es janib bhi phir jati hai kah Raja Dahar kay ehad main behri qazaqoun
nay Arbi mosalmanoun ka saman lout liya jis kay sabab yahaan ka naam Hind ba'tour
loutairay par giya. Es baat main koe wazan nahain chand logoun kay sabab puri Hind
baradri ko mosalman kayoun motoub karain gay. Kala, zulmat kay maenoun main bhi liya
jata hai. Yahaan kay siya'fam bashindoun kay hawala say yah naam nahain tehra
kayoun'kah yahaan hamaimaisha say mukhtalif rangoun kay log aabad chaly aatay hain.

Zulmat kay reference say kisi mahajar nabi, fala'konda waghera nay yah naam rakh diya ho
ga likin es say nafrat ya haqarat ka koe pehlu samnay nahain aata ta'hum siyahi kay
hawalay say kae marakbaat sonnay aur parhnay ko miltay hain: maslan

Kala monh (black mouth, ugly or who speaks ill) monh badaisi lafz hai. Kali Jeebh (evil
speaking tounge) jeebh mahajar lafz hai. Kala chore (notorious thief) Kala dhandha (illegal
profession) Kala dhan (black money) Kali bhair (black sheep) Kalai laikh (black deeds) Kalay
laikh (misfortune/ baad luck) Kala chum (black skinned person) Yah misalain ba'tour zaeqa
tehreer ki gae hain. Hindustan sonay ki chirya thi aur hai. Es liay baroni donyan kay log
arboun (5) samait yahaan mukhtalif hawaloun say aa'ay likin Hindustan kay log seraf: *
Barouni hukamranoun ki fouj main ba'tour sipa ga'ay * Tabligh kay liay ga'ay * Baruni shahi
darbaroun main malazam rahay Yahaan ki walaitoun main wao ki barhoti say alfaz bantay
aa'ay hain. Maslun Band say bandu, Chand say chandu, Saand say sandu, Chaand say
chaandu, Gaand say gaandu waghera waghera Ba'einhi lafz Hind say lafz Hindu tarkeeb pa
giya ho ga. Jis kay maeni walaet Hind ka basi bantay hain. Mazhab kay hawala say lafz
Barhmaan ki taraf tavajo jati hai. Barhma say Barahmun aur Barahmun say Ibraheem (AS)
ki taraf tavajo phir jati hai aur yah moamla tehqeeq talab hai kah kiya Barahmun Hazrat
Ibraheem (AS) ki nasl say mota'alaq hain?! Hindi ba'tour monshi aur motarjam baruni
walaitoun main ga'ay ho sakta hai yah lafz who khud daramad karkay la'ay houn. Lafz Hind
Arboun kay zariay yah oon say ta'alaq kay hawala say yahaan warid howa. Essi tara farsi
lahqa satan farsioun kay towassat say hind kay sath jur giya. Farsioun ka ghalba aur asar-
o-rasukh bohat pehlay say yahaan par chala aata hai. Oon ki Islamioun say bohat pehlay
yahaan kay alaqoun par hakumat rahi hai. Yahaan ki zobanoun main hazaroun marakab
alfaz mojoud hain jo moqami aur gher moqami alfaz say tarkeeb-o-tashkeel pa'ay hain.
Maslan zima'dar, fouj'dar, ainak, aazmana (Aazmaesh karna ka ekhtasar), farrmana
(Farmaesh karna ka ekhtasar), teh'band, chadar, doupata, Doumousa, Dou'monhhi,
hourain, houraan, qabahtain, citiaan, mintmar, bound nikalna, advice karna, tease karna
waghera waghera. Baroni zobanoun kay alfaz ki kasrat ko daikh khayaal kar liya jata hai
kah falaan zoban falan zoban say nikli ya bani hai ya falaan zoban falan ki reshta main falan
lagti hai. Es qisam ki batain qate ghalt hain. Hindustan shuru say badaisioun ki amaj'gah
raha hai es liay badaisioun ki zobanain yahain ki moqami zobanoun par asar'andaz hoti rahi
hain aur ya amal aaj bhi jari hai. Darj-e-bala morouzaat kay tonazar main yah maan lainay
main kiya kharabi hai: * Lafz Hind mahajar hai * Mosalmanoun kay dour say bohat pehlay
ki Arbi aur arboun say yahaan aaya hai. * Satan ka lahqa Mosalmanoun kay dour say bohat
pehlay ki Farsi aur farsioun say liya giya hai.

