Episode 1

EKKOMERA

ERIGGULE



Omuzannyo gwoku Radio ogulaga engeri abakyala gyebeenyigidde mu kuteeka

munkola etteeka lyolukiiko ttaba miruka olwa mawanga amagatte nnamba 1325

erikwata ku ddembe n’obukuumi.









Gwategekebwa:



International Women’s Tribune Centre







Abawandiisi: Stephen Eriaku

Bearice Birungi

Lucy Orech

Joan Akubu







1

ACT 1





Episode 1: MUBUGUBI









2

Abazannyi:



Lucy Akello : Munnateeka atikkirwa

Yoramu Oduladebe: Taata wa Akello

Opungor: Mulirwana wa Oduladebe

Tereza: Maama wa Akello

Eseza: Mukwano gwa Tereza

Shaban Odungkara: Omusiramu naggagga mu Lira

Juma: Mukwano gwa Odongkara

Peter Ochen: Munnamateka mu Lira

Betty: Mukyala wa mukwano gwa

Opungor.

Ikasa : Muwala wa Eseza

Handsome: Kalabaalaba wemikolo.

Reverend Max: Omubuulizi wekisomesa

Mikwano gya OPungor

Abantu









3

SCENE 1: AMATIKKIRA, MUMAKA GA ODULADEBE

Fx: (Obuyimba obwe kimpowoze buwulirwa abantu abali mu mbeera yemikolo

beenyumiriza emboozi zaabwe mpola mpola nga bwebasekamu noluusi

okwongeza ku maloboozi. Ezimu kumboozi ziyitamu nnyo .

Opungor ne banne banyumya kungeri opungor gyeyayambamu Akello okusoma .

Obuyimba bugenda buggwekerera mpola mpola.



Opungor: Naye mumazima ddala baanange omuwala wa Oduladdebbe ono nze

musomesezza okumalako emisomogye. Senga saamuwola bukadde bubiri obwali

bubulayo mu lusoma luno olusemmbyeyo, yali asazeewo omuwala atuule ppaka

lwe balifuna ensimbi. Mpulira ngannakola kinene nyo ate Oduladebe nebwabera

nga alemerwedwa okunsasula, nsobola okugumikiriza omuwala nansasula mpola

ebitundundu kumusala gwe .



Mukwano gwa Opungor asooka: (Amulya ekirimi nga bwamusaagisa) ob’osobola

okuzirekayo n’obeera ng’osasude eby’obuko, n’omwetwalira nga mukazi wo

ow’okusatu.



Fx: Bonna baseka,



Mukwano gwa Opungor ow’okubiri. Ye Opungor, ate ddala mubutuufu ye omu kubawala

abalungi benali ndabye n’olwekyo tekijja kuba kibi, eeee Opungor…. eeee

(amusomooza) osobola kutwala Akello nga mukazi wo ow’okusatu kasita kitaawe

alemererwa okusasula , ee…



Mukwano gwa Opungar asoooka: (Amusoomooza) ha.. leero gwe partrick, abawala olowooza

baloowooze, n’oyo Betty gwewakawasa akyali mulungi gy’oli, Gwe tolaba nti

owezezza emyaka ana mwesatu!



Fx: Enseko zeeyongera :



Naye muli batuufu Akello oyo mubutuufu afaannana bulungi ng’ogyeko

eby’okuttikkriwa mu bya mateeeka.

Oduladdebe mubutuufu alina omukisa katumusabire afune omusajja omulungi

ow’okumuwasa ………………..



Fx: (Alaga nti akkirizza era enseko zigenda mumaaso ng’obuyimba bugenda

buggwekerera mpolampola. Akazindaalo kawulirwa nga kalaga ng’amaloboozi

agali ebweru w’effumbiro abakyala nga bategeka eby’okulya by’omukolo nga

amasowaani, ewuma, amaseffuliya ku muliro biwulirwa.)



Eseza: (Muddoboozi eriyomba ng’ayogera ku by’effumbiro ate abakyala abalala nga bagende

mumaaso n’okunyumya biwulirwa). Naye Kasa kiki kyembadde nkusomesa

emyaka gino gyonna? Kati owezezza emyaka kuminamunaana oli mu siniya

yakusatu naye era tomanyi kufumba woo…… N’ebyo kusomero bikulemye kati





4

olaba Akello? Olaba kyeyefudde? Nga abonyebonye okutuuka awo! Waali kati

(ayogera mu kaama ) Kale ekijjulo kino kikye yekka. Okitegeera? Naawe

osobola okutuuka kukino muwala wange .



Betty: Ye mmwe abawala, temulaba ngaffe ba nyammwe tukola kalogoyi? Munnimiro ne

mubutale naffe tubaweerere wamu n’abaana abalenzi? Temumanyi nti tubaagaliza

nammwe okutuuka ku kino? Ffe bakitaffe baasomesangako bakojjammwe

bokka…………



Eseza: {Amulya ekimuli nga bwagereesa)

Haa era kati mulabe abamu bakojjamwe kyebali kati. Egwanga yemutamiivu

omukuukutivu kukyalo kuno(baseka), Otoa ye mukuumi w’ebisolo mukibuga

kino …………



Betty: (Amusala ekirimi) Ogamba ono omulaalo w’ente z’ekyalo kino?



Fx: (Enseko zeyongera okuva mubakyala zigenda ziggweerera )



Handsome: Bassebo nebannyabo mumpulirizeeko katono(Emboozi ziggwekerera n’obuyimba

bugwekerera ) Mwebale nnyo bassebo nebanyabo kantwale omukisa guno

okubeeyanjulira nga nze kalabaalaba w’omukolo guno omukulu

bweguti.Mpitibwa (akolola ngatereeza omumiro) Mr. handsome Okello (enseko)

Nedda kino nkitegeeza, osobole okubuuza maama wange: Nazalibwa nga ndi

mubi nnyo ssebbijjo kale maama wange olwokwagala okunzizaamu amaanyi

yantuuma erinnya eryo Handsome Naye nga bwe mundaba wano (atereeza

eddoboozi) ndowooza teyali mukyamu ee abakyala? Ee (ensekong’abakyala

abamu balekaanira waggulu nti Waapi ngeno bwebaseka (akasiriikirilo)

Mbanirizzannyo ku matikkira ga naabakyala waffe Lucky Akello (engalo

n’obuluulu) Akaseera kano omutikkire atutuukako nga ava mu saluuni jeyagenze

okwegogola alyoke ayake(Amaloboozi agaleekaana agalaga nti Akello atuuse Era

bassebo nebannyabo wuuyo atuuse okuva kulussozi Makerere university

Munnegatteko tumwanirize ffenna(obuyimba busebemgerera mpola mpola )

Nabakyala asirikamu Lucky alinnyisa eddoboozi Akelloooooo!! DJ tukubire

akayiba akamwaniriza owekitiibwa Nabakyala on ye CHOGM waffe olwaleero

abeemikwano (enseko n’obuluulu) Muyimirire tumusseemu ekitibwa Nabakyala

wa Lira wuuyo owekitiibwa twwesimye okulaba olwaleero (enseko) Basasebo ne

bannyabo kati tutuuleko nga Nabakyala bwamaze okutuula mubitiibwa (enseko)

amaloboozi g’abnyumya ( akasiriikirriro kabaantu bakakkana

Era kaakati njagala okuyita mu Rev. Max njagala okuyita katonda okubeera wo

kumukolo guno era akulembere omukolo guno era agobe omulabe setaani okuva

mumbuto zaffe (enseko entonotono ).



