Child Sexual Abuse Survivors Project Backgrounder Final Inuk by bxk16778

VIEWS: 11 PAGES: 2

									      ᓱᕈᓯᐅᑎᓪᓗᒋᑦ ᖁᓄᔪᕐᓂᐊᖅᑕᐅᓂᑰᔪᑦ ᐃᑲᔫᑎᒃᓴᖏᓄᑦ ᐱᓕᕆᐊᖅ
                      ᑐᑭᓯᒋᐊᕈᑎᒃᓴᑦ

ᑮᓇᐅᔭᑎᒍᑦ ᐃᑲᔪᖅᓯᒪᔪᑦ ᐃᓕᓐᓂᐊᕆᐊᖃᑦᑕᖅᓯᒪᔪᕕᓃᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᑲᔪᕐᓱᖅᑕᐅᓂᒃᑯᑦ
ᐱᓇᓱᐊᖅᑕᐅᔪᑎᒍᑦ, ᐃᓱᒪᓕᕆᓂᕐᒧᑦ ᐅᐃᕆᓯᒪᓂᕐᒧᓪᓗ ᐊᒡᓚᕝᕕᐊ, ᓄᓇᓕᓐᓂ ᐱᓕᕆᐊᕆᔭᐅᔪᓄᑦ
ᐊᒡᓚᕝᕕᐊ, ᐊᓪᓚᐃᑦ ᐃᓄᐃᓪᓗ ᐋᓐᓂᐊᖃᕐᓇᖏᑦᑐᓕᕆᔨᒃᑯᖏᑦ - ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᓇᑕᒥ.

ᐱᓕᕆᐊᒃᓴᓄᑦ ᑐᕌᒐᕆᔭᐅᔪᑦ:
  1. ᐃᓄᓕᒫᕐᓂᒃ ᖃᐅᔨᕚᓪᓕᑲᓐᓂᖅᑎᑦᑎᓇᓱᐊᕐᓗᑎᒃ ᐃᓄᐃᑦ ᓱᕈᓰᑦ ᒪᒃᑯᒃᑐᓪᓗ
     ᖁᓄᔪᕐᓂᐊᖅᑕᐅᖃᑦᑕᕐᑐᕕᓃᑦ ᐅᑭᐅᖅᑕᖅᑑᑉ ᓄᓇᓕᖏᓐᓂ, ᐊᒻᒪᓗ
     ᐃᑲᔪᖅᓱᐃᓗᑎᒃ ᓄᓇᓕᓐᓂ ᖃᓄᐃᓕᐅᕈᑎᒋᔭᐅᓇᓱᐊᖅᑐᑦ
     ᐱᓂᕐᓗᒃᑕᐃᓕᒪᓕᖅᑎᑦᑎᓂᕐᒧᑦ ᐅᔾᔨᕈᓱᒍᓐᓇᓕᓂᕐᒧᓪᓗ.
  2. ᐊᑐᕐᓂᖅᓴᐅᓕᕐᓗᑎᒃ ᐊᒻᒪᓗ ᐊᔪᕐᓇᖏᑦᑕᕌᖓᑦ, ᐱᓕᕆᑎᑦᑎᓂᖅᓴᐅᓗᑎᒃ ᐃᓄᐃᑦ
     ᖃᐅᔨᒪᔨᑕᐅᔪᓂᒃ ᐅᖃᖃᑎᒋᖕᓂᕐᒧᑦ ᐱᔾᔪᑎᖃᖅᑎᓪᓗᒋᑦ ᐃᓄᐃᑦ ᓱᕈᓰᑦ
     ᒪᒃᑯᒃᑐᓪᓗ ᖁᓄᔪᕐᓂᐊᖅᑕᐅᖃᑦᑕᕐᑐᕕᓂᕐᓄᑦ.
  3. ᐊᑐᓕᕐᓗᑎᒃ ᐱᖅᑯᓯᑐᖃᖅᒍᑦ ᓈᒻᒪᒃᑐᓂᒃ ᑐᕌᒐᖃᖅᑐᑦ ᐃᓄᐃᑦ ᓱᕈᓯᓂᒃ
     ᖁᓄᔪᕐᓂᐊᖅᑕᐅᑦᑕᐃᓕᒪᓂᕐᒥᒃ.