----------------------

1- Lafz Arbi bar-e-sagher say os walaet main giya. Yah yahaan ka lafz adab hai aur yah aaj
bhi Punjabi main mostamal hai. 2- Abu Sufyan ki bivi Amir Moaviya ki maan aur Yazeed ki
dadi ka naam Hind bin Utba tha 3- Lughet-e-Kishwari, published in Lucknow in 1964 4-
Urdu-Feroze-ul-Lughat 5- Arboun ko awaliat hasal hai




Bar-e-sagher main badaisioun ki aamad aur
os kay moqami zobanoun par lisani asraat
Bar-e-sagher na’seraf shadabi, haryali, mosmoun ki ranga rangi, wadioun, paharoun, literature,
hunar’mandi, jafa’kashi, bahadri ,qouwat-e-bardast, baroun ka ehtaram, inksaar, dastar’khan ki
farakhi, ghert’mandi* waghera kay hawala say donyan ki behtarein aur shadab sar’zamein rahi
hai bal’kah her dosri walaet say aanay walay kay liay es ka daman tang nahain para. Shuru hi say
yahaan bohat si nasloun, qabiloun, khitoun, alaqoun, mazhaboun, nazriyaat, siyasi panah
gozinoun zamini ya aasmini aafaat ki tabah’karioun kay hathoun majbour ho kar panah lainay
waloun waghera ko yahaan dou gaz zamein zarour mayassar aae.
Sikandar-e-Azam ko yahan ki shujahat aur os ki sipah nay tiknay nahain diya. Jo yahaan rokay
aaj bhi apni rovayaat kay sath zindgi kar rahay hain aur onhain yahaan kay apnoun ki haisiat aur
darja hasil hai.
Bar-e-sagher main gher badaisi walaetoun say log mokhtalif hawaloun say aatay rahay hain aur
yahaan ki zobanoun par asraat moratab kartay rahay hain. Oon ki aamad kay kae tour rahay hain.
Maslan:
      Mohim jou aur alaqa fata karkay yahaan kay wasael aur zamein par qabaz honay walay.
Es tabqay kay sath tajar paisha, moalam, ulma-o-fozla, ehhal-e-danish aur sahib-e-ra’ay aur
hunar’mand, mobalagh, reformers mazhab ka parchar karnay walay waghera tashreef latay
rahay.
Fojioun ki dou suratain rahein:
   1. Kuch arsa tehar kar wapis chalay gay.
   2. Yahaan kay ho kar reh gay aur na’seraf yahaan ki moashrat ekhtayar ki bal’kah yahan ki
      ourtoun say shadi ki aur oon ki naslain barhein aur woh ba’tour Hindustani pehchanay
      jatay hain.
   3. Yahaan ki tazeeb apnae, yahaan ki zobanoun sikhi aur boli, yahaan ki zobanoun ko apni
      zobanoun kay lafz diay.
Asakar kay sath aanay walay log jin ka oupar zikar kiya giya hai ziyada’tar yahan kay ho kar reh
gay. Aatay waqtoun main en ki ouladoun ki pehchan bar-e-sagher ki dharti tehri. En logoun nay
na’seraf es dharti ko apna samjha piyayar kiya es ki taraqi-o-khush hali kay liay qabal-e-qadr
khidmaat sar’anjam dein bal’kah waqt paray par kisi tama lalach ya lalach kay bagher khoun bhi
diya. Tarikh kay pannay aur literature khasusan poetry oon kay gon gati nazar aati hai.