Rev. Max: Abantu ba katonda Haleluyaaaaaaaa!!!



Abantu: Aminaaaaaaaaaaa!!!!Rev. Max: Eee yeee, ekyo kye kyokulwanyisa ekisooka

okugoba omulabe (enseko entonotono ) Nga ssinnasaba munzikirize nsooke







5

njogereko eri omu gole waffe katono .eeeeeeeeee………eeera Nabakyala Lucky

Akello (enseko) Nabakyala wamu nabazadde baffe mbadde mbalaba nga balwana

olutalo olunene okulaba bnga bafuula Akello omuwanguzi . Olwaleero neebaza

Katonda nti kitukiridde.

Katusabe Mukama Katonda kitaffe ali waggulu, tukwebaza olw’olunaku luno

tukusaba owe omukisa eri byonna ebinaakolebwa leero Tuweereze omwoyogwo

omutukuvuvu leero ne bulijjo Akello muwe omulimu omulungi ate n’amaka

agage kububwe ate mukama katonda waffe n’ebyokulya byetugeenda okulya

obiwe omukisa, Abamu balina emmere naye tebasobola ku girya abalala baagala

ekyokulya naye tebakilina Mukamama ffe tukwebaza kubanga byombi tubilina.

Bino byonna tubikusabye mulinnya lya yusu mukama waffe, aminaaaaaaaaa.



Handsome: Webale nnyo Rev. Max olw’essaala eyo ennungi . Mukiseeera kino kampite DJ

atusanyuseemu n’oluyibmba oulungi nga bwetunywamu n’oluvannyuma taata wa

Nabakyala anayogerako gyetuli.



Fx: (Akayimba kawulirwa, Amacupa n’amagiraasi gakubagana, akayimba

kaggwekerera ng’Oduladebbe bw’akuba ku kazindalo ayogera.



Oduladebbe: ( Kukazindaalo) Bassebo ne bannyabo, nze muntu akyasinze okuba omusanyufu

mu Uganda yonna olwaleero era mubutuufu nze ntikiddwa olwaleero! Nabakyala

wange ate ngamuwala wange asaaga busaazi (enseko entonotono) . Nsanyuse

okubalaba mu maka gange ngatujaguza obuwanguzi bwetutuseeko . kino

nkyogera kubanga kubadde kugatta maanyi Akello wange era nabakyala wa

Africa okusobola okumaliriza emisomo gye , banange ngatuvudde wala!

Nzijukira bwetubaddenga kyenkana tetulina mmere kubuli ntandikwa yalusoma!

Mazima ebisale byessomero mbadde mbijja mukulanga miguwa , kuvuba

n’okutunda kubirime wamu nemmere …maama wa Akello Tereza …..

gwenjagala ennyo (enseko) naye abadde akola kabalagala ngatukunganya

obusente bwomwana oyo. Naye bwemutunulira kati sejjusa kubanga ndaba

ebibala byentuyo zaffe. Abantu abasinga bammalangamu amaanyi ngamperera

omwana naye bwemutunulako kati Nabakyala wa Africa ndabiraddala nga buli

muzadde asaanidde akikole, Bassebo nebannyabo, omwana omuwala wamugaso

ng’omwana ow’obulenzi , kale nabawala tufube tubawenga emikisa basome. Nze

ndowooza kyanyanguyira kubanga Lucy y’emwana yekka gweninna.

Ate mungeri eyenjawulo njagala okubanjulira mukwano gwange omugya mwami

Odongkara ate nokumwebaza olwokufuula omukolo guno ki kyeguli, ssebo

yimirirako abantu bakulabe (ayimirira era abantu bakuba engalo nessanyu.

Kanziremu nate okubaaniriza mwenna olwokujja , mukimanyi bulungi nti

omukolo ogutaliiko banno tegunyuma , Mwebale nnyo mwebalire ddala.



Fx: Obuluulu, engalo, okayimba akekimpowooze kawulirwa, emboozi zigenda

mumaaso, akazindaalo kasika ebyogerwa mukakukuulu ka Opungor n’emikwano

gye.



Mukwango gwa Opungor Asooka: Era Opungor, ono omusajja yeerabidde kyewamukolera!!







6

Mukwano gwa Opungor owokubiri: Yee, ate bwagambye nti (amugeegeenya mukusaaga) “

Kambanjulire mukwano gwange” mbadde ndowooza nti “ha ekiseera kyaffe

ekyokufuna kubitiibwa kituuse ! Muganda waffe bamwebazizza olw’obuyambi

obwekizadde bweyawaayo!” Naye nga nedda, bagamba ono odongkhara

kiswaza!!.



Mukwano gwa Opungor asooka: Yee…. Ate omanyi kyekitegeeza? Nti muganda waffe

yeefunidde omukazi omulala!! (baseka nnyo)



Opungor: (Aboggola n’obusungu bungi) Musirike mmwe; temulaba nti nnyomeddwa

nnyo!! (Akasirikiriro akamangu era abantu bonna bakyuka okuwuliriza,

nakayimba kakendeera nnyo naye nga era kawulirwa). Kyebava bagamba nti

kirungi okuyamba ente kubanga osobola okuginywamu amata oba okuyamba

embwa kubanga eboggola n’ekuwonya abalabe abakulumbye . naye abantu

abamu , obayamba naye tebasiima. (Nga alekanira waggulu) Oduladebe,

ogalinye gyegava, tosobola nakusiima obuyambi bwenakuwa okumalayo ebisala

byessomero bya muwalawo oyo omutali, nti era teyandisobodde kumalako senga

samuyamba? Kale enkya oteekwa okunsasula ate ngotaddemu n’amagoba

getwaakaanyako.



