BANGHAY - ARALIN SA PAGTUTURO NG FILIPINO 2 by l75s8VN

VIEWS: 0 PAGES: 16

									             BANGHAY - ARALIN SA PAGTUTURO NG FILIPINO 2
                       GRAMATIKA AT PAGBASA
              IKAAPAT NA MARKAHAN – IKALAWANG LINGGO


I.    ANG PAKSA / MGA KASANAYAN / MGA KAGAMITAN


      Paksa                       :      Mga Dakilang Asyano
      Pamagat ng Texto            :      Pilosopiyang Tsino
      Uri ng Texto                :      Argumentativ
      Kagamitan                   :      Larawan, tsart
      Gamit ng Wika               :      Pagbibigay ng alternatibong solusyon
      Istruktura ng Wika          :      Mga salita/pangungusap na
                                         nagpakita ng alternatibong solusyon
      Kasanayang Pampag-iisip :          Pagsasabi ng opinyon at paniniwala
      Halagang Pangkatauhan :            “Huwag mong gawin sa iba ang ayaw
                                         mong gawin sa iyo.”



II.   MGA INAASAHANG BUNGA (BAWAT ARAW)

      A. Nabubuo ang hinuha sa paksa batay sa pamagat at nailalapat ang mga
         tiyak na karanasan at kaalaman tungkol dito.

      B. Nakikilala at naipaliliwanag ang mga positibong paniniwala sa textong
         binasa.

      C. Natutukoy ang tono ng texto at nakikilala ang tiyak na uri nito.

      D. Nakikilala at nagagamit nang wasto ang mga salita/pangungusap na
         nagpapakilala ng alternatibong solusyon.

      E. Nasusuri at nakasusulat ng iba pang kaugnay na texto.




BSE-Kagawaran ng Edukasyon                                                      397
III.   PROSESO NG PAGKAKATUTO

       UNANG ARAW

       A. Panuimulang Gawain

          Pagganyak :

          1. Ipaliwanag ang kaisipang nabuo sa pagtatalakay ng Pelikulang Mano
              Po.

             Gabay na Tanong :

                     Anu-anong mga tradisyong Intsik ang ipinakita sa pelikula?

                     Ibigay ang paniniwalang ito at bigyan ng reaksyon kung
                      sumasang-ayon ka o hindi sumasang-ayon.

                                        Mano Po



                                  Paniniwala at Tradisyon

                                        V.S


          2. Pagbabahaginan ng mga mag-aaral sa bawat pangkat.

          3. Pag-uulat ng lider ng bawat pangkat.

          4. Pagbibigay ng feedback ng mga mag-aaral tungkol sa ulat na narinig.

             a. Maayos bang naipahayag ang bawat panig?

             b. Kung kayo ang nasa katayuan ng tauhan sa kwento, gayundin ba
                ang inyong gagawin?


       Paglalahad :

          1. Pagbibigay-pansin mula sa pamagat ng textong babasahin. “Mga
             Dakilang Asyano”.




398                                                 BSE-Kagawaran ng Edukasyon
       2. Muli pagbibigayin ng reaksyon ang bawat pangkat sa tulong ng mga
          sumusunod na tanong:


              Pangkat 1 at 2 : Ano ang ibig sabihin ng pamagat? Mga Dakilang
                               Asyano? Ano ang nais ipabatid ng salitang dakila sa
                               pamagat?




                      ASYANO                DAKILA                 DAKILANG
                                                                    ASYANO

      INDIA




              Pangkat 3 at 4 : Pagbabahagi ng mga nabasa/narinig sa mga
                               Pilosopiya.

              Pangkat   5 at 6 :   Pagbabahagi ng karanasan ng ibang tao na may
                                   kaugnayan sa iba’t ibang Pilosopiya.


     B. Pagbabahagi sa klase.

     C. Pagkuha ng feedback.

                 Anu-anong kaisipan ang nabuo ngayon sa pamagat na ating
                  tatalakayin?

     D. Pagpapabasa ng texto.

                 Ipabasa sa paraang dugtungang kwento.




BSE-Kagawaran ng Edukasyon                                                    399
      E. Pagbubuod ng binasang texto.


                CONFUCIUS, DAKILANG PILOSOPONG TSINO
          “Huwag mong gawin sa kapwa mo ang ayaw mong gawin sa iyo.”