      Yaan ki dharti wasael-e-qudrat kay hawala say bai’panah khazanoun ki malik rahi hai. En
        khazanoun nay hi to bahar waloun ki aankhoun ko khira kiya essi liay woh yahaan par
        hamla’aawar hotay rahay. En hamlah aawaroun kay elawa loutaray kabi bawardi
        bout’parasti khatam karnay kay naam par kabhi insaf dalanay kay naam par aur kabhi
        tajarat aur company bahadar kay libas main aa’ay. En kay elawa bhi bahar say chour
        daku bhi aatay rahay lout mar karkay chaltay banay. Qudrat ka entaqam daikheay:
   1. Bohat souon ki ouladain yahain ki ho kar reh gaein aur es dharti ko onhoun nay apni
      mehnat, tawanae, hunar, mohabat yahaan tak kah es ki hifazat kay liay apna khoun bhi
      diya.
   2. Es dharti ka charagh khabhi gol nahain howa haan en loutairoun kay ghar kabhi roshini
      nahain hoe. Woh lutairay ya phir hamaisha say motnaziya shakhasiat rahay.
   3. Yahaan ki tazeeb apnae, yahaan ki zoban sikhi aur boli, yahaan ki zobanoun ko apni
      zoban kay lafz diay.
      Arboun kay elawa bhi tajar paisha say motalaq logoun ki yahan aamad-o-rafat hoti rahi.
        Oon ki yahan kay logoun say mail palap hota raha. Es tara onhoun nay apni zobanoun
     kay nouns, verbs aur adverbs aata kiay aur yah silsala aaj tak jari-o-sari hai. En ka aana
     jana makhsous alaqa tak mehdoud na tha aur na hai. Ta’hum Sahili, Sindh, Sarhad,
     Punjab, Kashmir waghrea kay alaqay khasous main rahay. En logoun bohat si digar
     chizoun kay elawa moashi/eqtasadi estalahaat wagherah yahaan ki zobanoun ko mayassar
     aaein. Go’kah baad main en estalahaat ki ashkaal hait-e-tarkibi aur mafaheim main tabdili
     aae.
   Adyan kay parcharak apnay tour par apnay mazhab ki kidmat sar’anjam dainay kay liay
     yahaan aa’ay aur yah aamad ka silsala mazhaboun kay aaghaz say hi shuru ho giya. En
     main majosi esae muslim waghera bhi shamil hain. Es tabaqay say motalaq logoun kay
     towasat say yahaan ki zobanoun ko qabal-e-qadar estalahaat milein. Es tara yahaan ki
     zobanoun ko sarwat mayassar aae. Es main shaq nahain en estalahaat main tasaraf hota
     raha ta’hum oon kay kisi bhi rang aur roup main raej ho janay main kisi qisam ka shak
     nahain kiya ja sakta.
   Bani islaeel aur yonani sarkari aur gher sarkari sata par ap’ay ustza moslaihein aur
     nabiyoun** ko iziat dainay kay hawala say bar-e-sagheer walay donyaan main sef-e-
     awal par shamaar hotay hain. Es hawala say en usatza, moslaihein aur nabioun nay
     mahajrat ekhtyar ki aur onhain es alaqa say ziyada pur’soun koe alaqa na mila. Yahaan
     baat ko dou tara say liya ja sakta hai:
1. Ustza aur moslaihein jan bachanay ki gharaz say aa’ay. Apni adat say majbour ho kar
   onhoun nay apna kaam jari rakha ho ga.
1. Nabi Allah kay hukm kay bagher koe kaam sar’anjam nahain daita lihaza woh yaqinun
   Allah kay hukam/amar say yahaan aa’ay houn gay aur devtaoun ki es dharti nay onhain
   yahaan izzat aur ehtaram bakhsha ho ga. Dosra woh kab chup baithay houn gay yaqinun
   tableigh ka kaam jari rakha ho ga.
