LESSON: JIS KI MEHNAT USKI JEET (ABOUT DEPUTY NAZEER AHMED)

Document Sample
LESSON: JIS KI MEHNAT USKI JEET (ABOUT DEPUTY NAZEER AHMED) Powered By Docstoc
					  LESSON: JIS KI MEHNAT USKI JEET (ABOUT
         DEPUTY NAZEER AHMED)

                  DAILY LESSON PLAN

INSTRUCTIONAL LESSON
Name of Topic :    Jis ki Mehnat Uski Jeet (Lesson)

Class :            V

Subject:           Urdu

Teacher Name :     Rizwana Abbasi

Date :             02 July 2011
     TOPIC BACKGROUND
 (i) IBTIDAI HALAT:
  Molvi Nazeer Ahmed (1830-1912) Molviyoum or Muftiyoun Ke aik
     Mazhabi khandan ma Bajnor (uttar Berdesh) mai, molvi Saadat Ali Khan
     ka Ghar Peda hoa.

  Ibtidai Taleem Arabi ki, molvi Abdul Khaliq se masjid orangabad (Dehli)
   ma hasil ki phir 1846-1853 tak Dehli College ma advance urdu, Arabi
   adab, Farsi or Riazi (Maths) ki taleem hasil ki.


(ii) PAS MANZAR
 Shamsul-Ulema, Deputy Molvi Nazeer Ahmed Dehlvi, Urdu adab ke pehla
     novel nigar, adeeb, Naqqad, Mazhabi Scholar, Qanoondan or Maqsadi-o-
     Islahi novel nigari ke mojid tha.

 Unho na musalmano khasosan aurton ke taleem or iqhlaqi islah ke lye
  Mara-ul-uroos, Ayyamah, Tauba-tun-Nasoh, Binat-ul-Naash, Fasana-e-
  Mubtala, Ibnul Waqt, Ruya-e-Sadiqah jese novel likha or eske elawa Quran
  Pak ka Ba’mahavra Tarjuma or Tazerat-e-hind Samet unki Beshumar
  Mazhabi Tasanef mojood han.
THEORY : (KHASOSIYAT)

 Nazeer Ahmed ne Maqsadi-o-Islahi novel likh kr zawal pazeer muslim
  Moashre ko Taraqqi ki rah pe gamzan kya.

 “Adab Barai-e-Khawateen” ki bunyad rakh ke aurton ki taleem-o-tarbiyat
  ki rahaen hamwar ken.

 Ap ne apna qalam ke zarye Angrezy zaban or jaded Taleem hasil karne,
  or Beja Rasm-o-Rivaj se rokne ki mohem chala kr musalmano ko
  zamane ke shana-ba-shana chalne ke gur sikhaya.

 Maqsadiyat, Ikhlaqiyat ki taleem, Ma’ashree ki sachi tasveer, Bamahavra
  zabanor purjosh-o-purzor Andaz-e-bayan ne apko itna buland muqam
  ata kya ke ajj bhi Pak-o-Hind ke nisab-e-taleem ma Nazeer Ahmed ke
  novel parhaie jate hn.
EFFECT (ASRAAT)

 Apki maqsadi novels ke zarya di gai taleem-o-tarbiyat ne muslmano ki aisi
  zehni islah ki ke muslmano ki kaya palat gai, unhe jeena ka maqsad
  nazar aane laga. eski aik roshan messal Hasool-e-Pakistan ki jaddo-
  johad he.

 Nazeer sahab ke novel ke zarya muslim mo’ashre ma aurton ki taleem ka
  jazba bedar hoa or ye shaoor bedar hoa ke aurton ki taleem he
  mo’ashree ma masbat tabdeli la sakti he.
CONCLUSION : (HURFE-AAKHIR)
 Nazeer Ahmed ki Adabi-o-qomi khidmat ka daira boht wasi he. unho ne
  Baik-waqt Mazhab, Qanoon, Novel, Tareekh (History) Seerat, Ikhlaq,
  Siyasat or Khitabat ma apne johar dekhai or mustaqil noiyat ke asrat
  choree. Sir syed ne jis tahreek ka Beej boya Nazeer Ahmed ne us Islahi
  Tehreek ko gharon ke andar tak pohanchaya.