     Ito ang inilahad sa isang bahagi ng aklat ni Confucius, isang pilosopong Tsino,
sa isang bahagi ng kanyang aklat na “Gintong Aral.”

       Nagsimula siyang magturo sa gulang na 22 at naglingkod sa pamahalaan
subalit dahil sa hindi magandang pamumuno napilitan siyang tumiwalag dito. Para
sa kanya ang unang dapat gawin ng pinuno ay magpakita ng mga halimbawa
sapagkat kailangan bilang pinuno ay magtaglay ng sumusunod na katangian.
Karangalan, pagiging makatwiran, katapatan, at pagmamahal sa kapwa’t utang na
loob.

       Ayon pa rin sa kanya “kung ang pinuno ay mabuti, lahat ay magiging maayos
kahit walang nag-utos. Kung siya ay hindi mabuti, hindi siya susundin kahit mag-
utos.”

       Hindi lamang sa pampulitikang aspeto nagbigay ng magandang pilosopiya at
kaisipan si Confucius bagkus sa lahat ng pamumuhay ng tao na dapat niyang
lakaran at patnubay sa buhay.

       Naririto ang ilan sa kanyang kaisipan na naging gabay ng mga Tsino sa
kanilang pamumuhay sa “Gintong Aklat.”

         Paggalang sa Magulang

            Kung walang paggalang ang isang tao sa kanyang mga magulang,
      ano pa ang pagkakaiba niya sa isang hayop?

         Buhay at Kamatayan

           Kung hindi pa natin          nauunawaan     ang   buhay,   paano    natin
      mauunawaan ang kamatayan?

         Mabuting Pamahalaan

           Ang unang tungkulin ng isang pinuno ay ang magpakita ng
      magandang halimbawa.

         Kahinahunan



400                                               BSE-Kagawaran ng Edukasyon
             Ang susi ng lahat ng kaisipan ay ang timbang na panloob na kabutihan
      at panlabas na kagandahan ng ugali.

       Utang ng mga Tsino ang sistemang etiko-politikal kung saan itinuro ang
pagiging huwaran ng namumuno upang sundin. Siya ay guro, tagahubog ng diwa at
karakter ng mga tao. Bagaman hindi siya nagtagumpay sa layuning magkaroon ng
puwang sa pulitika. Ang kaisipang unibersal ng jin. Ito ay nakatulong sa pagiging
makatao, kagandahang-loob at ganap na kabutihan na naging batayan ng pananalig
ng Tsino na dapat maging panuntunan ng lahat.

      Kung susuriin ang mga pilosopiyang inilahad mas makabubuting ito’y maging
panuntunan ng lahat upang ang mundo ay maging maayos at mapayapa.


            Lubusang kilalanin si Confucius sa pamamagitan ng mga sumusunod
            na nakatalang deskripisyon.



              Pangalan                  :

              Nasyonalidad              :

              Pangunahing Katangian     :

              Kakayahang Pangkaisipan :

              Hanapbuhay o Gawain       :

              Mga Paniniwala sa Buhay :

              Kalagayan sa Buhay        :

              Aral na Naiwan            :




BSE-Kagawaran ng Edukasyon                                                   401
      PAGTALAKAY SA ARALIN

      IKALAWANG ARAW

      A. Panimulang Gawain

         Pagganyak : Ipaliwanag ang kahulugan ng pilosopiya ni Confucius at
                     magbigay ng reaksyon.


         Pilosopiya                                Reaksyon


                Kung ang pinuno ay mabuti, lahat
         ay magiging maayos kahit walang nag-
         uutos.


              Kung hindi siya mabuti hindi siya
         susundin kahit mag-utos.


      B. Ipabasa ang texto ng guro. Papiliin ang mga mag-aaral ng mga salita
         o parirala o pangungusap na hindi maunawaan batay rin sa
         pagkagamit nito sa texto.

      C. Pagpapakahulugan sa mga salita, parirala o pangungusap na hindi
         maunawaan batay na rin sa pagkagamit nito sa texto sa paraang
         klino (paghahanay ng pataas o patinding kahulugan.


                                                              poot

                                                      galit

                                           paghihimagsik

                               hinanakit

                      inis

       sama ng loob
       (Punong salita




402                                           BSE-Kagawaran ng Edukasyon
     D. Pagpapalalim ng kaalaman.

       Papangkatin ang mga mag-aaral sa anim. Magkakaroon ng bahaginan
       batay sa mga sumusunod na istratehiya.