   Goya es hawala daikha ja’ay to yah baat shak main nahain rehti kah onhoun nay yahaan
     ki zoban sikhi ho gi aur ossay apnay lehjay main bola ho ga. Yahhi nahain apni native
     zoban kay bohat say alfaz es zoban main dakhal kiay houn ga. Unani, Arbi, Irani, Babli,
     Nainwae, Misri, Baghdadi waghera tehziboun ki bhi aamad hoti rahi. Oon ki tehziboun
     nay yahaan apnay tehzibi sakafti aur lisani asraat moratab kiay. Devta tak ki sanjh milti
     hai. sakafti aur lisani asraat moratab kiay. Devta tak ki sanjh milti hai.
   Unani, Arbi, Irani, Babli, Nainwae, Misri, Baghdadi waghera tehziboun ki bhi aamad hoti
     rahi. Oon ki tehziboun nay yahaan apnay tehzibi asraat moratab kiay.
   Hakomat kay baghi logoun nay yahaan panah hasil ki. Yahaan ki dharti nay onhain
     qabula aur izzat bakhshi. Yahhi nahain oon ki hakumatain (Munsura waghera) bhi qaem
     kien. En siyasi matoub hazraat kay hawala say lisani aur saqafti asraat ko nazar andaz
     nahain kiya ja sakta.
   Gulbarga main yahaan ka bhais libas ar atwaar main mahjarein nay aqamat ekhtayar ki
     aur yahaan kay logoun ki zobanoun aur nazriyaat par apanay honay kay hawala say asraat
     moratab kiay.
   Bar-e-sagher siyasi hamloun say bhi kabhi mehfouz nahain raha aur en siyasi hamloun ko
        kuch ka kuch naam day gaya ya diya jata raha hai . Monshi Zakaullah jo mostanad
        mowarukh hain kay nazeek hajaz tose’pasndi ka shaker tha. Daibal par hamlay ko es
        hawalay say dour rakha nahain ja sakta. Dosra maal –o-manaal aur khoub’surat ouratain
        jo char jahazoun main ja rahi thein kay hawalay ko kisi bhi tour par tajziya’nigar ko
        saraf-e-nigha nahain karna chahiay.
Yahhi nahain es moamlay ko daikhnay kay liay ya’tarfa mota yak’taf nataej par mushtamil ho
ga. Bahar’tour hamara yah mozo nahain es par gher’janib’dar tarikh ka tajziya nigar hi kalam kar
sakta hai. Es hamlay kay hawala say gher’makki muslim Arbi kay esma sifaat aur afaal moqami
zobanoun main chalay aa’ay.
      Bar-e-sagher main aanay waloun main chini lougoun ko bhi mad-e-nazr rakhna paray ga.
Bar-e-sagher ki Kisi bhi zobanoun ki baat ki jati hai to os ka reshta aur shijra-e-nasab hind
aaryae bataya jata hai. Halan’kah aarya to koe 15 sou saal pehlay yahaan aa’ay aur oon ki aamad
taqribun dou sou saal tak jari rahi. Yah log vaishi aur ajar thay khaiti bari say waqif na thay.
Sansikrait to moqadas ga’ay thi. Aam admi ko os tak kab rasae hasil thi. Es ka dakhal aur hawala
aarya logoun ka zour toutnay kay baad howa. Dosra yah bolnay ki nahain parhnay aur likhnay ki
zoban thi.
Arboun say tajarat kay omour kay elawa qorbat kay aur hawalay bhi mojoud hain. Maslan


      Arab sitara’parast thay aur yah cheez/ yahaan bhi mojoud thi.
      Arab sitaroun kay ilm par bharosa kartay thay aur yah itaqad yahan bhi paya jata tha.
      Arab tasukh-e-arwa kay qael thay bar-e-sagheer walay bhi es ko mantay aur yah oon kay
        mahab ka hissa thi aur hai.
      Islam say pehlay aur baad main bhi ziyarat-e-qaba taqadas main raha raha hai. Yatra ka
        rovaj yahaan bhi shuru say mojoud raha hai.
En qurbatoun kay paish-e-nazar lafz hind ka daramad hona koe aisi ajeeb baat nahain.