 Deputy Nazeer Ahmed ke bare ma ye kehna sahi hoga ke

       HAZAROON SAAL NARGIS APNI BENORI PE ROTI HA
       BARI MUSHKIL SA HOTA HA CHAMAN MA DEDAWAR PAIDA
                                 QUIZ
1.   Urdu ke pehle novel nigar ka naam ___________ he.

2.   Deputy Nazeer Ahmed ka pehla novel konsa he.
     a. Tauba-tun-Nasuh
     b. Marat-ul-Uroos
     c. Ibn-ul-Waqat
     d. Roya-e-Sadiqa

3.   Marat-ul-Uroos ka matlab he “Kuch nasihaten”
           Sahi
           Ghalat

4.   Angrez hukumrano ne Nazeer Ahmed ko __________ ka Khitab Dya.

5.   Larkon ki Islah ke Lye Nazeer Ahmed ne “Chand Pand” kitab likhi.
            Sahi

            Ghalat
6.    Noval ‘Marat-ul-Uroos ma ___________ bohat Tamezdar, Saliqamand
      or Ba-Ikhlaq thi.

7.    Sabaq “Jis ki Mehnat uski jeet” ma ___________ Baat Baat pr farmaish
      karta, Zid karta lekin parhai ma dil na lagata.

8.    Nazeer Ahmed ne muslim nojawano ko hidayat ki thi ke agar Taraqqi
      ke medan ma aage barhna he to __________ Zaban zaror seekho.
      a. Farsi        b. Arabi
      c. Angrezi      d. Hindi

9.    Deputy Nazeer Ahmed ___________ (year) ma intiqal kr gai.
      a. 1901         b. 1905
      c. 1912         d. 1920

10.   Sir Syed Ahmed khan jab bare bare jalse karte to Deputy Nazeer
      Ahmed ko zaroor Khitab Karna ke lye bulate.
            Sahi

            Ghalat
                  WEEKLY ACTION PLAN

Name of Topic :     Sabaq “Jis ki Mehnat Uski Jeet”
                    (about “Deputy Nazeer Ahmed”)

Teacher’s Name:     Rizwana Abbasi

Institute:          DA Public School (O&A Levels)

Subject:            Urdu

Class :             V
LONG TERM GOAL

 Pora saal Nisab ke mutabiq di gai taleem or Tariqa-e-Taleem ne Students
  ke ander kitni ilmi qabliyat peda ki, es baat ka andaza saal me 2 dafa “Mid
  term Exam” or “Final Exam” le ke lagaya jai ga ta ke Tulba ki Kamzoriyon
  ko Janch kr unhe dor karne ki koshish ki ja sake or Tulba ma bhi Parhai
  ka shok roz-ba-roz farogh pai.
SHORT TERM GOAL

 Tulba Ki Parhai Ma Dilchaspi Barhane or ilmi Qabliyat ma din-ba-din izafa
  karne ke lya tulba se jo kuch Parhaya ja chuka ho ga us ke bare ma
  Zubani-o-Tehreree test lye jai ge or her mahene ke ikhtitam per mahana
  test bhe lya jai ge, ta ke tulba na sirf nisab ke mutabik samajh len or yaad
  kr len bulke unhe yaad rakh ke ammali zindagi ma bhe unse faida uthain.
INSTRUCTIONAL STRATEGIES AND TASKS
 Dorane tadrees meri ye awwalen koshish rahe gi ke tulba ko zyada se
  zyada swalat kerne ka moqa farahum kya jai.
 Tulba ke kye gai sawalat ka unki zehni salahiyat ke mutabik jawab dya
  jai ga.
 Class ma group discussion karwai jai gi ta ke tulba ma shoq peda ho.
 Tulba ke banai gai groups ko tabdel (change) bhi kya jai ga ta ke unki
  malomat me khatir khoa izafa ho.
 Tulba ko ye bhi moqa dya jai ga ke lesson ma se koe bhi sawal karen jin
  ka baqi tulba ma se koe aik jawab da ga.
      SOLUTIONS TO ANTICIPATED CHALLENGES
a. Kuch students aisa hon ga jin ko group   a. Ma aise Students ko alag betha ke
discussion se lesson samjh na aai           dobara unki zehni sata ke mutabik
                                            samjhaongi.