Fx: (Amaloboozi gawulirwa nga bulir omu ayogera kikye ku Opungor)

Era enkya kumaliiri nzijja, ntwale oba ttakalyo oba ako kawalako kemuuyita

(agereesa) ka nabakyala, kajja kufuuka kakazi kange ate nga kaddu.



Fx: (Alaaka, ngafuluma eno abantu nga bwebamuviira ayitewo , eddoboozi liwulirwa

nga abulirayo ewala) Oduladebe , gakulemye kutereka ku z’ofissiza kumukolo

ozimpe. Katulabe oba (agereesa) ono odongkara wammwe anabayamba eeee.









7

SCENE 2: AKANYOLAGANO KUMAKYA MUMAKA GA

ODULADEBE

Fx: Obunyonyi bw’okumakya bukaaba , ebigere by’omuntu atambula biwulirwa

ngabisembera, oluggi lukonkonwa n’amannyi.



Opungor: Koodi abeeno (ayongera okukonkona ennyo) Oduladebe , okyebase ? Era gwe

tojja kuwobna bwaavu Fuluma ompe sente zange.



Oduladebe: (Yeegayirira nga akayali munda) Opungor nkwegayiridde ebintu bikwate

bulungi.



Opungor: (Mubukambwe) Ogambye ki? Mbikwate bulungi!!? Mbikwate bulungi!!

(Eddoboozi nga lyabukambwe nnyo) Bwe.. bwe.. bwe nnali nfuba okulaba

muwalawo nti amala emisomogye, ani eyali abikwata obulungi? Aa

bwenagumikiriza omwaka oguwedde gwonna ngatonasasula ani eyali abikwata

obulungi? Kakati ofunye n’amanyi agangamba okukwata obulungi.



Fx: Oluggi luggulawo era lweggala nga oduladebe afuluma.



Oduladebe: Bambi Opungor, Nsonyiwa ku ebyo ebyabaddewo eggulo. Nabadde nentengero

nganjogera mu bantu nenneerabira n’erinnyalyo anti gwemulundi gwange

ogusoose okwogera kumukolo ogwekitiibwa. Naye munnange nasiima nnyo

byewankolera. Mpayo akadde akalala njakukusasula, omanyi ebya ssente leero

ziri wano enkya zikyalidde omulabewo.



Opungor: Ogambye ki? Kati ndimulabewo? N’enkuwola ssente n’ompita omulabewo , kati

kankulage omulabe kyali.



Fx: (Yekandagga n’obusungu ngagenda ku kasiisira ka Akello) Kantwale Akello

ewange okutuusa lw’ononsasula.





Tereza (Akaaba munnyumba ) Maaama, maama , yaaye, yaaye nedda, nedda , mwami

Opungor nkwegayiridde lindako lindako.



Fx: (Oluggi luggulawo , Tereza awulirwa ebigerebye ngafuluma bigere byerere

afukamirira Opungor)

Ssebo mwami Opungor, lowooza kukyogenda okukola, muwala wange Lucy

tomufuula kyabusubuzi. Mulowoozeko nga muwalawo, tubadde bamuliraano

okumala ebbanga ddene. Olunaku lwajjo kwabadde kwerabira bwerabizi tewali

yakigenderedde. Tuweeyo kubudde tujja kukusasula.



Opungor: Mukazi ggwe, eesh , jja amagalo ku mpale yage!! Balo ono nze gwennenya .

Nalowooza nti ebbanga lino lyetumaze ngatuli bamuliraano buli omu yandibadde

ategeera munne naye balo……….





8

Fx Oluggi metres nga mukaaga okuva webali luwulikika nga luggulawo. Akello

awulirwa nga afuluma akasiisira ke, waliwo akasiriikiriro ngabatambula mpola

okubatuukako.



Akello: (Mpola mpola mubukkakkamu naye nga akitegeeza) wasuze otyano mwami

Opungor.



Opungor: Aa aa nze ssibuuza bakazi ku makya (amala geyogerera) nzize wano kukutwala

kasita tebasasula ssente zange. Jangu tugende!





Fx: (N’obukkakkamu) Era ssente ezoziri mmeka mwami Opungor?





Opungor: Lwaki Ombuuza? Nze nkuweredde nnyabo eyeeraga , nkutwaala!!

Tereza yesaasabaga abantu nga mukaaga bavuvuuma.



Akello: (Akuuma obukkakkamu) ekyo nkimanyi bulungi nga bwewankolera ekisa

nensobola okumalako emisomo gyange era nakakasa nti nze nasiima nnyo

olwekyo kyewankolera okusinga nebazadde bange kubanga kyaviira ddala

mumutima gwo n’osalawo okuyamba muwalawo asobole okubeera obulungi.

Naye ffe okusobola okukusasula amangu kumanya ssente mekka z’obanja?

Mwami Opungor otubanja ssente mmeka?



Opungor: Ha, olowooza osobola okunsasula kakati? Olina ensimbi z’okukulidde

munnyumba? Buuza kitawo zemubanja.



Oduladebe: Zonna awamu ziri bukadde bubiri, naye muwala wange bino saagala

obyeyingizeemu, kiri wakati wange nemuliranwa wange.



Opungor: Bukadde bubiri bwokka? Omwaka guyisewo kasokanga otwala ssente

n’olowooza nti zikyali bukadde bubiri? Kati mulimu amagoba ga.. ga .. ka.. ka…

kadde kalamba.



Akello: (Akaayana mukkakkamu) Kirungi mwami Opungor, okimanyi bulungi nti

bwewaba tewali bukakafu oba ndagaano yonna mubuwandiike kyetaaga feena

okukkaanya kwekyo kyetukirizza . N’olwekyo nkusaba okendeeze amagobaago

gabeere emitwalo kkumi.



Opungor: Oduladebe, Eno yengeri gy’okuzizaamu muwalawo? Okweyingiza munsonga

zabasajja bwati? Kino tekiririzika, muwala muto, ekifo kyo kiri mu ffumbiro,

munnimiro mpozzi ne mu kisenge. Ekyo kitegeere managu ngatonanyongera

kufulumya kigambo kyonna mu kamwako akasirusiru.









9

Akello: Awo oteesa otya mwami Opungor , singa tulemererwa okukkanya ku ky’oyagala?



Opungor: (Amala geeyogerera) nakugambye dda nti nkuntwala.





