BANGHAY-ARALIN SA PAGTUTURO NG FILIPINO I
GRAMATIKA AT PAGBASA
UNANG MARKAHAN – IKALIMANG LINGGO
I. MGA/PAKSA/MGA KASANAYAN/MGA KAGAMITAN
Paksa :Edukasyon at Kasaysayan
Pamagat ng Texto :Ang Wika sa Edukasyon ng mga Pilipino
Uri ng Texto :Informativ
Kagamitan :Teyp ng tugtugin, casette, larawan
Gamit ng Wika :Pagbibigay ng pangunahin at pantulong na
kaisipan
Istruktura ng Wika : Pagbubuo ng Iba’t Ibang Salit Batya sa Punong
Salita
- Paglalapi
- Pag-uulit
- Pagtatambal
Kasanayang Pampag-iisip: Pag-aanalisa
Halagang Pangkatauhan: Pagbibigay ng tumpak na desisyon batay sa
narinig.
II. MGA INAASAHANG BUNGA (sa bawat araw)
A. Nakapagbibigay ng mga hinuha sa pamagat batay sa paksa.
B. Nakapaglalahad ng mga piling karanasan at kaalaman kaugnay dito.
C. Napipili ang mga paniniwala at opinyong nakapaloob sa texto.
D. Nakabubuo ng pangunahing kaisipan at pantulong na kaisipang hango sa
binasa.
E. Natutukoy ang formalidad ng wika ng texto.
F. Nakabubuo ng iba’t ibang salaita batay sa punong salita gaya ng
paglalapi, pag-uulit at pagtatambal.
G. Nakabubuo ng iba’t ibang salita batay sa punong salita gaya ng paglalapi,
pag-uulit at pagtatambal.
H. Nakasusuri ng textong katulad ng textong tinalakay.
52 BSE-Kagawaran ng Edukasyon
III. PROSESO NG PAGKATUTO
UNANG ARAW
1. Mga Panimulang Gawain
a. Pagganyak.
May iparirinig akong musika sa inyo. Habang pinatutugtog ang
musika, ilalarawan ko sa inyo ang isang tagpo. Ipikit ninyo ang inyong
mga mata habang pinaglalaro ninyo sa isip ang nilalaman ng aking
paglalarawan. Sasabihin ninyo pagkatapos sa harap ng klase ang
inyong paniniwala/saloobin (Visualization).
(May isang lugal sa bayan ng Makulot na kapansin-pansin sa
dami ng mga batang lansangan. Umaga pa lamang ay nagkalat na sila
sa kalye; magagaspang ang ugali; at may ilan pang bata pa’y
nasasangkot na sa di-kanais-nais na gawain. Yaon namang mga
kabataang nalulong sa masamang bisyo. Magulo sa lugal; naghihirap
ang bayan) (Palalabasin na mahalaga ang edukasyon sa isang
bayan.)
Anong kaisipan ang maaari ninyong mabuo mula sa ating
isinagawa? Anong larawan ang natanim sa inyong isipan?
1. Pagbabahaginan ng mga kasapi sa pangkat.
2. Pag-uulat ng bawat lider ng pangkat batay sa
napagtalakayan.
3. Pagbibigay ng feedback ng mga nakinig.
b. Paglalahad.
Pagbibigay ng pansin sa pamagat, “ANG WIKA NG
EDUKASYON NG MGA PILIPINO”. Pagbibigayin ng reaksyon ang
mga mag-aaral sa tulong ng mga sumusunod na tanong: (Pangkatang
Gawain)
- Ano ang isinasaad ng pamagat?
- Magbigay ng ilang kaalaman tungkol sa istruktura ng mga
paaralan noon at ngayon
- Magbigay ng sariling karanasan hinggil sa wikang panturo
gamit sa mga paaralan at paano ito nakaapekto sa inyo.
BSE-Kagawaran ng Edukasyon 53
- Pagbabahagi ng karanasan ng ibang tao na maaaring
narinig o nabasa sa naging bisa ng wikang panturo/paraan
ng pagtuturo
b.1 Pagbabahaginan ng pangkat
b.2 Pagbabahagi sa klase
b.3 Pagkuha ng feedback sa mga nakinig
2. Pagbasa ng texto nang tahimik.
Hahatiin sa tatlo ang klase. Una at ikalawang talata ay babasahin
ng unang pangkat; ikatlo at ikaapat ay babasahin ng ikalawang pangkat;
ikalima at ikaanim na talata ay sa ikatlong pangkat.