          Pangkat 1 at 2 : Pagpapaliwanag ng mga impormasyon batay sa texto.


                             CONFUCIUS




                             PILOSOPIYA




           Buhay              Pamahalaan             Lipunan


          Pangkat 3 at 4 : Pagbuo ng mga kaisipan hango sa texto at
                          pagpapaliawanag ng mga ito.


                KAISIPAN                         PALIWANAG




BSE-Kagawaran ng Edukasyon                                              403
           Pangkat 5 at 6 : Piliin ang pilosopiya sa buhay at ibigay ang reaksyon
                                ukol dito.


                PILOSOPIYA                           REAKSYON




      E. Pagbabahagi sa klase ng kinalabasan ng pangkatang talakayan.

      F. Pagbubuo ng sintesis.

        Discussion Web – sumasang-ayon ka ba o hindi sumasang-ayon sa mga
                          sumusunod na paksa


          Sang-ayon                  Paksa                  Di-sang-ayon


                         PILOSOPIYA

                         Akayin ang tao sa batas at
                         kontrahin sa pamamagitan ng
                         pagpaparusa.




404                                             BSE-Kagawaran ng Edukasyon
      IKATLONG ARAW

      A. Panimulang Gawain

         Pagganyak :

         Sa pamamagitan ng survey sa T.V. ng Alas Singko Y Medya o Unang
         Hirit.


             Sang-ayon                Survey              Di-sang-ayon




               Sumasang-ayon ba kayo o hindi sa paksang inilahad sa survey?

      B. Pagpapabasa ng kaugnay na texto.


                PAGMAMAHAL AT PAGGALANG SA MAGULANG
       Ayon kay Confucius, isang tungkulin ng anak ang mahalin at igalang ang
kanyang mga magulang. Ang pagmamahal sa magulang ay kailangang laging buhay
at taglay ng isang anak. Ang sumusunod ay ilan sa kanyang aral tungkol sa
pagmamahal sa kanyang mga magulang.

      “Kung ang iyong ama ay nabubuhay pa, pansinin mo ang kanilang mga kilos
at gawi, kayo ay mapagmahal na anak.”

        “Huwag saktan ang damdamin ng inyong mga magulang.” Paglingkuran sila
ng naaayon sa mga kautusan at mabuting asal kung sila’y buhay. Ibigay rin naman
sa kanila ang mga karapatang naaayon sa mga kautusan at mabuting gawi kung
sila’y mamatay.

       “Kailangang malaman natin ang gulang ng iyong mga magulang.” Ang
kanilang katandaan ay nakapagbibigay ng tuwa at aliw bagaman nagdudulot din
naman ito ng kalungkutan.




BSE-Kagawaran ng Edukasyon                                                 405
      “Ang pagtutol nang mahusay ay isang mabuting gabay na magagawa ninyo
para sa inyong mga magulang.” Kung mapansin ninyo na ayaw nilang sundin ang
inyong mga payo o kuru-kuro mapitagan pa rin kayo higit pa kayong magsumikap at
huwag kayong magsalita nang laban sa kanila.


           Mga Gabay na Tanong :

                 Anong damdamin ang namayani sa inyo pagkatapos mabasa ang
                  texto? Patunayan.

                 Anong mensahe ang nais ipabatid ng sumulat sa mambabasa?

                 Nahikayat ka ba sa opinyong nais ipabatid ng sumulat?

      C. Pagbibigay ng input ng guro ukol sa tono at uri ng texto.



      Tono ng Texto

             Tumutukoy sa damdamin at kilos na naghari sa texto. Maaaring
      ang texto ay nanlilibak, malungkot, nagagalit, masaya, o kaya naman ay
      mabilis, mabagal, papataas o pababa.

             Makikilala ang mga ito sa pamamagitan ng pagsusuri sa mga tiyak
      na salitang ginamit ng manunulat.




      Textong Argumentativ (Persweysiv)

             Ang textong Argumentativ – nagbibigay rin ng impormasyon at
      interpretasyon na ang tanging layunin ay hikayatin ang mambabasa
      upang pumanig sa kanyang ideya o paniniwala.