Akello: Ate kimanye nti okutiisatiisa mu ngeri eyo kukuteekako omusango gw’okuwamba

omuntu n’ekigendererwa eky’okumujjako akobuntu ngogerageranya obulamu ku

nsimbi. Ate kimanye nti abajulirwa wano bayinza okukwefuulira nebakwogerako

ebyaswakaba mumbuga zamateeka senga otuukiriza okutiisatiisakwo okwo.





Opungor: Abange , njagala obukadde bwange obusatu wano kati ; oba ssi ekyo ng’antwala

ono omuwala wammwe omusirusiru okutuusa nga munsasudde zonna.



Akello: Mwami Opungor, muwalawo omutunda ssente mekka?



Opungor: Kiki? (anyiiga, asirikamu) lwa.. lwa.. lwaki ombuuza? Abaana bange

ssibagerageranya na ssente.



Akello: Nze ndi wawansi nnyo okusinga muwalawo, nze bamapanyiseemu olwensimbi

nga tekisoboka?



Opungor: {Asiirikirira okumala akabanga ngeno yewunaganya ku kiki kyaba ayogera)

Kale mubadde mwagala mbawe bbanga ki?



Oduladebe: Opungor, fenna tuli bakozi mumaka muno tujja kukusasula obukaddebwo obubiri

mu myezi mukaaga.



Opungor: Ekyo kyewangamba n’omwaka oguwedde . wakamala okukola omukolo

ogwebbeeyi kyokka nga nze tonnansasula. Ojja kumpa obukadde bubiri , wakiri

nekitundu mu mwezi gumu okuva kati era ekyo kye kisembayo,



Akello: Mwami Opungor , kunsi kuno tewali kisembayo . Tusobola ffena okukkiriza naye

ate oluvanyuma ffena netufa mumwaka. Ekintu kyonna kisoboka okubeerawo \.

Ate omukola gwajjo twayambiddwako mukwano gwange mwami odongkara .

Nze nsaba okkirize tukusasule obukadde bubiri mu emitwalo kkumi mumyezi

esatu.



Opungor: (Asirikirira) Mbawadde emyezi ebiri ngamunsansudde okukadde bubiri mu

emitwalo abiri. Njakuleeta sentebe wakakiiiko kekyalo ng’omujulirwa tuwandiike

endagaano. Ate singa tebubadde bukkakkamu bwono muwalawo, mbadde

sigenda ngalo nsa, wakiri nandituttemu ettaka lyammwe olwaleero. Hmmm mwe

muzanya!!



Fx: Opungor awulirwa ngatambula agenda nobusungu, nebigere byabalala nga

bagenda Mpola mpola omu ku omu abawaka abasatu basigalawo)







10

Tereza: maama, maama, maama!! Muwala wange mbadde ndowooza nti

bakututte! eee kyamugasso okusomesa abaana olaba Akello engeri

jakkakkanyizaamu omulala? Abakazi! He.. he.. ssebo tetuli basiru ¡!



Odongkara: Tereza mukazi wange sooka okakkane katono oli mukusaagira mu nsonga enkulu

bweti! Kakkana gwe tulabe bwetugonjoola ensonga. Mw’erabidde ñamaso ate

nemwewulirira namatu gammwe ebigenda mumaaso , kati tokole ki? Akello lero

oyogedde nobuvumu era ompadde amanyi, ogenda kulaga abantu bonna nti

tetwakuwererera bw’erere. Oyogedde n’omatizza Opungor atuweyo emyezi ebiri

kyoka nze ngambadde ndowooza nti twetaaga mmukaaga .

Kirabika olina entegeka, tugenda kukola ki okufuna ensimbi ezo mu Lira waffe

eno ngabwomulaba Opungor mumanyi tewali kyatasobola kukola, wandikirizza

nomufumbirwa?

Tereza: (Akuba omulanga) kiki?

Oduladebe oli mulalu? Oyo omusajja owenkuyanja yabakazi nabaaana bwomuwa

Akello nzenga nnoba wakiri okufa okusinga okulaba muwala wange nga

abonaabona wano kinya nampidi



Akello: Taata , maama musonyiwe olwekyo ekibadewo, nkimanyi ku fenna tekuli

musobya. Munange ekizibu kino kireme kubaawula. Twetaaga kulwanira wamu

kitole lwetujja okuwangula.twongere okwegayirira Opungor atuweyo obudde .

nange kantukirire ku mikwano jange mukibuga tulabe kyetusobola okukola. Naye

kati nfubye okulaba nti Opungor akitegeera nti ajja kuba nga azannyira ku

mateeka bwatukwatako, naye ekyo tekitweyibaaza kubanga ebintu byaffe biri mu

mattiga ssenga tetwanguwa kukkakanya Opungor tusobole okumuwangula









11

SCENE 3: ENSISINKANO YAB’AGALANA - LIRA TOWN

Fx: Enyimba zigunda okuva mu radio eyomulembe mumaka ga Odongkara,

Odongkara afuuwa aluwa ngabwagoberere obuyimba, bakonkona oluggi.



Odongkara: Oluggi luggula, mbadde nkulowoozako nnyo era nga mpulira nina ekimbulako ate

mukiseera kyekimu nokonkona oli otya mukwano?



Akello: Bulungi, ngabulijjo ndimukwetala kunooya mirimu.



Odongkara: onoonya ki mukwano ¿



Akello: fant citrus, naye njakusiibula mangu kubanga nina yintavuyu mukibuga kusawa

mwenda kati wabulayo essaawa emu naye ndowozezza nti kanjira mberako

naawe.



Fx: Amacupa gawulirwa nga gaggulwa nga nebyo kunywa biyiika mu glass,

obuyimba obwekimpowooze bugenda mu maaso.



Odongkara: Ekyo tekirina mutawaana mukwano, (awulirwa nga nywa soda) okuberako nange

sikizibu, wano bulijo wendi kululwo woyagalira, ekyo okimanyi okuva

lwenakusisikana mu Kampala, nasalawo nti gwe osaanidde okuterekerangayo

obudde.



Akello: Oh ekyo ngakirungi oyogera nnyo ebigambo ebinyuma shaban! Kyabbeyi

okubeerakoo naawe. Olusi okusobola okukkanya kukunyigirizibwa kwemberamu

okutulako naawe kinyamba nnyo . webale kubeera womukwano mulungi. Ate

Shaban bazadde bange wamu nange tukwebaza nnyo okuva kuntobo ye mitima

gyaffe olwo mukolo ogwabadewo ku nkomerero ya sabiiti eno. Oli mussajja wa

kisa, Shaban nkwebaza nnyo olwo omukwano ogwo , bwenkugeregeranya ne Sam

ggwe okyali wala mumukwano jenakabeerako najo emyaka egiyise.