ANG WIKA SA EDUKASYON NG MGA PILIPINO
UNANG PANGKAT:
Ang edukasyon ng mga Pilipino sa mga paaralan ay
naisakatuparan sa tulong ng dalawang banyagang wika: ang Kastila
noong ikalabimpito, ikalabinwalo at ikalabinsiyam na dantaon at ang
Ingles noong ikadalawamnpung dantaon. Masasabi tuloy na halos lahat
ng mga mahahalagang naisakatuparan o naisagawa ng mga Pilipino
noong panahong iyon ay naganap sa tulong ng mga wikang Kastila at
Ingles. Bagamat ang pagbuo ng pambansang wika ay nasimulan noong
1935 sa ating Konstitusyon, noon lamang pagkaraan ng Ikalawang
Digmaang Pandaigdig na ang kilusan sa pagtuturo ng katutubong wika sa
mga Pilipino ay napagtuunan ng atensyon.
Nalalaman ng mga mapag-isip na Pilipino ang kahalagahan ng
wikang Ingles sa kanilang buhay; ngunit natatanto rin nila na hindi ito ang
pangunahing wika ng mamamayan dahil sa ang makalidad na
edukasuyon ay matatamo lamang sa antas tersyarya. Karamihan sa mga
Pilipino ay di-matanggap-tanggap ang wikang Ingles. Kailangang
magkaroon ng isang wikang makabubuti para sa lahat ng Pilipino. Ang
wikang ito ay ang Filipino.
IKALAWANG PANGKAT:
Kamangha-mangha ang pagbabago sa ekspektasyon ng mga
Pilipino sa istatus, tungkulin at gampanin ng Filipino. Nagsimula wari’y
isang bungang-tulog noong 1935 ang pambansang wika ng lahat ng
Pilipino. Noon una’y wala pa itong pangalan at nakikilala lamang bilang
“pambansang wika”. Ipinakilala ito bilang isang asignatura sa ikaapat na
54 BSE-Kagawaran ng Edukasyon
taon sa mataas na paaralan gayon din sa mga magtatapos sa kursong
edukasyon noong 1940.
Ginawa rin itong asignatura sa lahat ng mga paaralan noong 1946.
Tinawag itong Pilipino noong 1959 ng kalihim ng Edukasyon (hindi sa
batas ng Konggreso) upang maiba ito sa batayang Tagalog. Isa pang
dahilan ay upang maging pambansang pagkakakilanlan din ito. Ang
Kagawaran ng Edukasyon at Kultura ay siyang nagdeklara sa Pilipino na
kapantay ng Ingles sa bisa ng Patakarang Edukasyong Bilinggwal.
Ginamit itong midyum ng pagtuturo sa lahat ng asinatura maliban sa
Agham aat Matematika sa lahat ng paaralan at pamantasan noong 1974.
IKATLONG PANGKAT:
Ang Konstitusyon ng 1973 ang nagdeklara sa Pilipino bilang
opisyal na wika at hindi bilang pambansang wika. Ang pangyayaring ito’y
naging kakaiba sa Pilipinas bilang bansang walang pambansang wika.
Noong 1987, isinaad sa Konstitusyon na tatawaging Filipino ang
pambansang wika ng Pilipinas. Simula noong taong akademikong 1989-
1990, ang pangunahing universidad sa Pilipinas – ang Universidad ng
Pilipinas ay nagsimula sa kanilang limang taong programa upang gawing
Filipino ang pangunahing midyum ng pagtuturo. Pinalitan nila ng Filipino
ang Ingles bilang wikang panturo. Buong-puso at bukas-palad nilang
tinanggap ang Filipino bilang wikang panturo.
Ang paglalagay sa Filipino bilang kapantay ng Ingles sa pagtuturo
ay sinalubong ng susun-susong mga suliranin at mga pagtutol, na wari’y
lampas-langit. Di naging katanggap-tanggap ang pangyayaring ito lalo na
sa lebel tersyara. Nagtaingang kawali rin ang mga samahang pang-iskolar
upang mag-ambag sa intelektwalisasyon ng Filipino. Sa 48 samahan, lima
lamang ang regular na nagsulat sa Filipino. Karamihan sa kanila’y
gumamit pa rin ng Ingles. Maging ang Kautusang Pampanguluhan na
inilabas noong 1988 ng Pangulo ng Pilipinas na nagkumbinsing gamitin
ang Filipino sa mga pakikipagtalas-tasang pampamahalaan ay di rin
naging katanggap-tanggap at tinutulan ng maraming di-katutubong
Tagalog. Ipinagwalang-bahala rin ito ng mga nasa byurukrasya. Ni
pabalat-bunga ay di sila kinakitaan ng lubusang pakikiisa na ang Filipino’y
ihanay na kapantay ng Ingles.