Lafz hind daramad karanay ya na’danista ho janay ka eak sabab yah bhi ho sakta hai.
      Hind naam ki koe khatoun ho gi jo hosan Danish ya kisi aur kamal ki vaja say marouf ho
        gi.
Lafz hind arbi mahajar hai jo arbioun kay amal dakhal ko zahar kar raha hai jabkah Satan farsi
lahqa hai jo iranioun say ta’alaq wastay ki taraf ishara karta hai aur yah qabal az islam ki baat
hai.
———————————
*Hindustan walay 1857 ki chout aur ghadaroun ki ghadari ko aaj bhi nahain bholay. Yah alag
baat hai kah baz chamchay karchay ghaddar aur janib’dar tarikh’danoun nay ghadaroun ko
wafa’dar aur wafa’daroun ko ghaddaroun ki saf main la khara kiya aur es amar ka aaj tak kisi
nay gher’janib’dari say vairwa nahain kiya. Kahein mosalmani aur kahein hindu dharma aatay
rahay hai.
**Dou ambiya Hazrat Talukh (AS) aur Hazrat Almanoun (AS) ki aaram’gahain yahaan dastyaab
hain. Hazrat Almanoun kay motalaq dou qiyas hain eak yah kah woh Hazrat Daud (AS) kay
khalifa thay jab’kah janashein Hazrat Suleman (AS) banay.
 Yah bhi kaha jata hai kah woh dar’haqiqat Hazrat Younis (AS) thay. Jo apni qoum ko baad’dua
dainay kay baadyahaan aa ga’ay
 Bini Israeel kay seraf yah dou nabi hi nahain aur bohat saray nabi aa’ay houn gay. Bani Israeel
itnay safaq tohmat’gar aur na’farman thay kah eak waqt main 300 -300 sou ambiya ka qatal kar
daitay thay.




Punjabi aur Arbi kay lisani reshta kay
hawala say chand morozaat
"Dr. sahib yaqeenan aapka tajziya maloomaat ka zakheera hay. laikin mujhey kuch baatain
samajh naheen aeen iss para main.
Woh yeh kay merey khayal main urdu ka arbi say lisani rishta ziada qareeb ka hay banisbat
punjabi kay, kiounkay aapko aisay bohat say ilfaaz milaingay jo likhnay main aur soati
(pronounciation) main arbi say mutabiqat rakhtay hain.

Doosray yeh kay aapnay jo kuch misaalain di hain punjabi kay alfaz ki jaisay Ghaeen ko G keh
kay bulana ya, Sheen ko seen kehna, ya Dal ko Jeen kehna maslan Qudrat ko Qujrat, jiss punjabi
tabqay say mera talluq hay wahan aisay ilfaaz kabhi sun nay main naheen aye. Maslan Qudrat ko
Qudrat hee kaha jaata hay ya janoobi punjab main shayad Quzrat kaha jaata ho jahan saraiki ka
tarz e guftagoo punjabi pay ziada asar andaaz hay.
Kia aap wazahat kar saktay hain kay aap kiss ilaqay ki punjabi pay tabsara kar rahay hain?
kiounkay meri chati hiss keh rahi hay kay aisi punjabi sarhad kay uss paar hee boli jaati hay aur
shayad ussay gurmukhi kehtay hain."
(ugwaraich, Senior Proud Pakistani, www.forumpakistan.com)
ugwaraich Sahib aap nay mairi morozaat par bari mohabat anjidgi kay sath tovajo farmae, es kay
liay dil-o-jan say ehsan'mand hoon.
Allah aap ko kush rakhay.
Hakam zobanain jab bhi kisi alaqa main kisi bhi hawala say warid hoti hain to wo bila imtiyaz
wahaan ki bolioon aur zobanoon par asraat chorti hain. Yoon bhi keh saktay moamlaat-e-hayat
kay hawala say woh wahaan ki bolioon aur zobanoon par kisi na'kisi sata par asar'andaz hoti
hain.