Odongkara: Sam? Sam? Nzijukiza, mpozzi Sam yani?



Akello: Tojjukira Sam gwetwasomanga naye ebyamateka, kati asola mu Legal aid Project

e Kampala, buli lwenaberanga nekizibu ngatukyogerako ne Sam era

ngakinyamba nnyo. Naye kati andiwala nnyo era gwe mukwano gwange wekka

gwenninawo, mpulira ngankweyabiza bulungi mubuli kimu.



Odongkara: Era ekyo kyenyini kyembadde njagala twogereko olwalero .Lucy tumaze

mumukwano guno ekiseera kiwanvuko… okuva ngokyasoma ku kasozi e

Makerere era ngabwoyogedde tuli baamukwano ddala era tuyinza okuteekateeka

Okubera ffene awamu mubiseera ebyomumaso. Ndwowooza ontegedde bulungi

ate nze nkakasa nkwagala nnyo. Neesanga nkulowoozako nnyo enaku zino

okusinga bwekyali kibadde. Ndowooza nga luli ngakyali mussomero. Engeri

jembera nawe buli lunaku natandika okulowooza nti oba tuddemu tulowooze ku





12

nkolagana yaffe (asirikamu) mukwano Lucy Akello, muwala wa Yolamu

Oduladebe yekka (Akello amwentuka) onoonfumbirwa)



Akello: (Yeekanga asiriikira) katonda wange Shaban, kino ngakinguddeko bugwi!



Odongkara : Nedda mukwano nabakyala kino tukimazeemu ebbanga erimala okukiraba nti

buli omu aja mu munne naawe tewewuunya.



Akello: Nedda Nedda sikyeekyo lwakuba…….kale…………. Labayo nina emyaka abiri

mwena egyobukulu are gwe wangamba nti olina ana mumunaana Shaban, ekyo

kitegeeza nti emyaka gyo ginkubyamu emirundi ebiri. Tolaba nti ekyo kiba

kizibu?



Odongkara: Yiii emyaka babala mibale, ekikulu ye buli omu okutwala munne ngekintu

ekikulu mubulamu bwe nokukkiriza okubeera awamu abulamu bwaffe bwonna.

Kirowoozeko nkwekumidde abanga lino lyonna nkuwase, jjukira nakugamba nti

mbadde nakigenderera obuteejaajamya nga ninda oyo asaanira omutima gwange.

Era gwe owomukwano Lucy Akello gwe ogya mubulamu bwange nti sikyasobola

kwawula wakatiiwo nomutima gwange

(akello amwetuka) labayo nja kukuwa kyonna kyewali olooseeko, lowooza ebintu

byonna byewali olooseko, biri munze



Akello: (Amwentuka) Oh Shaban kale oyogera ebinyuma, omutima gwange guwewuka

ngankuwuliriza mpayo akadde nkirowoozeeko.



Odongkara; Kale kale mukwano nkuwadde obudde bwonna bwoyagala, nkimanyi ssi

kusalawo kwangu era senga ogezezaako okunziramu sandikwesize bulungi. Laba

obudde bwo buwuddeyo obukusobozesa okutuuka muyintavuyu, kankutwaleko



Akello: Webale nnyo Shaban neyanzizzannyo nebyokunywa mbadde ndakasidde bulala



Fx: Amagilaasi gawulirwa ngagategulwawo, obuyimba bugweekerere ebigere

byorekera omulyango era kiwulirwa nti abantu bali bweru



Odongkara: Tofaayo, kakkana, tegezaako maama era ombulire ebivuddemu lwonooba

wetegese. Sikyekyo?



Akello: Kale shaban, oli wakisa ate ateegeera. W’ebale nnyo, lwakuba ebintu bingi

bigenda mumaaso kati.



Fx: Enzigi za motooka ziwulirwa nga ziggula era ziggala, motoka evuuma. Evugibwa

mpola ngegenda, embozi egenda mu maaso.



Naakamaririza emisomo gyange, nkyanoonya mulimu,nkyamaliriza ebizibu ebiri

eka, ate ngatteko okufumbirwa? Nedda, tewali ngeri gyensobola kukaluubirira

mukwano gwange nabizibu ebyo byonna!







13

Odongkara: ( Aseka) mukwano lucy, tewali lwolibeera mugugu gyendi, mumazima, tewali

kizibu,nze nkitegeera



Fx: Emmotooka eyimirira



Akello: Webale kundeetako, tunaalabagana.



Odongkara: Kale,ntuule wano nkulindeko Naabakyala wange?

( yeesesa ng’omwana omuto)



Akello: Nedda olina ebyokukola bingi. genda, nze njakuyitirayo



Odongkara: Nedda mukwano, ebiseera bino ebyokkola byange biri munsi zebweru. Wano mu

Lira mbeera n’eby’okukola mukiseera kyamakungula, oja kunsanga wano nga

nkulinze



Akello: Webale nyo.



Fx: Aggulawo oluggi lw’emmotoka, ebigere biwulirwa nga agenda, ssimu ya

Odongkara evuga



Odongkara: Allo, Ndugu Juma, sema?



Juma: [Kusimu ] Bigenda bitya?



Odongkara : Yee, yee, nakamuleeta kati okukola yintavuyu,ateekwa kukkiriza, kijja kuba

kinyambye okuyingiza essente zongere amanyi mu mirimu jjange egy’obusuuzi !!

Neeraba nga nfuse naggagga, omusajja asinga amanyi ku taaka lyaba Luo

Mukama nyamba! Naye kino nina okukikola mukyama waleme kubaawo

amubuulira amazima kubinkwatako .Era kasita akkiriza ,ebintu byonna

njakubiyisa mubwangu nti wan’amanyira ekituufu nga nnamuwasa dda era nga

wange.Ajja kubeera nga takyalina kyakukola !! [aseka amajjemulukufu] sasa ,

nina okulaba ono omusiru agaanyi okuleka poloti ye ntebbe. .Alina kukkiriza

obukadde mukaaga agende .ate senga mikwanogye bafunye obukadde kumi

nabuna? Tulina okumulagamu enkola yekifirika ………Ee, wuno ajja ,ye empisa

zange ziruwa ? nina okwetereza nokwetegeka .[Juma aseka Odongkara asigala

kusiimu nga asirise]



Odongkara: Ng’oyanguyeeyo? Kiki? tebakwagadde? mbadde nkusubira okulwayo. Bigenze

bitya?



Akello: Twogeredde essaawa namba, naye nkakasa mujja kuvamu ekiramu.



Odongkara: Olimukyala mugezi nnyo atenga olina ebisanyizo byonna, batekwa kukutwala

bwebaba balowooza !!