      D.    Muling pagbabalik sa lunsarang texto (Confucius, Dakilang
           Pilosopong Tsino) at ipasuri ayon sa layon at uri ng texto sa paraang
           pangkatan.




406                                               BSE-Kagawaran ng Edukasyon
        Pangkat 1 at 2 : Anong damdamin ang nangingibabaw sa texto?


       Damdamin              Paliwanag              Pagtukoy sa Bahagi




        Pangkat 3 at 4 :              TEXTO




                                                                 Layunin
               URI
                                       Paraan ng
                                      may akda sa
                                        pagsulat


              Malinaw ba ang damdaming nais ipahayag ng sumulat?

              Nahikayat ba kayo sa inilahad ng kaisipan ng may-akda?

              Bakit tinatawag na argumentativ ang textong tinalakay?

              Magbigay ng patunay.

     E. Pagbabahaginan ng ginawang pagsusuri ng mag-aaral.

     F. Pagbibigay ng feedback sa narinig na pag-uulat.

              Malinaw ba ang naging talakayan sa pag-uulat na isinagawa?

              May mga impormasyon bang hindi naitala o nabanggit sa pag-
               uulat?




BSE-Kagawaran ng Edukasyon                                                  407
      G. Pagbubuo ng sintesis

              Bakit kailangang     marunong    tayong   sumulat   ng   textong
               argumentativ?

              Ano ang kahalagahan nito upang maipahayag natin ang ating
               damdamin?

      PAGSUSURING GRAMATIKAL

      IKAAPAT NA ARAW

      A. Panimulang Gawain

        Pagganyak :

        Sitwasyunal : Paano mo bibigyan ng solusyon ang mga sumusunod na
                     sitwasyon?

           1. Pagbagsak ng ating turismo.

           2. Pagtaas ng krimen sa ating paligid.

           3. Kawalang-galang ng mga kabataan sa kulturang Pilipino.

      B. Pagbibigay ng guro ng kailangang input upang makilala at magamit
         ang mga salita/pangungusap na nagpapakilala ng alternatibong
         solusyon.

               Salita/Pangungusap na nagpapakilala ng alternatibong solusyon
        – ito ay ang mga sasagot sa tanong na paano masosolusyonan ang
        isang suliranin.

              Maaaring gamitn ang mga sumusunod na pahayag sa
        pagbibigay ng alternatibong solusyon.

                  Makabubuti siguro
                  Higit na mainam kung
                  Ganito ang dapat gawin
                  Kailangan
                  Dapat
                  Una mong dapat gawin
                  Makabubuting
                  Makatutulong nang malaki
                  Dapat ay ganito ang gawin

408                                             BSE-Kagawaran ng Edukasyon
     C. Muling pagpapabasa sa textong lunsaran Confucius, Dakilang
        Pilosopong Tsino.

     D. Pagsusuri ng mga salita/pangungusap na nagpapakilala              ng
        alternatibong solusyon (Pangkatan) sa tulong ng Word Listing.



                                 Alternatibong
                                   Solusyon




                 Salita           Parirala           Pangungusap



     E. Pagpapalalim sa paksa batay sa sumusunod na tanong :

             Sa palagay ninyo, epektibo ba ang paggamit ng mga
              salita/pangungusap na nagpapakilala ng alternatibong solusyon?

             Sa palagay ninyo, kailangan pa ba ang kaalaman sa paggamit ng
              mga salita/pangungusap na nagpapakilala ng alternatibong
              solusyon sa pagbuo ng textong argumentativ?

     F. Pagbuo ng sintesis batay sa paksang pinag-usapan.

             Paano nakatutulong ang pagpapakilala ng alternatibong salita sa
              pangungusap upang makabuo ng solusyon sa isang suliranin?




BSE-Kagawaran ng Edukasyon                                               409
IV.   EVALWASYON

      IKALIMANG ARAW

         A. Panimulang Gawain

            Pagganyak : Magpakita ng larawan ni Mohandas Ghandi at
                       pasagutan ang tala sa ibaba.



             Alam Na            Gustong Malaman           Nalaman Na




      B. Pagbabasa isa pang halimbawa ng textong argumentativ “GANDHI
         AMA NG DEMOKARASYANG INDIA.”


                          GANDHI, KAMPEON NG MASA
      Kung ang bansang India ang mababanggit sa kasaysayan, hindi maaaring di-
mabanggit ang pangalang Mohandas Kapramchand Gandhi sapagkat gumanap siya
ng napakahalagang bahagi ng kalayaan ng India sa pamamagitan ng paraang
passive resistance.