ᑐᕌᒐᕆᔭᐅᔪᑦ:
ᐃᓄᐃᓕᒫᓂᒃ ᖃᐅᔨᒪᕚᓕᖅᑎᑦᑎᓇᓱᐊᕐᓗᑎᒃ ᓱᕈᓰᑦ ᖁᓄᔪᕐᓂᐊᖅᑕᐅᖃᑦᑕᕐᑐᓄᑦ
ᐃᓄᖕᓅᖓᓂᕐᓴᐅᔪᑦ ᓇᓕᖅᑲᖏᓐᓃᑦᑐᓂ ᐱᐅᓯᖓᒍᑦ:
  • ᕿᓪᓕᖅᑐᓕᐊᕆᓯᒪᔪᖅ ᑭᒃᑯᓕᒫᓄᑦ ᐅᔾᔨᕈᓱᓕᖅᑎᑦᑎᔾᔪᑎᐅᓇᓱᐊᕐᓯᒪᔪᖅ
    ᐊᑯᑭᑦᑐᕐᒥᐅᑎᑑᖓᔪᖅ ᑲᓇᑕᒥᐅᑦ ᐃᓄᒃᑎᑐᑦ ᐅᖃᐅᓯᖓᒎᓕᖅᑎᑕᐅᓗᓂ;
  • ᖃᐅᔨᓇᓱᐊᕐᐸᒡᓗᑎᒃ ᐃᓄᐃᑦ ᖃᐅᔨᒪᔨᑕᐅᔪᓂᒃ ᓴᖅᑮᓂᕐᒧᑦ ᑐᓴᖅᑕᐅᔭᕆᐊᓕᖕᓂᒃ
    ᐃᓄᓕᒫᓄᑦ; ᐊᒻᒪᓗ
  • ᐋᖅᑭᒃᓯᓗᑎᒃ ᑐᓴᐅᒪᑎᑦᑎᓂᕐᒧᑦ ᐸᕐᓇᐅᑎᒥᒃ ᐃᓚᖃᕐᓗᒍ ᑐᑭᓯᓇᑦᑎᐊᖅᑐᓂᒃ
    ᑐᓴᖅᑎᑦᑎᔾᔪᑎᓂᒃ, ᐃᑲᔫᑎᒃᓴᓂᒡᓗ.

