Հարգելի պարոն Վարչապետ Նախագծերի կառավարման հայկական ասոցիացիաին հայտնում է իր երախտագիտությունը Նախագծերի կառավարման մասնագետներին ուղված կոչի և այդ մասնագիտությունը Հայաստանյան ներկա իրավիճակում արդարացիորեն կարևորելու համար: “Նախագծերի կառավարման հայկական ասոցիացիա” (APMA) հասարակական կազմակերպությունը հիմնվել է նպատակ հետապնդելով ստեղծել նախագծերի կառավարման մասնագետների ցանց, իր անդամների համար մշակելով ծառայություններ և դրանով` ապահովել պրոդուկտի բարձր մակարդակ ու խթանել ՀՀ տնտեսության զարգացմանը: Չնայած կազմակերպությունը նորաստեղծ է, սակայն հասցրել է ներգրավել բավականաչափ ռեսուրսներ և կատարել ոլորտում որոշակի աշխատանք: Մեր կազմակերպությունը և մեր նախագծերը ավելի հանգամանորեն ներկայացնելու նպատակով, սույն նամակին կից ներկայացնում ենք “նախագծերի կառավարման հայկական ասոցիացիաի նկարագիր” նյութը, ինչպես նաև կարող եք մեր մասին տեղեկանալ այցելելով www.apma.am ինտերնետային կայքը: Ներկայիս ընձեռված հնարավորությունը մեր կազմակերպությունը դիտարկում է նաև որպես համագործակցության հնարավորություն և, ավելի առարկայորեն` որպես համագործակցության հնարավոր զարգացում առաջարկում ենք հետեվյալ կետերը՝ էլեկտրոնային եղանակով կատարել կառավարման գիտելիքների պահանջի ուսումնասիրություն Կառավարության այն օղակներում, որտեղ կենտրոնացված են նախագծերի կառավարումը, Իրական պահանջարկի եւ առավել խոցելի կետերի հիման վրա պատրաստել համագործակցության առաջարկ, Սահմանել հնարավոր համագործակցության առարկան եւ ժամկետները, որը նախագծերի կառավարման հայկական ասոցիացիան կարող է իրականացնել իր ռեսուրսներով: Ներկայումս մենք առաջարկում ենք ՀՀ Կառավարության աշխատակազմի համար իրականացնել երկու դասընթաց Նախագծերի Կառավրաման վերաբերյալ: Տվյալ դասընթացները կարող են իրականացվել փետրվար ամսվա ընթացկում եւ կլինեն անճար, քանի որ ԱՄՆ Միջազգային զարգացման գործակալության CAPS ծրագրից ստացել ենք փոքր դրամաշնորհ, և արդեն ունենք նրանց համաձայնությունը ՀՀ Կառավարության աշխատակազմից 30 հոգու համար դասընթաց իրականացնելու վերաբերյալ: Նախագծերի Կառավարման Հայկական Ասոցիացիաի Նախագահ Ալբերտ Պողոսյան