b. Kuch Waldain mere Tariqa-e-              b. Ma aise walden ko P.T.M ma apne
Tadrees se Ikhtilaf bhe ker sakte hain      naie (new) tariqa-e-tadrees se agah
                                            ker ke unhe satisfy karongi, or unke
                                            problems ko solve karon gi.
c. Mere Pas apna Computer mojod             c. Ma school ma mojood Computer
nahi ha.                                    lab ja kar ya kisi friend ka computer
                                            se nisab ma mojood Asbaq ke bare
                                            ma khatir khoa malomat hasil karon
                                            gi.
d. Meri Section inchagre agar mere    d. Ma Section Incharge ka sath
tariqa-e-tadrees ko behtar na samjhen meeting karke apne nuqta-e-nazar ko
ya kisi mamle ma Ikhtilaf kare.       wazeh karon gi or apni kamzori ko dor
                                      karon gi.
                             NEWS LETTER
ES HAFTE CLASS MA PARHAIE JANE         AGLE HAFTE CLASS MA PARHAIE
    WALE MOZO-AAT (TOPICS)             JANE WALE MOZO-AAT (TOPICS)

a. Sabaq jis ki mehnat uski jeet ki   a. Sabaq “Jis ki Mehnat uski Jeet” ke
buland khoani karwai jai gi.          mutabik sawalat dye jain ge phir tulba
                                      unke jawabat tehreet karenge.
b. Sabaq ma mojood mushkil alfaz ka   b. Tulba ko sabaq ma mojood mushkil
matlab tulba ko samjhaya jai ga.      Alfaz dye jainge jin ke tulba maine
                                      (meaning) likhen ge.
c. Tamam Tulba se buland khoani       c. Sabaq ma mojood kisi aik
karwai jai gi or unki ghaltiyon ko    paragraph ka “imla” lya jaiga.
durust kya jai ga.
d. Tulba se zubani sawalat kye jainge. d. Sabaq ma mojood kuch alfaz ka
                                       jumle (Sentences) tulba khud tehreer
                                       karenge.
e. Group discussion lesson ke bare
ma hogi.
  TIME LINE
Sabaq: Jiski Mehnat uski Jeet       Sabaq: “Liaqat Ali khan
              +                                +
  Mazmoon Navisi, Kahani            Mahavrat, Maini, Jumle
   Navisi, Tasveri Kahani          Tarjuma Navisi, Mukalma
                                     Navisi, Wahid Jama
               NOVEMBER
                                                   MARCH



SEPTEMBER                           JANUARY
Nazam: Chalo Chalen Scout Banen       Nazam: Qoomi Tarana
                +                               +
 Wahid Jama, Alfaz Mutazad, Khat    Muzakkar Moannus, Turjuma
     Navisi, Mahawrat+jumla          Navisi, Mazmoon Navisi,
                                         Mukalma Navisi
RESOURCES (ZARAIE)

1.   Internet

2.   Word Processing, Multimedia & Spread Sheets

3.   Ghair Nisabi Kutub

4.   Intel ® Teach program getting started course manual

5.   Urdu ke Dosra Asataza Karaam

6.   Akhbarat (News Paper) , Rasail

				
DOCUMENT INFO
Shared By:
Categories:
Tags:
Stats:
views:142
posted:2/16/2012
language:
pages:20
rH9YB1 rH9YB1
About