14

Enjala etekwa kuba ngekuluma nnyo, tugende tulye ekyemisana mukafo akasirifu

ewalako nekibuga .



Akello: Kirungi !



Fx Emmotoka ewulirwa nga evugibwa egenda.









15

SCENE 4: MUMAKA GA ODULADEBE



Fx Motoka ewurirwa ng’etuuka wabweru, enzigi ziggulwaawo era oluggi

lw’ennyumba luggulwawo



Tereza: Kulikayo, mbadde ntandise okwelaliikirira, omanyi ebyennaku zino ku baana

abawala ngaggwe bizibuzibu okimanyi nti bakutwala nga kyatika ku kyalo kino ?

Ate ekyo kitegeeza nti nange akuzaala ndi wamugaso nnyo . Taata wo omujjukiza

kwebyo, biki ebyo byokutte?



Akello: Weebale maama, bino byakunywa odongkara byabagulidde.



Tereza: Ooh, kale yingira otuule wano, olunaku lugenze lutya ? ate yintavuyu?



Akello : Bigenze bulungi maama era nninayo essuubi.



Odongkara: Maama yintaviyu eruddewo ate nga njagala atuuke bulungi Kwekumuleetako.



Tereza: Weebale kubeera w’akisa Odongkara, otuyisa bulungi nnyo, emirimu gigenda

gitya?



Odongkara: Gigenda bulungi, tulina ebyokukola bingi engeri gyetugenda mu nnaku enkulu

ebintu mwebabiseerera, (asiriikirira) kale ,kangende banange obudde buyise.



Tereza: Ngoyanguye mukwano! omugenyi talina nakaalidde! Anti ekyggulo tekinaggya.



Odongkara: Tofayo ,njakulya olulala ndaba wano ka. Musule bulungi!

(Avuga nagenda)



Tereza: (Yeyogeza yakka naye mubwerarikirivu) eee! Ono omussajja nga asemberedde

nnyo muwala wange? ate nga alabika mukadde! Kansubirenti tamusendesende

kumukozesa kikolwa kya bwenzi, abasajja bennaku zino!! Ekitegeeza abadde

tawasanga ebbanga eryo lyonna? Ekyo kisoboka ? mbu ava kukyalo kyaba

Eseza,Enkya kumaliiri njakukeera mbuuze Eseza.



Oduladebe: (Yeeyogeza yekka nessanyu) ono omussajja mulungi nnyo ate mugagga,oba

ngambe muwala wange amwewoleko sente tusasule Opungor? Oba mwana wani?

Kale senga asaba okuwasa Akello, nze mukkiriza! Akello muwala mulungi nnyo,

mwagaliza omussajja omulungi nga ono.









16

SCENE 5 : WOTEERI



Odongkara: Tweweemu!



Akello: Tweweemu!! (amagilaasi gakoonagana)



Odongkara: Olwaleero twekulise yitavuyu mukwano anti ggwe wa ddiguli wekka eyabaddeyo



Akello: Tewesunga nnyo, anti bagamba nti tobalanga bukoko butannayalulwa n’o lugero

lwekiganda lugamba nti kyotonnalya…….



Odongakara: Nessiga emikisa gya Allah!

(Akuba mungalo) ssebo muwereza tuletere ebyokulya byemulina tulondeko,

webale mussajja wange…. Kandabe….tunalyaki mukwano?



Akello: Njakunywayo obutunda obulala, ekibumba ,chapatti ne salads.



Odongokara: (fuwa oluwa) muwala wange bwonolya bwotyo tojja kugejja.



Fx: Essimu ya Akello evuga



Akello: Allo, nze lucy Akello



Ochen: Nze peter Ochen nkubye kuva wano mu Ochen senior and Company Advocates,

Okukutegeeza nti yintavuyu wagiyita bulungi era owereddwa ekifo kya legal

assistant, bwoba okirizza, olina okutandika okukola kubbalaza ejja ssawa satu

ez’okumakya.



Akello (Nessanyu lingi) webale nnyo, tusisinkane kubbalaza (Akyukira odongakara)

Nkubulire, Ochen senior and co advocates kati otunuulira legal assistant

waabwe!!



Odongkara: Ngakirungi! saakugambye nti ojja kuyitamu?( amugwa mukifuba).

Ye walowooza ku kyennakusaba?



Akello: yee, na……na…………kkiriza, ndimwetegefu okuyitibwa mukyalawo,naye

ebintu tubit’wale mpola, kati ngabwenfunye omulimu , neetaga obudde

okutereera, ku nsimbi zo musaala gwange nina okusasulako opungor ebbanja lye

nga tetunategeka bya kwanjula. Tusobola kwanjula mwaka gujja



Odongkara: Kiki? Ngalwaki turinda? Bweziba nsimbi tewalariikira, ate era ndi mwetegefu

okubayamba mukutegeka emikolo gwokwanjula ate ngatekijja kukosa byabuko

bye naaleeta. Osobola okufuna ssente ezo kwanjula no kusasula ebbanja olya

Opungor ate okukulaga nga bwenjagala enyo ombeere okumpi, tutegeke







17

okwanjula kubeere kwa lwamukaaga olujja kubanga nina okugenda e Dubai mu

banga lya sande bbiri ate nga n’alyetaaze okugenda naawe.



Akello: O…o…o….kakasa? awo ebyokutegeka nga bibeera bingi !......................





Odongkara: Nkiteeza era nteesa embalirira tugikole kati nga ssina kutwala ka.









18

SCENE 6: AWAKA W’ABA AKELLO

Fx: Budde bwakawungeezi , Tereza asekula ebinyebwa nga eno bwayimba ,emotoka

ewulirwa engeyimirira era amaloboozi gwawulirwa ewalako. Okusekula

ebinyebwa kulekera awo…………………..



Tereza: kulikayo, olunaku lugenze lutya? Ha eno ebbugumu libadde lingi bulala! Engoye

zenayozezza zaakaze mu ddakiika buddakiika. He he ate ku luzzi, ojukira oli

omukazi oku……………. (Akello amulya ekirimi)



Akello: Webale maama, njakwogera nnamwe oluvanyuma kammale okuwerekera

Odongkara.



Odongkara: Osiibye otyanno maama?



Tereza: Nsiibye bulungi Odongokara, emirimu gyo gigenda gitya??



Odongkara: Bulungi, wano wagamba ki?



Tereza: Nina emboozi mpanvu eyinza nokuzibya obudde naye muwala wange

ngabwagambye nti oli mu bwangu…………..