BSE-Kagawaran ng Edukasyon 55
3. Pagbubuod ng texto.
Isasagawa ito ng lider ng bawat pangkat
a. Pagbibigay ng feedback batay sa kawastuhan at kaayusan ng
ginawang pagbubuod.
IKALAWANG ARAW
1. Panimulang Gawain
a. Panel Discussion:
Anong wika ang mabisang panturo sa klase, Filipino o Ingles?
Mga magsasalitang panauhin
- Magulang
- Kalihim ng Edukasyon
- Mag-aaral
- Pare
- Guro
2. Balik-aral sa binasang textong lunsaran, “ANG WIKA SA
EDUKASYON NG MGA PILIPINO.” Balik-tanaw sa pamamagitan ng
isang bata. Gagawin nang pasalaysay.
56 BSE-Kagawaran ng Edukasyon
3. Pagpapakahulugan sa mga salita, parirala o pangungusap na hindi
maunawaan batay sa pagkakagamit nito sa texto. Isusulat sa bawat
petal/dahon ang salita.
4. Pagpapalalim ng kaalaman.
Papangkatin ang mga mag-aaral. Magkakaroon ng bahaginan
batay sa mga sumusunod:
Pagbibigay ng paniniwala/opinyon/pangunahing kaisipan.
Pangkat I - Unang talata
II - Ika-2 “
III - Ika-3 “
IV - Ika-4 “
V - Ika-5 “
VI - Ika-6 “
BSE-Kagawaran ng Edukasyon 57
(Iba’t ibang gawain ang maaaring gawin ng bawat pangkat batay sa
paniniwala/opinyon)
- pagsasadula
a. Pagbabahaginan ng bawat pangkat
b. Pag-uulat ng bawat pangkat sa pamamagitan ng lider.
Bigyan-diin ang:
- paniniwala/opinyon
- kaisipan
c. Pagbibigay ng feedback ng mga nakinig.
Sinang-ayunan ba ninyo ang mga ito? Bakit?
d. Pagbibigay ng sintesis ng napag-usapan
Pag-buo ng mga islogan batay sa mga kaisipang tinalakay.
islogan islogan islogan islogan
1 2 3 4
IKATLONG ARAW
1. Panimulang Gawain
a. Pagganyak
Ilan sa inyo ang mayroon pang lolo. Lola?
May lolo ba kayo o lola na nakapag-aral noong panahon ng
mga Amerikano?
Isalaysay sa klase ang karanasang ito.
2. Pagpapabasa ng texto. “ANG EDUKASYON SA PANAHON NG MGA
AMERIKANO”. Dugtungang pagbasa.
58 BSE-Kagawaran ng Edukasyon
ANG EDUKASYON SA PANAHON NG MGA AMERIKANO
Ang edukasyon ng Pilipino sa panahon ng mga Amerikano ay
naiiba sa edukasyon sa ilalim ng mga Kastila. Kung sa panahon ng mga
Kastila ay tanging mga mamamayan, maykaya at makapangyarihan
lamang ang nakapag-aaral, ang sa Amerikano ay demokratiko.
Nangangahulugang bukas-palad ang paaralan sa lahat ng nais matuto.
Ang mga batang Pilipino ay pinipilit na pamasok sa paaralan, paano’y
urong-sulong sila kung mag-aaral o hindi. Upang mahikayat ang mga
batang pumasok sa paaralan nang sila’y matuto ng Ingles, binibigayan sila
ng lapis at papel at may libre ring pagkain. Isa pang ikinaiiba ay ang
edukasyong Amerikano ay hindi nakasalig sa relihiyon. Ang tuon nila ay
sa mga paraang gagawin upang maging mabuting mamamayan ang
Pilipino. Ang layunin ng edukasyong Kastila ay gawing mabuting
mamamayan ang mga Pilipino para sa kabilang-buhay samantalang ang
sa Ameikano ay gawing mabuting mamamayan para sa buhay dito sa
lupa.