Punjabi bar-e-sagher ki porani aur lisani nazam kay hawala say donyan ki zobanoon ameer tarein
zoban hai.(1) Yahhi nahain yahaan ki kaseer aabadi essay bolti aur samjhti hai. Moamlay ko
lehjoon kay hawala say alag rakhain kayoon'kah yah bilkul eak joda mozo-e-guftagu hai.
Punjabi nay bar-e-sagher ki bohat sari bolioon aur zobanoon ko motasar kiya aur oon say asraat
bhi qabolay. Ba'toor hawala aap mola vajhi ki sab'ras ko lay saktay hain. Dakni adab kay liay
adal shahi aur qotab shahi adab ko aap nazar'andaz nahain kar saktay. Bilkul essi tara raam'puri
aur agri ko bhi mad-e-nazar rakh saktay hain. Yahhi surat-e-haal sindhi ki hai. Es kay liay Saein
Sachal Sarmast Sahib aur shajoraslu ko bhi malahza kar saktay hain. Pothohaar kay alaqa main
Qissa safar-ul-eshq, Jhang kay zimun main molvi abdul hakeem jhangvi ki nijat-ul-momainein,
Saraeki kay liay Hazrat Baba Fareed Sahib, Hazrat Khaja Ghulam fareed ko zaroor daikh lain.
Heer waris shah, Heer moqbal, Kalaam hazrat nosha ganj bakhsh sahib, Molvi Ghulam Rasool
alam'puri waghera ki punjabi ko sarsari nazar say bhi daikhain gay to yah baat dhaki chupi na
rahay gi kah punjabi nay bar-e-sagher ki moqami bolioon aur zobanoon say asraat qabool kiay
hain aur yah amar es ki lachak'paziri ko wazay karta hai. jo zoban/boli jitni lachak'pazeer ho gi
os ka daera-e-izhar bhi otna hi wase ho ga.
Muslim dour kay zimun main arbi ko avliat daitay hain. Koe bhi shaeri ki kitab otha kar daikh
lain os main un'gint alfaz arbi kay mojood paein gay. Es ki suratain mukhtalif ho sakti hain.
Maslan
a. alfaz ki haiat tabdeel nahain hoe likin maeni badal gay.
b Arbi alfaz main ashkali tabdiliaan aae hain
c. Arbi alfaz kay estamalaat punjabi lisani set-up kay motabiq howay hain.
d digar jin moqami bolioon aur zobanoon say arbi alfaz liay gay hain wahan
  wo os boli ya zoban kay lisani nazam kay motabaq estamal howay hain
  likin punjabi main aa kar oon ki surat kuch ki kuch ho kar reh gae hai.
e. wahad jama ki tashkeel punjabi kay apnay lisani asoloon kay motabaq hoe hai
f. movanas mazakar main bhi punjabi nay apnay asoloon ko mad-e-nazar rakha hai.
g. talafaz main gher mamoli tabdiliaan aae hain.
Aisi aur bohat sari suratain hain jin ko aap punjabi kay sheri adab ko daikh kar andaza farma
saktay hain.
Bila'shuba Urdu bhi dosri zobanoon aur bolioon ki tara arbi say motasar hoe hai. Yah poranay
waqtoon main bhi poray bar-e-sagher ki zoban thi aur yahi surat aaj bhi hai. Donya ki koe zoban
aisi nahain ho gi jis kay tein (2) rasum-ul-khat hoon. Yah sharaf aur seraf Hindustani (3)
(Urdu+Hindi) ko hasal hai.
Urdu es waqt donya ki dosri bari boli, samjhi, likhi aur parhi janay wali zoban hai jabkah apnay
awazoon kay nazam kay hawala say pehli bari zoban hai. Es mozo par main kahein aur bari
tafseel say apni morozaat paish kar chuka hoon. La'mohala es zoban nay apnay jossay kay
hawala say hakim zobanoon say ziyada asraat qabool kiay hain likin punjabi ka jussa aur bolanay
waloon ki tadaad kuch kam nahain es liay es nay bhi arbi say asraat qabool kiay hain.
