Machhali Jal Ki Hai Raani by 3SN74Wr

VIEWS: 87 PAGES: 9

									HINDI POEMS
     FOR
    KIDS




 Prepared by Parmod Chhabra
Vishva Shakti Durga Mandir
              Ottawa


    Machhali Jal Ki Hai Raani




        Machhali jal ki hai raani,
         Jeevan uska hai paani,

        Haath lagao, dar jaayegi
        Bahaar nikaalo, mar jaayegi




  Chunnu Munnu Thhey Do Bhai

      Chunnu, Munnu thhey do bhai,
            Rasgule pe hui ladai.
        Chunnu bola mai khaunga,
          Munnu bola mai khaunga.
       Halla sun kar Mummy aayi,
         Dono ko ek chapat lagaayi.
            Khabhi na ladna,
             Kabhi na jaghadna,
       Aapas me tum milke rahena
            Praarthana

     Hey bhagwaan tujhe pranaam!
      Tere bacche hum ho sacche
     Padh likhenge yogya banenge
      Kaam karenge nahin darenge
    Nitya badhenge badhe chalenge,
       Do vardaan hey bhagwaan


Barish aaya chhm^Åchham^Åchham
   Barish aaya chhm^Åchham^Åchham,
      Lekar chhata nikal pade hum,
         Per phisla gir gaye hum,
        Upar chhata Nichhe hum.




             CHAATA
      Paani barsa dham dham dham
       Oopar chaata neeche hum
     Chaata lekar nikle hum.
    Pair phislaa, gir gaye hum.




  Titli udi re, uda n saki



       Titli udi re, uda n saki,
      bus me chadi, sit n mili,
         sit n mili, rone lagi,
conductor ne kaha, chal mere saath,
   Titli boli chal hatt badmaash.

         Meri Gudiya

     Yeh hai meri gudiya raani
     Mujse sunti roj kahaani,
      Khaati roti peeti paani
     Kabhi nahi karti shetaani




        Bandar Mama
    Bandar mama pahen pajama
       Kurta dale nikal pade
  Dikha nahi kele ka chilka
  Pair pada to phisal pade.



         Chidiya




 Ek chidiya ke bacche chaar
 Ghar se nikle pankh pasaar
  Purab se paschim ko aaye
  Uttar se dakshin ko aaye
  Ghoom liya hai jag saara
 Apna ghar hai sabse pyaara



        Bholi Gai
   Kitni bholi, kitni pyaari
 Sab pashoo(n) se nyaari gai
Saara doodh hamei(n) de deti
   Aao ise pilaaye(n) chai.




     Sher Niraala
       Sher niraala himmatwala
     Lambi lambi moo(n)chonwala
     Bhaago bhaago aaya hai sher
      Daudo daudo aaya hai sher.


        Billi Gayee Dilli

            Billi gayee Dilli
        Dilli mein tha bandar
         Laal kille ke andar
      Bandar ne dee moongphali
         Billi lekar use chali
       Raaste mein tha bhaalu
     Bhaalu bola mai(n) khaoo(n)?
       Billi boli jhat myaoo(n)
         Billi ne mara panja
        Bhaalu ho gaya ganja.


        Aaloo Kachaaloo
Aaloo kachaaloo beta kahan gaye they?
 Bai(n)gan ki tokri mein so rahe they
 Bai(n)gan ne laat maari ro rahe they
Mummy ne pyaar kiya, ha(n)s rahe they.
    Lalajine Kela Khaaya




        Lalajine kela khaaya
   Kela khakar moo(n)h pichkaaya
  Moo(n)h pichkaakar tond phulaaya
 Tond phulaakar pair badhaaya
  Pair ke neeche chilka aaya
    Lalaji to gire dhadaam
   Haddi pasli dono(n) tooti
Moo(n)h se nikla hai ram hai ram




     Laal Tamaatar
   Gol gol yeh laal tamaatar
   Hote jisse gaal tamaatar
 Khoon badhaata laal tamaatar
   Phoorti laal laal tamaatar
Swasthya banaata laal tamaatar
  Mast banaata laal tamaatar
 Hum khaayenge laal tamaatar
  Ban jaayenge laal tamaatar.




     Bhookha Kauva
 Kauva bola ka ka ka
 Jaaoo(n) to main jaaoo(n) kaha(n)
 Bhookha hoo(n) mai(n), kuch to do
 Dibba kholo roti do




       Jana Gana Mana

Jana gana mana adhi naayaka jaya hai!
     Bhaarat bhaagya vidhaata
  Punjab Sindh Gujarat Maraatha,
       Dravid Utkala Bangaa.

 Vindhya Himachala Yamuna Ganga,
     Uchhala jaladhi taranga.
     Tava shubh naame jaage,
    Tava shubh aashish maage,
      Gahe tava jaya-gaatha.

 Jana-gana-mangaladayaka jaya hai!
      Bharat bhagya vidhata.
    Jaya hai! Jaya hai! Jaya hai!
     Jaya Jaya Jaya Jaya hai!
       Hum Honge Kamiyaab

     Hum honge kamiyaab (3), ek din…
Ho…man mein hai vishwaas, poora hai vishwaas
       Hum honge kamiyaab ek din.

       Hum chalenge saath-saath
        Daal haatho(n) mein hath
    Hum chalenge saath-saath, ek din
 Man mein hai vishwaas, poora hai vishwaas
    Hum chalenge saath-saath ek din.

     Hogi shaanti chaaro aur (3), ek din
    Man hai vishwaas, poora hai vishwaas
      Hogi shaanti chaaro aur ek din.

           Nahi dar kisi kaa aaj
          Nahi bhay kisi ka aaj
        Nahi dar kisi ka aaj ek din
 Man mein hai vishwaas, poora hai vishwaas
       Nahi dar kisi ka aaj ek din.

     Hum honge kamiyaab (3), ek din
Ho…man mein hai vishwaas, poora hai vishwaas
       Hum honge kamiyaab ek din.

								
To top