Kung pilit ng mga Kastila na magsaulo ang mga batang Pilipino,
pinilit naman ng mga Amerikano na ituro ang wikang Ingles sa lahat ng
paaralang-bayan. Ang Kastila ay hindi inalis sa mga paaralang Kastila ang
ginagamit na wika. Gaya ng San Juan de Letran, Ateneo de Manila at iba
pa. Ang puno’t dulo nito’y marami sa ating kababayanng Pilipino ay natuto
ng wikang Ingles. Isa pang insentibo na ibinigay ng mga Amerikano upang
maging “Kayumangging Amerikano” o “Amerikanong Kayumanggi” ay ang
pagpapadala sa Amerika ng mga Pilipinong “may berdeng utak” upang
magpakadalubhasa sa larangang kanilang napili. Masasabing ang lahat
ng ito’y tagapagbandila ng sibilisasyong Amerikano. Ang mga Pilipino ay
nagpilit magsalita ng Ingles bagamat nagkakabuhul-buhol ang kanilang
mga dila.
Ang kurikulum na ipinasok ng mga Amerikano sa mga paaralang-
bayan ay sipi sa kurikulum sa Estados Unidos. Ang naging bunga nito’y
higit na naunawaan ng mag-aaral na Pilipino ang mga salitang Ingles at
kulturang Ingles kaysa mga bagay na katutubong Pilipino. Maging ang
mga aklat na ginamit ay pawang galing sa Amerika. Dahil dito, ang lahat
ng natutuhan ng ma Pilipinong mag-aaral ay mga bagay na palasak sa
Amerika ngunit di kilala sa Pilipinas. Ito marahil ang pinagmulan ng
“colonial mentality” ng mga Pilipino.
Ang nagaganap na ito sa mga paaralang-bayan ay nababatid ni
Quezon kaya’t nang naging pangulo siya ng Makasariling Pamahalaan ay
pinalitan niya ang mga aklat at ginawang Pilipino ang diwa’t kaluluwa.
Sinimulang ituro ang talambuhay ng mga bayaning Pilipino. Upang
BSE-Kagawaran ng Edukasyon 59
makasunod sa itinatadhana ng Konstitusyon na ang edukasyong primarya
ay libre. Nagpanukala si Quezon sa Asamblea na lakihan ang badyet ng
Kagawaran ng Pagtuturong Pambayan. Ang badyet noong 1939-40 na
30,000 milyong piso ay ginawang 35.5 milyon. Nilikha rin ni Quezon ang
batas ukol sa mga Paaralang Pribado at ang Tanggapan ng Edukasyong
Pribado sa Pilipinas. Ang layunin nito’y mapagbuti ang istandard ng mga
paaralang pribado gayon din ang mga unibersidad. Sa panahon din ni
Quezon naganap ang pagtuturo sa mga matatandang di marunong
bumasa’t sumulat. Noong 1936 ay itinatag ang Tanggapan ng Edukasyon
ng Matatanda na ang mga layunin ay ang mga sumusunod: 1.) ituro sa
matatanda ang pagiging mabuting mamamayan; 2.) pagtuturo ng
karunungang bokasyonal; 3) pagtuturo ng pagbasa at pagsulat sa mga di-
marunong bumasa’t sumulat; 4.) pagtuturo sa mga babaeng wala sa
paaralan; at 5.) pagpapalaganap ng mga gawain ng tanggapan. Bunga
nito, bago sumiklab ang digmaan noong 1941, ang bilang ng mga
paaralan para sa matatanda ay umabot na sa 2,457 na may 148,000
humigit-kumulang na mag-aaral.
3. Pagsusuri batay sa tiyak na katangian at uri
a. Anong uri ng texto ang inyong binasa? Bakit?
b. Formal ba o di-formal ang mga salitang ginamit sa texto? Patunayan.
4. Pagbibigay ng input ng guro
Informativ – uri ng texto na nagbibigay ng mahahalagang
impormasyon. Ito ay nagpapabatid, nagbibigay ng
kaalaman.
Gamit ng wika:
Tumutukoy ito sa paraan ng pagkakagamit ng wika sa texto.
Nakikilala ito bilang formal o di-formal. Formal ang wika kung
ito ay hindi pangkaraniwan. Di-formal ang wika kung ito ay
karaniwan lamang.