Arbi lafzoon ki shakal maeni aur estamalaat kuch ke kuch ho gay hain. Agar mairi baat par
yaqeen na aa'ay to heer moqbal, heer waris shah, qissa safar-ul-eshq, nijat-ul-momainein, kallam
bulle shah kasuri, kalaam shah hussain lahori, kalaam nosha gunj bukhsh, ahwal lul akhkairaat
(molvi abdul wahab), Kalaam peer mehar ali shah sahib, kalaam fazal shah gujrati, kalaam daem
iqbal, waghera ko eak nazar zaroor daikh lain, arbi kay asraat aap ba'khobi daikh sakain gay.
Farsi ki bhi yahi surat hai. Onwan tak farsi main likhay gay hain. Hawashi bhi moratab kiay gay
hain. Main Mohammad Bukash Sahib nay qissa saef-ul-malooq (4) kay aakhar main farsi alfaz
ko hawashi ki surat main daraj kiya hai.
Awazoon ka tabadal koe nae baat nahain.
wao kay liay bay ( bai'chara say wachara)
pay kay liay wao (Qadi'pind say qadi'wind)
daal kay liay zay (Khadmat say khizmat)
daal kay liay wao (zima'dari say zima'wari,
zawad kay liay jeem (zarorat say jarorat)
zaal kay liay jeem (zail say jaial/jaiel)
Ray kay liay laam (professor say profaisal)
waghera waghera.
Essi tara noon ka hashvi estamal bhi aam hai maslan hosla say honsla.
Baat edher ya odhar ki nahain. Aap street main ba'toor mohaqaq niklain, aap ko yah sab sonnay
ko mil ja'ay ga. Punjab ka koe aisa gali ya kocha nahain ho ga jahan punjab ki dosri walaetoon
kay log na aatay jatay hoon gay lihaza aap zara bariki say en tabadalaat ko daikhain. Mujhy
yaqein hai kah aap es hawala say maus nahain hoon gay.
Maira ta'alaq odhar say nahain edhar say hai aur mairay pas edhar kay punjab kay kae dost aatay
jatay rehtay hain aur oon say mairi baat cheet hoti rehti hai. Es baat cheet kay hawala say mein
nay bari zima'dari say misalain aap ki kidmat main paish ki hain.
Hindi koe alag say zoban nahain hai. yah angraiz ki (1800) sazesh thi. lala lalluji es ka mohra
banay. Bilkul essi tara gurmakhi punjabi say koe alag zoban nahain yah sikhism kay zair-e-asar
vajood main aae.
Aslun donoon zobanoon (6) kay rasm-ul-khat bohat pehlay koe aur thay ya yah moqami rasoom-
ul khat main likhi jati thein. Ram kay daramoon kay jab tarajum howay (7) to pata chala yah to
Hindustani (Urdu+Hindi) hai. Mein nay zimnun yah baat likh di hai aur es ka matni ta'alaq es
mozo say nahain.
Agar main aap ki oljhan dour kar saka hoon to mujhy khushi hai warna aap es zimun main
mazeed sawal ya misalain talab karnay ka asuli haq mehfooz rakhtay hain.
--------------------------------------------------------------------------------------------------
1. Ibtadae kalasoon main es ki alif bay parhae nahain jati aur nahi es koe tadrisi
   qaeda hai, es kay ba'vajood kaseer tadaad main likhi aur parhi jati hai.
2. arbi, dav'nagri, roman
3. hindustan kisi moqami zoban ka lafz nahain hai. yah bar-e-sagher ka motradaf hai,
   hind arbi jab'kah satan farsi lahqa hai.
   ab es ki tein riyastain mojood hain:
   a. Bharat
   b. Pakistan
   c. Babgladash,
     Yah lafz bangalali nahain hai. Bangal+dais
      jaisay lyalpur lyal+pur
4. qissa safar-ul-eshq
5. zima, zoma kay talafaz main bhi mostamal hai
6. hindustani aur punjabi+gurmokho
7. Syed Imtiyaz Ali Taj marhoom

								
To top