Odongkara: Era kyekyo maama ndi mubwangu, naye nja kudda mangu. Kagende, (Akello

amuwerekera namufulumya era avuga n’agenda).



Akello: Maama ne Taata olwalero nnina ebyokubategeza ebigenda okuk’yusa obulamu

bwange bibiri, ekisookera ddala, gwe mulaba wano ye legal assistant wa Ochen

senior and company advocates.



Oduladebe/Tereza: O.O aleluya! mukama awulidde essala zaffe tunaatera okuwona obw’avu

buno, oluvanyuma lwebbanga eddene bwerityo, kiseera kyankulakulana.



Akello: (Abasala ekirimi nenseko)

Mujukire waliwo kyessinabagamba, mulindeko okumalayo amasanyu!! Waliwo

omusajja ansabye mufumbirwe nange nenzikiriza.



Oduladebe: Ngamawulire gasanyu!

Eh okufuna omusajja owukuwasa, kiki ekirala taata kyeyeetaaga? Akello musajja

ki oyo munnamukisa? olaba omuwala bwamaliriza emisomogye ateekwa

okufumbirwa nnaddala ngamaze okufuna omirimu nga ggwe.



Tereza: Naye lwaki opapa okufumbirwa! Ssooka otereere bulungi, ozimbe amakaago,

otandikewo ebyokukola ebyenjawulo, oteekwa okubaako nebibyo! Ye omusajja

gw’ogenda okufumbirwa omumanyi ebimufaako? Tumumanyi? Abantu be

bamanyidwa? Abee……….







19

Oduladebe: (Amusirisa) Naye ggwe omulamu nyo amanyi kati otandise okwonoona ebintu.

Gwe oyagala kulaba Akello nga ayononese afunye lubuto ngatafumbidwa

nakufumbirwa mubutongole? Wamma Akello musajja ki oyo munnamukisa?



Akello: Mwami Shaban Odongkara



Oduladebe: Wamma ddala oli muwala wange! Nange siraba musajja ayinza kumusinga, olina

omukisa! Tojja kukaaba nabya nsimbi wamu nomukwano nga oli eyo.



Tereza: Nedda, nedda, oyo omusajja mukulu nyo ku ggwe era nze waliwo ensonga lwaki

ssimwesiga, engeri jeyeyisaamu, alinga………………



Oduladebe: Kikyamu ki ekikuliko mukazi ggwe! Muwalawo asazeewo ekisingako obulungi,

lwaki tomuwagira? Ogwo si gwe mulimu gwabazadde abakazi?



Akello: Era asaba okwanjula kubeewo kulwomukaaga olujja.



Oduladebe: Kituufu, kituufu! Okwanguya kyekisingako obulungi!



Tereza: Abange muli balalu? Akello osobola otya okusalawo amangu kunsonga ezikwata

kubulamu bwo ate negwebayita omwami wange nakiwagira!

Nga mupappye? Olowooza tapapa kubanga waliwo ekigendererwa ekirala? Ate

jjukira kukyalo kino oli kyatika ……..!



Akello: Nedda maama, lwakubanga agenda kumirimu gye egy’obusubuzi e Dubayi

omwezi ogujja, ng’ate ayagala tugende ffembi. Ate agenda kutuwa ensimbi

zonna ezinategeka omukolo.



Odongkara: Mutabani wange nga mulungi! Tugenda kukuba ebinyonyi bibiri nejjinja limu;

okusasula Opungor, n’okufumbiza muwala waffe omusajja nagagga. Mukama

yebazibwe enkya nkeera kusisinkana mukulu w’akika akunge olukungana

olwamangu.









20

SCENE 7: AWAKA WA ESEZA

Fx: Omwana akaaba nga Eseza bw’amusirisa.



Tereza: Koodi (akonkona kuluggi lwa Eseza}.



Eseza: Kalibu, ng’otukedde bulala!

Buzibu ki? Kiteekwa okuba ekikulu nnyo.



Tereza: Wasuze otya mukwano gwange? munnange nze seebase wadde kutulo

nkubuulire, omanyi ono omusajja gwebayita odongkara? Ono gwenakugambako

nti asemberedde nnyo muwala wange, jjo Akello yatugambye nti yamusabye

okumuwasa nakkiriza, ssimanyi kiki kyamubaddeko alyoke akkirize, Okwanjula

kwa lwamukaaga, nkwegayiridde mbulira biki byomumanyiiko anti w’akukyalo

kyammwe.



Eseza: Odongkara …………Odong…….ye ssi ye Shaban ? (Tereza akkiriza mukaama )

Katonda wange , togezaako kwesembereza musajja oyo!! Amanyiddwa alina

olwebeeya lwabakazi nabaana , mbu yagamba agenda kutandikawo ggwanga lye.

Bagamba mbu alina ne sirimu, Akello ayinza atya okwonoona obulamu bwe

obwomumaaso noyo omusajja ? Kale alimba !! mulabule! Mugambe nti obugagga

buleme kumuziba maaso ajja kwejjusa. Katwenyumize ebirala ebirimu amakulu,

kankuwe kumwenge gwenasogodde onyweko.



Tereza: Webale naye sisobola kunywa kati. Okusinzira kuby’ongambye mpulira sagala

kunywa, nnina nebyokola bingi obudde kaakerera. Omanyi oduladebe gyali kati

ali mulukiiko lwakika bategeka mukolo gwakwanjula, kale abasajja bazibe

bamaaso!! Tolaba nti ayamba akello kusima ntaana ye! Kanyanguwe ngende

ndabe Akello……………………… omutima gunzitoye bulala.!!









21

SCENE 8: MUMAKA GA ODULADEBE



Tereza: Akello ake…………..111ooo, Ak…………….e….1110000 ?!



Akello: (Ajja awuukeera) Wangi maama



Tereza: Tuula wano, nina byenjagala okukugamba muwala wange, nkwenyumirizamu

nnyo era okuze nofuuka omukazi owobuvunaanyizibwa, ngatonnalowooza

kubyakufumbirwa,olina okumanya nti kyogenda okusalawo kigenda kubeerawo

obulamubwo bwonna, nolwekyo olina okukirowoozako ngatonnasalawo.

Mubufumbo buli kimu kyonna nganaawe mwogendedde kya musajja



Akello: Naye maama, ono omusajja bulijjo abadde anzikiriza okukola byenjagala



Tereza: Ebyo byonna bibeerawo ngamukyali mukuyigangana, naye kasita omufumbirwa,

ajja kukyuka, abassajja bwebatyo. Ye owange, omusajja omumanyi bulungi?