      Naniniwala si Gandhi na ang lakas ng kaluluwa (Ahimsa) ay malaking
puwersa laban sa mga kaaway. Para sa kanya, higit na mainam na lumaban sa
matahimik na paraan sapagkat kung sasaktan sila ng mga kolonyalista, ang mga ito
ay hindi patutulugin ng kanilang konsensya hanggang mapagtanto nila na masama
ang kanilang ginagawa at sila ay magbago.

      Nang panahong iyon ay magulo sa India. Kabilang ang mga karahasan at
kaguluhan. Umabot sa 400 ang namatay at 1,200 ang nasugatan sa mga Hindu,
sapagkat tinututulan nila ang hindi makatarungang pagbubuwis.




410                                             BSE-Kagawaran ng Edukasyon
     Bilang kinikilalang pinuno ng panahong iyon nais ni Gandhi na mapigil na ang
pagdanak ng dugo. Nag-umpisa siyang magpinitensya at hindi kumain ng maraming
araw dahil para sa kanya sa ganitong paraan lamang malalabanan ang mga
mapaniil na Britanya.

       Dahil sa kanyang ipinaglaban, maraming Hindu ang nagmartsa sa lansangan.
Ang mga Ingles ay nagkaroon ng takot sa maaaring ibunga ng pangyayaring ito.
Maaaring magdulot ito ng higit pang kaguluhan. Kaya minabuti ng 300 pinunong
Ingles na magbitiw sa tungkulin. Nawalan ng saysay ang batas ng mga Ingles sa
asian.

     Ang mga pangyayaring ito ang gumising sa buong bansa upang tularan ang
mga panuntunang ginawa ni Gandhi.

      Bilang pagpupugay sa kanyang kabayanihan siya ay tinaguriang “Ama ng
Masa” ng buong daigdig dahil sa di-matatawaran niyang ambag sa kasaysayan.


      C. Pagsusuri sa binasang texto batay sa salita/pangungusap na
         nagpapakilala ng alternatibong solusyon.

      D. Pagpapasulat ng textong argumentativ sa tulong ng ibinigay na
         pamagat. Bago sumulat, pabubuin muna ng guro ng angkop na mga
         salita/pangungusap ang mga mag-aaral.


                               PAMAGAT

                                  simula

                                 katawan

                                  wakas



      E. Pagpapahalaga sa sinulat ng mga mag-aaral sa pamamagitan ng
         pagbasa.




BSE-Kagawaran ng Edukasyon                                                   411
      F. Pagbibigay ng faynal na input tungkol sa tinalakay na aralin.


               PAGMAMAHAL AT PAGGALANG SA MAGULANG
       Ayon kay Confucius, isang tungkulin ng anak ang mahalin at igalang ang
kanyang mga magulang. Ang pagmamahal sa magulang ay kailangang laging buhay
at taglay ng isang anak. Ang sumusunod ay ilan sa kanyang aral tungkol sa
pagmamahal sa kanyang mga magulang.

      “Kung ang iyong ama ay nabubuhay pa, pansinin mo ang kanilang mga kilos
at gawi, kayo ay mapagmahal na anak.”

        “Huwag saktan ang damdamin ng inyong mga magulang.” Paglingkuran sila
ng naaayon sa mga kautusan at mabuting asal kung sila’y buhay. Ibigay rin naman
sa kanila ang mga karapatang naaayon sa mga kautusan at mabuting gawi kung
sila’y mamatay.

       “Kailangang malaman natin ang gulang ng iyong mga magulang.” Ang
kanilang katandaan ay nakapagbibigay ng tuwa at aliw bagaman nagdudulot din
naman ito ng kalungkutan.

      “Ang pagtutol nang mahusay ay isang mabuting gabay na magagawa ninyo
para sa inyong mga magulang.” Kung mapansin ninyo na ayaw nilang sundin ang
inyong mga payo o kuru-kuro, maging mapitagan pa rin kayo at higit pa kayong
magsumikap at huwag kayong magsalita nang laban sa kanila.




412                                            BSE-Kagawaran ng Edukasyon

								
To top