ᖃᓄᐃᓕᐅᕐᓃᑦ:
 • ᓴᖅᑮᓗᑎᒃ/ᓂᕈᐊᕐᓗᑎᒃ 7ᓂᕐ ᐱᓕᕆᐊᖃᕐᓂᕐᒧᑦ ᖃᐅᔨᒪᔨᑕᐅᓂᒃ (ᐃᓚᖃᕐᓗᑎᒃ
   ᐃᓐᓇᕐᒥᒃ) ᐱᓕᕆᐊᖃᕐᓂᕐᒧᑦ ᐱᓇᓱᐊᖅᑏᑦ ᐱᓕᕆᓂᑰᔭᕆᐊᖃᖅᐳᑦ
   ᖃᐅᔨᒪᓂᖃᑦᑎᐊᕐᓗᑎᓪᓗ ᓱᕈᓰᑦ ᖁᓄᔪᖕᓂᐊᖅᑕᐅᔪᕕᓂᕐᓂᒃ ᐊᒻᒪᓗ
   ᐱᓕᕆᓯᒪᓂᑰᓗᑎᒃ ᐱᓇᓱᐊᖅᑕᐅᔪᓄᑦ ᐱᕙᓪᓕᐊᑎᑦᑎᓂᕐᒥᒃ ᑐᕌᖓᓗᐊᖅᑐᑦ
   ᓱᕈᓯᓄᑦ, ᐋᖅᑭᒍᑎᒃᓴᐅᔪᓐᓇᕐᓗᑎᒃ.
 • ᐱᓕᕆᐊᖃᕐᓂᕐᒧᑦ ᐱᓇᓱᐊᖅᑏᑦ ᐃᓚᐅᕙᓪᓗᑎᒃ ᒪᕐᕉᖕᓄᑦ/ᐱᖓᓱᓄᓪᓘᓐᓃᑦ
   ᐅᖄᓚᐅᑎᒃᑯᑦ ᑲᑎᒪᓂᐅᔪᓂ ᐊᒻᒪᓗ ᐃᓚᐅᕙᓪᓗᑎᒃ ᒪᕐᕉᒃ ᐅᓪᓘᖕᓄᑦ
   ᑲᑎᖃᑎᒌᓪᓚᑦᑖᕐᓂᐅᔪᑎᒍᑦ ᑲᑎᒪᓂᐅᔪᓂ ᐋᑐᕚᒥ (ᐱᒋᐊᑐᐃᓐᓇᕆᐊᓖᑦ ᔭᓄᐊᕆ
   2009-ᒥ);
   • ᓇᓗᓇᐃᕆᓗᑎᒃ ᓯᕗᓪᓕᐅᔾᔭᐅᔭᕆᐊᓕᖕᓂᒃ, ᐱᔾᔪᑎᐅᓪᓗᐊᑕᕐᓂᐊᕐᑐᓂᒃ
      ᐅᖃᐅᓯᒃᓴᕆᔭᐅᓪᓗᐊᑕᕐᓂᐊᖅᑐᓂᓪᓗ;
   • ᐱᕙᓪᓕᐊᑎᑦᑎᓗᑎᒃ ᐅᖃᖃᑎᒌᒍᑎᖃᕐᓂᕐᒧᑦ ᐸᕐᓇᐅᑎᓕᐊᖑᒐᔭᖅᑐᒥᒃ
      ᐃᓚᖃᕐᓗᓂ ᐅᖃᖃᑎᖃᕈᓐᓇᑦᑎᐊᕐᓂᕐᒧᑦ, ᐃᑲᔫᑎᓂᒡᓗ.
   • ᓂᕈᐊᕐᓗᑎᒃ ᑲᑎᒪᒐᔭᕐᓂᕐᒧᑦ ᐅᓪᓗᒃᓴᖓᓂᒃ; ᐊᒻᒪᓗ
   • ᕿᒥᕐᕈᓗᑎᒃ/ᑲᔪᓯᑎᑦᑎᓗᑎᒃ ᐱᓕᕆᐊᒃᓴᐃᑦ ᓇᓗᓇᐃᖅᑕᐅᔾᔪᖏᓐᓂᒃ.
ᑖᓐᓇ ᐱᓕᕆᐊᖑᔪᖅ ᑲᔪᓯᓂᐊᕐᑐᖅ ᒫᔨ 31, 2009-ᒧᑦ .ᑎᑭᓪᓗᒍ

ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒋᔪᓐᓇᖅᐸᑦ:

ᓕᓯ ᓇᕿᑕᕐᕕᒃ, ᐊᐅᓚᑦᑎᔨ, ᐱᓂᕐᓗᒃᑕᐃᓕᓂᕐᒧᑦ ᐱᓕᕆᐊᓂᒃ
ᑲᓇᑕᒥ ᐸᕐᓇᐅᑎᐅᔪᖅ ᐱᓂᕐᓗᒃᑕᐃᓕᓂᕐᒧᑦ ᐃᓄᐃᑦ ᓄᓇᓕᖏᓐᓂ
ᐸᐅᒃᑑᑎᑦ ᐃᓄᐃᑦ ᐊᕐᓇᐃᑦ ᑲᓇᑕᒥ
Suite 400, 56 Sparks Street
Ottawa, ON K1P 5A9
613-238-3977, ᑐᑭᒧᐊᒍᑎᖓ 236
613-238-1787 ᓱᒃᑲᔪᒃᑯᑦ
1-800-667-0749
lnaqitarvik@pauktuutit.ca
www.pauktuutit.ca

								
To top