Omanyi abantu be nemikwano gye? Bagamba nti alina abakazi nabaana mbu era

alina ne siriimu.....



Akello: Yiii, maaama okwo kwonna kuwaayiriza! Abantu balina obuggya; Odongkara

yagamba nti abantu bamulinako obuggya kubanga mugagga nnyo mbu ate nze ndi

muwala mugezi. Nze yangamba dda nti ebyo bijja kubaawo naye ggwe maama

wange ddala?! (avaawo mubusungu)



Fx: (Ekiro mubuliri)



Tereza: Lwaki tosooka noyimirizaamu entegeka zomukolo okutuuka ngatumaze

okwetegereza ebikwata ku odongkara ? Mpulira mbu alina ebikumi ne bikumi bya

bakazi nabaana mbu era alina siriimu. Naye ddala naawe toneekakasa musajja

ono. Lwaki to……………



Oduladebe: Komaawo! Ebigambo ebyo ebikyamu obijja wa? Gwe nemikwano gyo mwagala

nyo okwonona amanya ga bannamwe. Muwala wo muleke abere ekyo kyayagala.

Ggwe tolaba nti omusajja amwagala nnyo? Kino kyekiseera

wewandimuwaniriride! Bwekibera bwe kityo atenga twetaga nensimbi okusasula

Opungor tewali buzibu. Njakukera nnyo kumakya ndabe omukulu wekika akunge

olukiko olwamangu.





Handsome: Kantw’ale omukisa guno okubaaniriza kumukolo guno. Guno mulundi gw’akubiri

mu myezi ebiri nga akello atuleeta mumaka gano. Njakubanjulira abantu

abenjawulo naye mukaseera kano kampite bazadde ba Akello babaanirize

mubutongole mu maka gano. (bazadde ba Akello bayimirira mumaaso

gabantu)







22

Oduladebe: Nina essanyu lingi okubaanirizi mwenna mumaka gange naddala ngatutandikawo

omukwano ogwenkomeredde. Kampite omukulu wekika ababuulire ekika kyaffe

nebikwata ku Akello, naye ngatannaba kujja kampite Tereza, maama wa Akello

ababuuzeeko..



Tereza:

Mbanirizza mwena, mwebale kujja mumaka gaffe. Bansabye mbabuuzeeko naye

nsamba buli ekigenda mu maaso wano kiwandikibwe. Mwebale nnyo



Omukulu wekika: Era ntwala omukisa guno okwaniriza abagenyi bonna, abazadde wamu

nemikwano mu lukungaana luno. Mugenda kufuuka bakoddomi baffe.

Kambabuulire ebikwata ku Akello. Akello yazalibwa ku kyalo kino

munsiisira eyali eriraanye omuti ogwo gwemulengera nga 2nd January

1982, nolwekyo bwobalamu awezezza emyaka 25 egyobukulu.

Obutaboonerera biseera yakamaliriza emisomo gye wano mu October

womwaka guno ngera kati akola nga Legal Assistant mu bannamateeka

mu kibuga, mwebale okumpuliriza.



Mc: Mukadde nkwebaza olwebigambo ebyo, kaakati, kampite omwogezi

okuva ku ludda lwa mwami Odongkara ayogere jemuli.



Juma: Ndimusanyufu okuyimirira mulujja luno ngomuko. Ffe tuva mukika kya

Otorogole mu kyalo kya Ogoba, Tuzze ne Mwami Odongkara naggagga

mukibuga kino era nga alina emyaka 48 nga yemugenyi omukulu. Ekyennaku,

bazaddebe bombi tebaliiwo, mulekwa, naye nga wano tulinawo Bassenga’be, ba

kkoja, baganda be nemikwanogye. Ebbanga eryo lyonna abadde anoonya mubeezi

era ssii mufumbo. Tuleese obukadde 5, ente 20, embuzi 30 nebintu ebirala.

Kamotoka kalamba, nga mulimu ssabbuuni, mafuta, sukaali, eby’okwambala bya

maama ne taata. Kansuubire nti munabikkiriza mutuwe muwala wammwe.

Mbasaba mujje mulambule ebisulo.



FX: Obuluulu!! Nga abantu basituka okugenda okulaba ebisolo n’ebirabo

ebirala.



Handsome: Kampite omukulu w’ekika atwale ebirabo wamu n’okukwasa Akello ab’ekika kya

Ogoba.







FX: Obuluulu! Abakyala babiri bawulirwa nga boogera mubantu.







Omukazi 1: Nja kufuba okuweerera muwala wange naye asobole okufuna ddiguli asobole

okufumbirwa nnagagga.









23

Omukyala 2: Tereza yeesiimye, nange njakufuba muwala wange asome amaleko.





Akiikirira Oduladebe:

Okusinziira ku kwebuuza mu bakulu ab’enjawulo mu Kika ebintu

tubikkirizza era tuli beetegefu okubawa muwala waffe abeere maama wa

baana bammwe, kansuubire nti Odongkara ssi mufumbo nga bwe

mugambye (alangirira nti embaga ya lwamukaaga olujja era oluvannyuma

bagende e Dubai okuwummulako)





FX: Obuyimba bukubwa ng’abantu bwe balya era bwe banywa.









24

SCENE 9 MUMAKA GA SHABAN AGE KAMPALA



Akello: Njagala kuleeta muto wange tubeere naye tusobole okumuyamba engeri bazadde

bange jebatalina nyingiza eri awo





Odongkara: Ate essente zennabawa ng’ebyobuko ne nte zonna. Oba essente zabaggwako

batunde ente





{Ngawayiseewo emyezi mukaaga}





Odongkara: Twakamala kati emyezi mukaaga mubufumbo naye tonnafuna lubuto, kizibu ki?





Akello: Nze mmanyi ssirina kizibu mpozzi nga gwe okirina.



Odongkara: ( ataama ) Kiki?



FX: Odongkara nobusungu awuuba omukono akube Akello oluyi naye Akello

alwewoma





Nyabo kankutegeeze,bakazi bange banzaalira abaana lwebeeya, gwe noyagala

okugamba nti ssiri musajja!! Oli musiru nnyo! Ate enkya batabani bange

Sulaimani ne Akamada bajja batandike okubeera wano naffe!!





Akello: Na.... naye....





Odongkara: Sirika! Njagala oleme kugwa mu nsobi: Entebe ezo oziraba? Emmotoka?

Ennyumba? Ensimbi zange zonna? Byonna byew’eyagaliramu wano byange, ate

naawe mwenkutwalidde. Omusaalagwo, abaana bo bwoliba ozadde, mwenna muli

bintu byange!!









25