5. Pagsusuri sa textong lunsaran batay sa gamit ng wika.
60 BSE-Kagawaran ng Edukasyon
Pangkatang Gawain:
Suriin ang textong lunsarang “ANG WIKA SA EDUKASYON NG
MGA PILIPINO”.
Pangkat 1 at 2: Patunayang hindi formal ang gamit ng wika sa texto.
Pangkat 3 at 4: Patunayang formal ang wika ng texto.
Pangkat 5 at 6: Patunayang informativ ang texto.
6. Pagbabahaginan at pag-uulat sa klase.
7. Pagbuo ng sintesis.
Isasagawa sa paraang Pagbabalita
(Anawnser – ibabalita ang mga kaisipang nahango sa texto)
IKAAPAT NA ARAW
PAGSUSURING GRAMATIKAL
1. Panimulang Gawain
Kliping (Pagkakabit/Pagbubuo ng salita sa bawat titik ng salitang
nakakulong sa guhit)
P ino
L I pi
L ahi
w I ka
sika P
tin I g
i N itg
lol O
BSE-Kagawaran ng Edukasyon 61
2. Pagpapabasang muli ng textong lunsaran, “ANG WIKA SA
EDUKASYON NG MGA PILIPINO”
Ipapipili lamang ang isang bahaging naibigan upang basahin.
3. Pagsusuri sa mga salitang nabuo sa pamamagitan ng paglalapi, pag-
uulit at pagtatambal.
Gagawing paligsahan. Unahan sa pagpili at paglalagay sa kolum ng
hinihingi nito:
- Pagpili ng salitang nabuo sa pamamagitan ng:
Pangkat I - Paglalapi
Pangkat II - Pag-uulit
Pangkat III - Pagtatambal
Paglalapi Pag-uulit Pagtatambal
1. 1. 1.
2. 2. 2.
3. 3. 3.
4. 4. 4.
4. Pagbabahaginan at pag-uulat sa klase.
5. Pagkuha ng feedback sa iba pang mag-aaral.
62 BSE-Kagawaran ng Edukasyon
6. Pagbibigay ng guro ng input sa gramatika
Paraan ng Pagbubuo ng Salita
1. Paglalapi – isang paraan ng pagbubuo ng salita sa
pamamagitan ng paglalagay o pagkakabit ng panlapi sa
salitang-ugat.
a) may panlaping ikinakabit sa salitang-ugat upang
makabuo ng pandiwa
hal.: um - + = um alis
-an + walis = walis an
b) May panlaping ikinakabit sa salitang-ugat upang
makabuo ng pang-uri.
hal.: ma -+ ganda = maganda
c) May panlaping ikinakabit sa mga salitang-ugat
upang makabuo ng pangngalan.
hal.: Ka -+ bata +- an = Kabataan
mag -+ ina = mag-ina
2. Pag-uulit – Maaring ang ulitin ay:
a) unang patinig ng salita
hal.: a alis ; ta takbo
b) dalawang panting na salita
hal.: ka ni - kanino ; ta u - tauhan
c) buong salita
hal.: gandang-ganda ; bagay-bagay
takbo nang takbo
3. Pagtatambal – pagsasama o pagkakabit ng dalawang
salitang magkaiba na pina-iisa na lamang na kung minsa’y
nagkakaroon ng bao o pangatlong kahulugan.
hal.: bahay + kubo = bahay-kubo
bayad + utang = bayad-utang
bahag + hari = bahaghari
dalagang + bukid = dalagang-bukid
hipong + tulog = hipong tulog
bantay + salakay = bantay-salakay
BSE-Kagawaran ng Edukasyon 63
7. Pagbubuo ng mga sintesis batay sa paksang pinag-usapan
a. Epektibo bang nagamit ang mga salitang maylapi, inuulit at tambalan
upang mailahad nang malinaw ang mga tiyak na impormasyon?
Patunayan.
b. Mahalaga ba ang kaalaman sa paggamit ng mga binuong salita batay
sa punong salita sa pagbubuo ng textong informativ? Patunayan.
IV. EVALWASYON
IKALIMANG ARAW
1. Panimulang Gawain
Sa tulong ng Venn Diagram, ihambing ang pagkakaiba at
pagkakatulad ng tatlong dayuhang sumakop sa Pilipinas.
A B
AB
Kastila Hapones
ABC
AC BC
2. Pagpapabasa sa isa pang halimbawa ng textong informativ. “ANG
EDUKASYON SA PANAHON NG MGA KASTILA”.
64 BSE-Kagawaran ng Edukasyon
ANG EDUKASYON SA PANAHON NG MGA KASTILA
Noong panahon ng mga Kastila, ang naging mga unang guro ng
mga Pilipino ay ang mga misyonerong Kastila. Sa Cebu nagsimula ang
pagiging guro ng mga misyonero noong 1565. Kusang-loob nilang
tinuruan ang mga mag-aaral na bumasa at sumulat, magkwento at
tumugtog ng mga instrumentong pangmusika. Ipinasasaulo sa mga mag-
aaral ang mga aralin, bagamat di naman nila nauunawaan ang kanilang
sinasabi. Ang paulit-lulit na pagmememorya ay di naibigan ng mga
nakararamik. Maging ang dasal ay ipinasasaulo nrin. Labas-pasok sa
kanilang tainga ang pagmemorya ng mga dasal na tila sila mga lorong
sunod lang nang sunod sa mga misyonero. Kung susundin ang mga
unang utos ng hari ng Espanya, ang dapat na unang itinayo nila ay mga
paaralang primarya. Di agad ito naisakatuparan ng pangasiwaan. Nagtayo
ang mga Kastila ng mga kolehiyo na katumbas ng mataas na paaralan sa
ngayon. Ang unang paaralang itinatag ng mga pareng Heswitas para sa
mga lalaki ay ang Colegio de Manila noong 1589. Ito ang kolehiyo na
kilala ngayon bilang Colegio de San Ignacio, Sunud-sunod nang itinatag
ang colegio de San Ildenfonso sa Cebu noong 1595 at ang Colegio de
San Jose sa Maynila noong 1601.
Nagtayo rin ng kolehiyo para sa mga babae. Unang itinatag ang
Colegio de Santa Potenciana noong 1589. Sinundan ito ng Colegio de
Santa Isabel noong 1632 at ang Colegio de Santa Rosa noong 1750.
Hindi lamang mga kolehiyo ang itinatag ng mga Kastila kundi maging ang
mga beateryo para sa mga babae. Nangunguna ang Beaterio dela
Comapaña de Jesus noong 1694 at ang Beaterio de Santa Catalina
noong 1696.
Ang edukasyon sa panahon ng mga Kastila ay totoong naging
makabuluhan. Ito’y dahil sa ang Escuela Pia ay naging unibersidad.
Itinatag ito ng mga Heswitas hanggang sa ito’y maging Ateneo de Manial.
Hindi lamang iyon, ang Colegio de Santisimo Rosario na itinatag ng ma
pareng Dominikano ay siya ngayong kilalang-kilala bilang Universidad ng
Santo Tomas.
Nakapagtapos sa dalawang bantog na kolehiyo at unibersidad ang
mga Pilipinong kabilang sa Ilustrado o alta-sosyedad ng lipunan. Ang mga
Pilipinong ito’y pinanday at hinubog ng mga pareng Hesuwita at
Dominikano ay siyang nagbukas sa isipan ng mga Pilipino na gumawa ng
hakbang upang makatulong sa kapwa Pilipino. Dahilan sa natutuhan
nilang kaalaman ginising nila ang damdaming nasyonalismo ng mga
Pilipino.
BSE-Kagawaran ng Edukasyon 65
Ang mga pareng Misyonero ang una nating guro, at ang mga
paaralang kanilang itinatag na siyang pinagmulan ng kaalaman ng mga
Pilipino’y siya ring pinagsimulan ng mga Pilipinong nakaunawa sa mga
pagsasamantala at pagsikil ng ating mga kalayaan noong panahong iyon.
3. Pagsusuri sa binasang texto batay sa mga sumusunod:
- Pagbibigay ng mga paniniwala/opinyong inilahad sa texto
- Pagbibigay ng pangunahing kaisipan, pantulong na kaisipan
Katulong na Katulong na Pangunahing
Kaisipan Kaisipan Kaisipan
4. Pagsusuri sa binasang texto batay sa paglalapi, pag-uulit at
pagtatambal.
5. Pagpapasulat ng isang textong informativ.
Sumulat ng isang textong informativ tungkol sa “Ang Basic
Education Curriculum, sa Pananaw ng Isang Mag-aaral”.
Gamitan ng mga salitang maylapi, inuulit at tambalan. Formal na
wika ang gamitin.
6. Pagpapahalaga/Pagpapabasa sa ilang isinulat ng mga mag-aaral.
66 BSE-Kagawaran ng Edukasyon